更多
2011-03-27
44 瀏覽
一向對於自助餐印象都麻麻，次次食親都唔好食﹗對呢排大熱既任食放題更係試都未試過﹗老友友人o係三個星期前於旺角開左間新場，叫宮崎日式燒肉，友人試菜優惠有半價，咁荀我同食家梗係去啦﹗食8點至10點既時段，平日就$198，價日加多$20，也不算貴喎﹗物種類勁多，烤肉、炸物、壽司、刺身、飯麵烏冬咩都有﹗熟食我地當然唔會點叫，因為今次既主題係燒肉嘛﹗食飽燒肉再講﹗自己點菜啦﹗飲品包一杯，雜果賓治，飲完要再ORDER就要俾錢喇﹗我地就飲酒，生啤大杯$18，抵抵抵﹗新張優惠，每人有隻九吋長既虎蝦﹗真係仲長過隻手板架，無渣流攤﹗大隻，多肉，仲要多膏，食完大滿足﹗雖是雪藏野，不過剩係呢隻野係街市買都要$30-$40吧﹗食下海鮮先，扇貝、秋刀魚、翡翠螺同海蝦任叫﹗第一round梗係咩都試哂佢先﹗扇貝同翡翠螺都好大隻﹗燒呀燒呀﹗任食得兩小時，大家從來都無比個爐有閒置既時間﹗永遠是爆哂的﹗扇貝鮮甜，蘸少少日式豉油好味﹗又估唔到既係原來翡翠螺燒出來比凍食個質感同味道有過之而無不及，彈牙，肉味濃，陣陣烤香﹗我吃了三隻﹗醬油當然不可少﹗主角來喇﹗烤肉，我地淨係呢個咁既拼盤都食左三個﹗一睇色水就知呢碟係全牛啦﹗牛既選
對呢排大熱既任食放題更係試都未試過﹗
老友友人o係三個星期前於旺角開左間新場，叫宮崎日式燒肉，友人試菜優惠有半價，咁荀我同食家梗係去啦﹗
食8點至10點既時段，平日就$198，價日加多$20，也不算貴喎﹗
物種類勁多，烤肉、炸物、壽司、刺身、飯麵烏冬咩都有﹗
熟食我地當然唔會點叫，因為今次既主題係燒肉嘛﹗食飽燒肉再講﹗
自己點菜啦﹗
飲品包一杯，雜果賓治，飲完要再ORDER就要俾錢喇﹗
我地就飲酒，生啤大杯$18，抵抵抵﹗
新張優惠，每人有隻九吋長既虎蝦﹗真係仲長過隻手板架，無渣流攤﹗
大隻，多肉，仲要多膏，食完大滿足﹗雖是雪藏野，不過剩係呢隻野係街市買都要$30-$40吧﹗
食下海鮮先，扇貝、秋刀魚、翡翠螺同海蝦任叫﹗第一round梗係咩都試哂佢先﹗
扇貝同翡翠螺都好大隻﹗
燒呀燒呀﹗任食得兩小時，大家從來都無比個爐有閒置既時間﹗
永遠是爆哂的﹗
扇貝鮮甜，蘸少少日式豉油好味﹗又估唔到既係原來翡翠螺燒出來比凍食個質感同味道有過之而無不及，彈牙，肉味濃，陣陣烤香﹗我吃了三隻﹗
醬油當然不可少﹗
主角來喇﹗烤肉，我地淨係呢個咁既拼盤都食左三個﹗一睇色水就知呢碟係全牛啦﹗
牛既選擇都係五六款，專業﹗
蔥醬油牛胸腹。軟滑﹗牛味重，吃下滿口脂香﹗
如十分滿分有八分﹗乜原來而家0的任食場有0的咁正既牛食，早知一早就來啦﹗
我又點會唔飲酒，友人自攜福島出品清酒一支﹗
唉.....應是絕版的了﹗
呢個係全晚最愛，一口牛，厚切，牛味最濃，咬下口感十足，牛味瞬間佔據味蕾所有位置，最緊要係任叫任吃，食番佢十粒八粒真係不為過﹗
岩鹽牛舌，爽脆，友人爭住來食，起碼食左成十件﹗牛仔骨就麻麻地無咩特別，可以主攻頭先介紹既牛類﹗
刺身都試番碟啦﹗款式都有六七款，未算很出眾但在任食場來說也算是不錯﹗
佢地食刺身，我就繼續勁燒牛﹗
食完牛又轉下，食豬同埋雞﹗個賣相真係唔錯架﹗黑椒五花腩肉，味道勁香濃，唔怕肥既死士真係要食多幾件﹗
雞翼甜甜地的﹗
剪成單骨雞翼更易熟，貼心﹗
蒜味雞腿肉亦很值得試，入味，細細件，蒜香味足﹗
呢個豬頸肉要熱情推介，肉質爽嫩味濃，重點攻擊對象﹗
蒜片牛肉﹗任叫任食﹗送下酒都不錯吧﹗
叫到一枱都係，唔係咩﹗
和牛粒炒飯，飯是珍珠米粒粒分明，最後衝刺其間飽肚必選﹗牛油焗藍青口，呢0的青口都係用來煮會好食0的，燒的話變得乾很粉﹗浪費了﹗
甜品有雪糕、杏仁豆腐及芒果布甸﹗布甸好好味﹗推介﹗
最後埋單$1200有多，因有半價關係$600幾蚊，5個人食位位百多元﹗
地點就近方便，食物精緻，不會甩頭甩骨，烤肉質素佳，用料算上乘，任叫任食完全無黑面﹗
待應生服務很好，特別要一讚一個名叫AMY的同事，對任我地既麻煩要求都相當有耐性，食到中段ORDER食物時間長了，她都好落力幫我地跟進﹗謝謝﹗
就算無半價一人都係$220左右，日式燒肉店仲要任食相當便宜，找個機會下個月再來先﹗
更多宮崎食物相片: http://hk.myblog.yahoo.com/smallsmalllin/article?mid=23609
我的飲食微博: http://t.sina.com.cn/smallsmalllin
張貼
