某日，人在灣仔唔知食乜好，茫無頭緒下去了消防局隔離的雲南桂林過橋米線，除了因價錢相宜外，亦因為突然想吃紅薯粉。這裡紅薯粉有好幾款，QQ 粉、紅薯粉、細紅薯粉、寬粉等，用料應該差無幾，只是形狀有點不同罷了。

食粉麵，例牌會叫一碟腐乳通菜 ($10)，腐乳倒在通菜上，味道不太均勻，菜也好老，感覺不值。我要了中小麻辣的魚腐豬大腸小窩紅薯粉 ($32)，賣相看似豐富，實質大多都是酸菜、韮菜同芽菜，配料並不算多，湯底呈半紅色，味道少辣帶點麻，伴以煙韌紅薯粉，都幾刺激的。女友要了中小酸辣的豬軟骨木耳重慶酸辣細薯粉 ($28)，湯底有層辣油，味道明顯比我的刺激一點，配料正常，唯豬軟骨肉質有點硬，細薯粉比較幼身，入口比較淋唔算太 QQ。最後飲杯凍奶茶，味道當然比不上茶餐廳的出色。

總結，這店水準未見出色，但又不是難吃，平平庸庸，不會留下深刻印象。值得一提，此店鋪店明明是「雲南桂林過橋米線」，餐牌卻寫著「雲桂香米線專門店」，唔通換左老細？