裕滿人家 (已結業)

尼間野, 我話過唔去好多次, 點解都會再踏足呢??一係就老闆請, 我冇得簡, 一係朋友請, 唔好意思推, 但係尼兩個情況成日都會出現.我從來都冇有意欲主動去, 亦冇話同朋友講尼間野好唔好之類, 但係.......我今日真係忍無可忍, 我已經忍左尼間野好多次, 在此鄭重宣佈, 我唔會再去, 邊個請都冇面俾.這幾天, 我有外地朋友來香港探我, 早茶就去左尼間野度食, 我唔知醒冇去, 點知佢地竟然呃我兩個朋友$7蚊, 找錢找少左$7蚊比佢地, 我朋友見到張單, 就問點解會找少左$7, 個黑衫經理竟然話, 尼d係服務費.咁好啦, 中午就真係同我兩個朋友食飯, 佢地開定位等我, 我只好照去啦, 佢講返朝早件事比我聽, 根據我去尼間野既經驗, 都唔洗止已追得返啦, $7蚊姐, 但係啖氣就梗唔落架喇, 中午食返一樣, 侍應叫都叫唔郁.總之成個過程, 係我去荃灣悅來坊商場2樓裕滿人家一直都冇變, 我去尼間野已經有連續超過兩年, 你地想去就去啦, 我唔會阻你地, 不過如果認識我既朋友就唔洗諗, 冇得傾.我喜歡有禮貌, 大家都有, 做人互相尊重, 尼間野一d都做唔到, 表面上做到既, 咪呃人囉...冇品,