尚膳潮州酒家 (已結業)

平時去海港城都有去開尚膳，貪佢唔洗等位，快靚正今日如常去食晚飯，一入到去未坐低個waitress就介紹凍蟹，我地話望下個餐牌先到可以叫餸時，個經理埋來又講多次，話今日有好抵食，$550斤幾跟住我地問係邊隻,經理如廚房問師傅指比我地睇，隻蟹係插係個排蟹既中間，要係中間攞出來先睇到。我地話ok, 叫多左個苦瓜排骨煲同一個2人餐。隻蟹到先，經理話等我地食完先上其他。隻蟹都算多肉，蟹身剛切開望上去唔算濕潤但還ok,但係d 腳同蟹鉗，蟹蓋就真係超乾，完全無水，唔似係今日煮，應該係因爲隔左夜所以一路減價速銷我唸係想儘快賣曬d就快變唔新鮮既先，但係就會對早到既客人唔公平，我地9點零走時仲有3-4隻蟹未賣，可能就等聼日.....我唸我地隻蟹都曾經係好靚，如果真係賣左d無甘好既先就真係好浪費！$550食隻隔夜蟹我就真係覺得唔抵，仲好貴！其他餸都係一貫水準，清清地，又唔油值得一讚係餐個個蛋花糖水，夠熱又好好味尚膳唔算係超級好味既一間餐廳，但係平時唔想唸既時候係唔錯既選擇，但係唔會再叫凍蟹！另外，可能人多，我地食完隻蟹都等左好耐先叫到人來收野同上其他菜，之後茶無曬都要叫先添，平時好少會甘。