更多
2011-04-03
128 瀏覽
前幾日先黎打完邊爐，今晚又再黎過 ~ 近期發現無以前咁多食客，唔洗訂位，walk-in 都有位坐。唔怪得知啦，所來質數下降左咁多，睇落仲會持續落去添 ~去邊度打邊爐都好，就算係住家打，我都最喜愛既混醬，每次都係獨孤一味，勁多指天椒加金銀蒜豉油，又香又辣。牛肉刺生，冰鎮夠晒凍，但牛肉一般貨色，味淡、口感腍劈劈，麻麻地，加洋蔥同豉酒一齊食會好一點，真係一分錢一分貨。枝竹巨魚頭湯，鮮甜可口，有肥豬肉餚湯，可令味道更濃。炸過既巨魚頭，啖啖肉，又嫰又滑，好味道。蟹籽手打墨魚滑，口感同味道還可以，有鮮味、都彈牙。但猜圓放係金屬碗上不好處理，最好都係壓偏放係碟上較好。頂級手切肥牛，牛味濃，味道帶甜但未夠甜，口感鮮嫰但未夠滑，脂肪網紋不足、不平均、略瘦。不過就算唔係頂級，都算係中上級架喇。上次去尖咀間分店，唔知佢係攞錯定係故意，擺啲機切肥牛扮手切，離晒譜架 ~豬肝，切得太厚，烚既時間要耐一點，搞到口感腍劈劈又粉口，又唔係起沙，差。豬粉腸，用糊椒醃過，好重糊椒味，但將最緊要既絨毛洗晒，得返層皮邊會好食，又腍劈劈，完全唔彈牙爽口唔嫰滑，仲有嚴重苦澀味，難食，劣。竹笙，爽口簡單普通無特別，好味。雞子，上次腍
去邊度打邊爐都好，就算係住家打，我都最喜愛既混醬，每次都係獨孤一味，勁多指天椒加金銀蒜豉油，又香又辣。
牛肉刺生，冰鎮夠晒凍，但牛肉一般貨色，味淡、口感腍劈劈，麻麻地，加洋蔥同豉酒一齊食會好一點，真係一分錢一分貨。
枝竹巨魚頭湯，鮮甜可口，有肥豬肉餚湯，可令味道更濃。炸過既巨魚頭，啖啖肉，又嫰又滑，好味道。
蟹籽手打墨魚滑，口感同味道還可以，有鮮味、都彈牙。但猜圓放係金屬碗上不好處理，最好都係壓偏放係碟上較好。
頂級手切肥牛，牛味濃，味道帶甜但未夠甜，口感鮮嫰但未夠滑，脂肪網紋不足、不平均、略瘦。不過就算唔係頂級，都算係中上級架喇。上次去尖咀間分店，唔知佢係攞錯定係故意，擺啲機切肥牛扮手切，離晒譜架 ~
豬肝，切得太厚，烚既時間要耐一點，搞到口感腍劈劈又粉口，又唔係起沙，差。
豬粉腸，用糊椒醃過，好重糊椒味，但將最緊要既絨毛洗晒，得返層皮邊會好食，又腍劈劈，完全唔彈牙爽口唔嫰滑，仲有嚴重苦澀味，難食，劣。
竹笙，爽口簡單普通無特別，好味。
雞子，上次腍劈劈又爛又唔新鮮，今次好好多，彈牙鮮甜、皮脆肉嫰。
白蘿蔔片，鮮甜美味，烚到全透明、索晒啲精華、入口即溶最好食。
石蠔，第一次食，好瘦好細，烚完個蠔仔 size 縮剩三份一，出奇地食落爽口鮮味，仲有一種好特別既鮮甜味道，味道不俗，值得一試。如果同美國桶蠔比，我就 prefer 桶蠔既濃味、實淨既質感同 size 喇，不過各有各好。
自家炸魚皮，偏咸，不過放湯浸腍後，食落唔錯噃。
炸腐皮，其實我唔多好依樣，覺得好油，麻麻地。
竹蔗水，好鬼甜，要加凍先頂得住。
張貼
