更多
2010-08-16
132 瀏覽
平記，幾十年老店，飲食男女都報道過幾次。傳說中既竹昇麵，係師父每朝用碌竹哽足幾個鐘壓成，完全手做全蛋麵，比一般機製既更彈牙嚥靭，每日限量發售 ~帶友人專程去試林記排骨飯，我咁大食一碗飯點夠飽，咁啱發現原來平記就係正對面，多年前已經想試吓竹昇麵係點樣，咩咁巴閉架喇，擇日不如撞日，就依家叫碗麵試佢一試，無做定功課，無去調查吓佢地咩出名，咁是但叫個魚蛋麵啦 ~同位妹妹落單要魚蛋麵走蔥，送去林記第一張枱。五分鐘後有位口黑面黑既阿姐攞碗魚蛋米多蔥比我，吓？我係叫魚蛋麵走蔥架喎。阿姐黑住面用不滿既聲線回應話如果真係落錯單，仲錯得咁離譜，就要炒魷魚 ﹗就掉頭走左去。嘩，依啲咁既服務態度真係要嚴格地改善囉 ﹗之後另一位四眼阿姐有禮好多，攞碗正確既麵比我，但係都無走蔥既，唉。。。魚蛋麵，傳說中既竹昇麵，所謂完全手做既全蛋麵，唔知係咪剛食左碗林記排骨飯同啲點心，所以飽飽地而影響左我既味覺呢？成世人第一次食竹昇麵，外觀好唔同，係麵球而且係麵條全部分散，唔似得麵餅咁癡埋一舊。但口感無咩特別，只係比一般既全蛋麵彈牙，而且蛋味較濃，遲啲要再試多次，試真啲。叫錯魚蛋，原來招牌菜係水餃同雲吞，魚蛋大大粒，味道普通基本
帶友人專程去試林記排骨飯，我咁大食一碗飯點夠飽，咁啱發現原來平記就係正對面，多年前已經想試吓竹昇麵係點樣，咩咁巴閉架喇，擇日不如撞日，就依家叫碗麵試佢一試，無做定功課，無去調查吓佢地咩出名，咁是但叫個魚蛋麵啦 ~
同位妹妹落單要魚蛋麵走蔥，送去林記第一張枱。五分鐘後有位口黑面黑既阿姐攞碗魚蛋米多蔥比我，吓？我係叫魚蛋麵走蔥架喎。阿姐黑住面用不滿既聲線回應話如果真係落錯單，仲錯得咁離譜，就要炒魷魚 ﹗就掉頭走左去。嘩，依啲咁既服務態度真係要嚴格地改善囉 ﹗之後另一位四眼阿姐有禮好多，攞碗正確既麵比我，但係都無走蔥既，唉。。。
魚蛋麵，傳說中既竹昇麵，所謂完全手做既全蛋麵，唔知係咪剛食左碗林記排骨飯同啲點心，所以飽飽地而影響左我既味覺呢？成世人第一次食竹昇麵，外觀好唔同，係麵球而且係麵條全部分散，唔似得麵餅咁癡埋一舊。但口感無咩特別，只係比一般既全蛋麵彈牙，而且蛋味較濃，遲啲要再試多次，試真啲。
叫錯魚蛋，原來招牌菜係水餃同雲吞，魚蛋大大粒，味道普通基本，口感彈牙似潮州板魚蛋，但魚味較淡。
我最愛食辣，無辣不歡。但依度既辣椒油係帶酸味，咁怪既？有啲豆板醬既影子，遲啲真係要黎試多次，一探究竟。湯底清甜，都係足料無味精，但只係暖且接近凍，一啲都唔熱，差 ﹗
張貼
