更多
2011-01-14
67 瀏覽
超凍超凍，好想打邊爐 ~ 幸運地，好彩有兩位靚女今日放假，又肯陪吓我啫 ~ 一放工即趕負邊爐飯局 ~ 今日早開飯，所以訂到房，坐得勁舒服，又寬倘，唔洗迫、唔洗嘈，仲有獨立電視，勁開心呀 ~早年試過太子分店，真係好差好唔惦，服務、環境、食物都未能逹標，所以一直以來對小肥牛印象唔多好 ~ 直至大埔開分店，一試難忘，火鍋料新鮮、湯底足料無欺場，選擇多，有刺生又有其他較特別食材，好滿意 ~多料調味架，免費任用，對每次只係要大量指天椒、金銀蒜，撈埋豉油搞掂，既香且極辣，夠刺激，正。鱘龍魚刺生，用冰鎮上枱，仲有乾冰搞搞氣氛添。味道好鮮甜，無咩魚油，所以唔太有滑同軟棉口感，肉質實淨有咬口，但又唔係章紅或池魚嗰隻彈牙嚥靭。大魚頭湯底，勁足料 ﹗魚頭大過我掌心，應該都六七吋長，炸過才放湯，香口無腥味，魚雲到整個魚頭都好香滑，未烚野前先嘗幾口清湯，不錯不錯，無味精，甜甜地，好味。頂級本地手切肥牛，比想像中好百倍，正正正 ﹗停不了 ﹗手切比機切口感更富彈性，更能保持肉汁。雪花平均分佈，口感嫰滑細緻，牛味超濃，充滿肉汁，肥牛拖兩拖，熱騰騰五六成熟，勁正 ﹗必食 ﹗HKD108 大碟有廿幾三十塊，抵呀 ﹗美國桶
早年試過太子分店，真係好差好唔惦，服務、環境、食物都未能逹標，所以一直以來對小肥牛印象唔多好 ~ 直至大埔開分店，一試難忘，火鍋料新鮮、湯底足料無欺場，選擇多，有刺生又有其他較特別食材，好滿意 ~
多料調味架，免費任用，對每次只係要大量指天椒、金銀蒜，撈埋豉油搞掂，既香且極辣，夠刺激，正。
鱘龍魚刺生，用冰鎮上枱，仲有乾冰搞搞氣氛添。味道好鮮甜，無咩魚油，所以唔太有滑同軟棉口感，肉質實淨有咬口，但又唔係章紅或池魚嗰隻彈牙嚥靭。
大魚頭湯底，勁足料 ﹗魚頭大過我掌心，應該都六七吋長，炸過才放湯，香口無腥味，魚雲到整個魚頭都好香滑，未烚野前先嘗幾口清湯，不錯不錯，無味精，甜甜地，好味。
頂級本地手切肥牛，比想像中好百倍，正正正 ﹗停不了 ﹗手切比機切口感更富彈性，更能保持肉汁。雪花平均分佈，口感嫰滑細緻，牛味超濃，充滿肉汁，肥牛拖兩拖，熱騰騰五六成熟，勁正 ﹗必食 ﹗HKD108 大碟有廿幾三十塊，抵呀 ﹗
美國桶蠔，勁大隻，叫一客已有七隻。鮮嫰多汁蠔味重又新鮮，真係一隻接一隻食都無停。
雞子，對我而言打邊爐必備，烚熟後外層脆卜卜、裡面香濃軟棉棉，熱辣辣又充滿水份，好味道。好多人對雞子有誤解，只不過係內臟之麻，外皮口感似脆皮腸、裡面肉既口感以潤囉。當然最好食係去街市雞檔買鮮雞子啦，雖然 size 只得 1-2 cm，但更鮮更甜更彈牙架 ﹗
豬粉腸，雖然夠晒彈牙，但唔夠粉既感覺囉。
白菜仔，鮮嫰爽口，菜只要新鮮已好好味。
蘿蔔片，切薄片最喜歡，快熟、快腍、快入味，煮到變成透明，吸收晒啲精華，熱辣辣，鮮甜美味，勁正。
響鈴，即係炸腐片，炸成一卷卷好似蛋卷形狀，朋友們喜歡浸湯幾秒吸少量湯就即食，可以保持脆口感覺。但我較喜愛浸到腍晒，索盡湯汁，迫出大部份油，口感嚥靭，更好食。
手打四寶丸，新鮮手打丸，當然同加工丸無得比，勁鮮味勁彈牙。
張貼
