更多
2010-01-17
6 瀏覽
三個月前去過食晚餐，果日full house，服務態度勁差，問佢要杯水同要多張椅放野，waitress黑面，好似欠左佢咁。都唔平，三個人夾埋食左$1200，咁既態度真係唔得，不過以為佢果日full house至manage唔黎...因為佢d甜品好好食，所以今日下午茶再比多次機會佢....叫左3個甜品，一個apple tart with icecream，一個糖絲配玉桂雪糕，一個雪糕開心果海棉蛋糕，另外點左3杯coffee。甜品的確好好味，好可惜服務態度之惡劣真係不得不提....首先係水都唔serve都算，服務生十問九唔應，幾個圍埋傾偈嘻嘻哈哈，好幾張檯招手都扮睇唔到，要大大聲叫好幾次唔該至有人行埋來...後來上左飲品同甜品，涷咖啡冇加糖又唔跟糖水一齊上，又好辛苦咁叫左好耐至叫到人拎過來....熱咖啡有跟糖，但d糖放低左一陣，我地都未落，咖啡都未飲過，個waitress問都唔問我地用完未就自己拎走。於是又要大大聲叫左好多次至叫到佢拎返過來比我地，我地同佢講"我地未用完，你拎走之前麻煩問一下"，個waitress連appologize都冇，黑面粒聲唔出就走左去....甜品係唔錯，不過服務態
問佢要杯水同要多張椅放野，waitress黑面，好似欠左佢咁。
都唔平，三個人夾埋食左$1200，咁既態度真係唔得，
不過以為佢果日full house至manage唔黎...
因為佢d甜品好好食，所以今日下午茶再比多次機會佢....
叫左3個甜品，一個apple tart with icecream，一個糖絲配玉桂雪糕，一個雪糕開心果海棉蛋糕，另外點左3杯coffee。甜品的確好好味，好可惜服務態度之惡劣真係不得不提....
首先係水都唔serve都算，服務生十問九唔應，幾個圍埋傾偈嘻嘻哈哈，好幾張檯招手都扮睇唔到，要大大聲叫好幾次唔該至有人行埋來...
後來上左飲品同甜品，涷咖啡冇加糖又唔跟糖水一齊上，又好辛苦咁叫左好耐至叫到人拎過來....
熱咖啡有跟糖，但d糖放低左一陣，我地都未落，咖啡都未飲過，個waitress問都唔問我地用完未就自己拎走。於是又要大大聲叫左好多次至叫到佢拎返過來比我地，我地同佢講"我地未用完，你拎走之前麻煩問一下"，個waitress連appologize都冇，黑面粒聲唔出就走左去....
甜品係唔錯，不過服務態度咁惡劣，真係好過份。收費係大酒店價錢，但係service不如茶餐廳，奉勤各位想試之前真係要考慮清楚，咁樣既service真係會嚴重影響閣下用餐情緒....
順帶一提，我地坐近窗邊位置，不停有蒼蠅飛近食物，衛生情況很一般。
張貼
