泰苑 (已結業)

聽D friend 講西九龍中心8樓的美食廣場改裝後有好多平靚正的選擇, 咁我和老公就帶咗我兩個大食仔, 一家四口走一趟。星期天六點幾, 人山人海, 花多眼亂, 好彩個friend一早介紹我記得試吓"泰苑"。雖然帶點廣式的泰國菜, 但好底食。二人晚餐只係$70左右, 有咖喱炒大蝦, 飛天通菜, 炸蝦餅, 白飯兩碗, 還有冬蔭湯兩碗(但係鹹咗D)。 我最欣賞是飛天通菜, 好有鑊氣！D大蝦都幾彈牙, 因為食得太興奮, 連相都唔記得影。下次再encore, post上嚟比大家睇!我兩個大食仔最鐘意食炸嘢,咁我就加咗炸帶子, 十二蚊有6件, 炸蟹鉗$15有4件, 反而炸帶子好味D, 一吓子就搶清光了。 又影唔到相!!!個friend話泰妃雞飯好好味, 咁當然又試吓, 果然D雞好滑, D黃姜飯好味, 但喺D醋就一般。