更多
2010-10-09
23 瀏覽
廣源對面有幾間大排檔, 上次試咗另一間, 今次試呢間, 因為見到好多人幫襯, 而且覺得上次果間偏油, 希望呢間會好d, 果然冇令我失望 由於天氣仍然熱氣迫人, 加上我地行咗十數分鐘先到, 當然要入去坐有冷氣的位啦~~ 仲要對正電視機, heehee~~2個人叫咗3餸1粥, 好似剛剛好, 但食落就真係頂唔住...............方魚肉碎蠔仔粥 只係叫1碗, 但果碗比我想像中大好多, 2個人食, 一人食到3碗, 勁呀!!!!! 粥底講話係豬骨煲成, 雖然我唔覺好勁豬骨味, 但唔會覺得係味精, 加上材料十足, 蠔仔又飽滿, 真係4個人食都未必食得哂~~ 鹵水鵝片 鹵水汁味道超正, 又香, 最重要係唔會太鹹, 雖然d鵝片薄咗d, 但都有成十塊多dd, 唔會話唔夠食...............開頭我以為墊底一定係芽菜(因為平), 原來係用豆腐架!! 搞到我地食唔落.............d豆腐一望就知唔夠滑, 因為d肉有好粗的氣孔, 不過佢唔係主角, 所以冇乜所謂啦~~啫啫雞煲 其實我地係叫啫啫排骨煲, 不過佢送錯咗嚟, 咁我地又見一樣價錢, 所以都照食, 冇話退貨........
由於天氣仍然熱氣迫人, 加上我地行咗十數分鐘先到, 當然要入去坐有冷氣的位啦~~ 仲要對正電視機, heehee~~
2個人叫咗3餸1粥, 好似剛剛好, 但食落就真係頂唔住...............
方魚肉碎蠔仔粥
只係叫1碗, 但果碗比我想像中大好多, 2個人食, 一人食到3碗, 勁呀!!!!! 粥底講話係豬骨煲成, 雖然我唔覺好勁豬骨味, 但唔會覺得係味精, 加上材料十足, 蠔仔又飽滿, 真係4個人食都未必食得哂~~
鹵水鵝片
鹵水汁味道超正, 又香, 最重要係唔會太鹹, 雖然d鵝片薄咗d, 但都有成十塊多dd, 唔會話唔夠食...............開頭我以為墊底一定係芽菜(因為平), 原來係用豆腐架!! 搞到我地食唔落.............d豆腐一望就知唔夠滑, 因為d肉有好粗的氣孔, 不過佢唔係主角, 所以冇乜所謂啦~~
啫啫雞煲
其實我地係叫啫啫排骨煲, 不過佢送錯咗嚟, 咁我地又見一樣價錢, 所以都照食, 冇話退貨..........一打開個蓋, 嘩..............好香呀!!!! d雞非常入味, 但可惜唔係太熟, 可能太大舊........其餘仲有豬潤、冬姑、蒜子等等, 所以成煲嘢好夠味, 不過覺得都係油咗少少, 唔知係咪驚沾底, 所以要落多d油.............
沙爹肥牛炒時蔬
我地選咗娃娃菜, 覺得佢會夾d...........好香沙爹味, 肥牛又唔算好肥, 娃娃菜吸收哂d沙爹汁, 正!!!
由於每碟份量都唔細, 所以每碟都食剩少少, 如果3個人食就fit哂喇~~
張貼
