又係外賣紙既時間, 是日門口有一張新既外賣紙, 查一查....咦!! 新野播. 反正出街落樓下都冇乜好食. 不理了, 是日lunch, 繼續叫上黎食.

看一看外賣紙, 有什麼阿蘇推介必食沙爹, 又話自己係09全港必吃推介. 名為潮記....不過同潮州, 潮流, 完全沒有關係.

亦是由同事仔負責打電話. 食評到此...又有驚嚇....第一驚, 電話號碼同聰嫂一樣!! 第二驚..Fax number 同聰嫂, 媽打一樣, 第三驚...接電話果位, 都係同一把聲..同事問多一句, 聰嫂同星級媽打係咪都係呢度.....接電話果個人口窒窒...說"舊果間已經俾人接左手"......又引來二人大笑.

送餐時間一樣準時, 是日每人一份沙爹, 我要沙爹豬仔肉, 同事就沙爹雞, 不用怕有淋錯汁既事件發生. 馳名沙爹, 食落果沙爹的確幾香滑. 不過, 絕對不是星馬風味, 是普通唔係幾辣, 花生味唔重既港式沙爹. 有汁撈飯, 而且夠熱, 叫到會服務...都是求一個熱飯同方便姐.