更多
2010-11-27
32 瀏覽
9月24日, 呀比羊癮起~ 拉咗我去小肥羊打邊爐! 呢次係我第一次食香港嘅小肥羊~ 完全唔知頭唔知路… 原來任點任食嘅套餐羊肉係有限供應架!! 而另外熟食方面亦都唔喺任食單裏面… 喺考慮完之後, 最後決定散叫~::: 花生 ::: $10都唔係嚟飲茶都有收呢d前菜錢… 好在d花生都幾香脆好食~::: 鴛鴦湯底 (中) ::: $58中鍋已經等於我地平時一家人打邊爐個size. 湯底一邊係麻辣另一邊係藥膳湯底~ 兩邊都好足料好夠味!::: 特級羔羊肉 (方卷) ::: $88叫一碟都已經好多~ 夠晒我地兩個慢慢食! d羊肉都係一卷卷咁上碟, 不過可能質素無咁好, 一夾就散, 變到好碎濕濕… d羊肉又唔係好羶, 羊味亦只屬一般~::: 牛骨髓 ::: $25呀比話喺之前食過牛骨髓好好食. 成條骨髓軟乃乃, 呀菲第一次食! 入口好淋, 好似一條肥膏咁… 不過呢碟無乜味, 唔係好新鮮, 差d… 仲有少少腥添…::: 肥羊粉 (寬) ::: $32同深圳食嘅有少小分別… 呢度d肥羊粉好似水晶粉咁, 質地好滑, 但入口比較爽身~ 無深圳嘅咁QQ! 不過味道就兩邊都差唔多~::: 菜芯苗 ::: $
::: 花生 ::: $10
都唔係嚟飲茶都有收呢d前菜錢… 好在d花生都幾香脆好食~
::: 鴛鴦湯底 (中) ::: $58
中鍋已經等於我地平時一家人打邊爐個size. 湯底一邊係麻辣另一邊係藥膳湯底~ 兩邊都好足料好夠味!
::: 特級羔羊肉 (方卷) ::: $88
叫一碟都已經好多~ 夠晒我地兩個慢慢食! d羊肉都係一卷卷咁上碟, 不過可能質素無咁好, 一夾就散, 變到好碎濕濕… d羊肉又唔係好羶, 羊味亦只屬一般~
::: 牛骨髓 ::: $25
呀比話喺之前食過牛骨髓好好食. 成條骨髓軟乃乃, 呀菲第一次食! 入口好淋, 好似一條肥膏咁… 不過呢碟無乜味, 唔係好新鮮, 差d… 仲有少少腥添…
::: 肥羊粉 (寬) ::: $32
同深圳食嘅有少小分別… 呢度d肥羊粉好似水晶粉咁, 質地好滑, 但入口比較爽身~ 無深圳嘅咁QQ! 不過味道就兩邊都差唔多~
::: 菜芯苗 ::: $22
真係菜芯苗? 粗壯得有如菜芯… 不過都幾嫩~ 食落清甜無渣~ 收貨啦!
::: 蒙式烤羊肉串 x2 ::: $20
好味! 孜然粉落得多¸食落有少少辣~ 但羊味十足~ 唔羶! 肉質較實但juicy~ Good!
::: 蒙古鍋貼 (半打)::: $30
d鍋貼好大隻~ 不過凍咗… 皮都乾硬咗少少. 我擺佢落個邊爐度整番熱佢食, 好好多! 但鍋貼皮都幾厚, 勝在餡料頗多~ 合格啦~
::: 羊肉包子 (2隻) ::: $20
中式包皮, 味道微甜~ 內裏d羊肉免治咗, 軟淋淋~ 肉味幾香, 可惜個包唔夠熱.
::: 茗茶 ::: $10@
茶都係一般酒樓質素~ 無乜特別…
入座之時大概8點都好似冇人咁, 不過到我地食完嘅時候因為撞正9點半特價任食時段, 門口已經堆滿人等位! 全店都充滿住一股小肥羊獨有湯底味~ 雖然論質素同價錢比唔上深圳d小肥羊, 但佢比其他邊爐店嘅食物更有特色, 如果唔可以北上, 呢度都可以暫時止止羊癮嘅~
張貼
