好唔好食又睇落去 297 回: 北海道十勝豚丼網燒汁一流, 豬扒九流!
http://hk.myblog.yahoo.com/goodboy_philip/article?mid=38194


北海道 + 十勝 + 豚丼 = 全部都同日本有關, 極似日本正宗食店既名! 記得某期食野雜誌以日式豬扒飯作專題, 呢間北海道十勝豚丼可以同 TONKICHI 同一版, 大期望去試一試,  好唔好食又睇落去?
 

地址: 旺角通菜街威達商業大廈1A-1L,E及F舖
 

聽聞初開業時其門如市, 宜家呢?
 

網燒芝士免治豚肉餅: 對於免治東東有偏好, 芝士半溶0係免治豚肉餅, 未食口水流, 食落呢? ng ng...豚肉碎肉剁得太密握得太實喇, 食落口感不太好, 唔好笑我用"口感" 二字呀! hahaha...
 

煙肉芝士年糕: 年糕配煙肉芝士配搭有趣, 外型亦可愛, 當開胃小食 ok!
 

串燒豚肉: 食左較肥既一件, 網燒汁一流, 引出豚脂味道, 豚肉似腩肉, 嚐肥既應該會鍾意食!
 

薄切煙豬肝: 熟肝似潤...yack...純粹個人喜好...難食...
 

十勝厚燒豬扒飯: 以打正旗號 sell 豬扒, 抱十分期望...網燒汁一流, 豬扒九流...乾而硬...狠批!
 

十勝烤豬脥飯: 肉質比豬扒好一點, 網燒汁0係肉表層味道可以! 網燒汁撈飯唔錯!
 

北海道生產昆布風味滑蛋煮吉列豬扒飯: 名字夠長! 打半生蛋連蔥食, 恕我食唔出同普通有滑蛋煮吉列豬扒飯食店既味道分別...
 

十勝烤薄豬扒飯: 呢個係四個飯中最好食! 網燒汁沾滿簿豬扒底面, 入味易咬。
 

完全唔飽...不過唔想食...
 
好唔好食? 睇呢幅相就知?四人用碗仔鍾意食邊碗就夾, 好味既大家都可以清哂! 唔好味既就...
 
環境: 3  (佈置簡單, 只 for 食, not for talk。)
衛生: 3  (正常!)
服務: 3 
味道: 1.5  (原本兩粒, 扣半粒全因為食店自誇主打菜落店名, 不過味道非常唔掂!)
價錢: 3  (不過以飯價錢黎講算平, 定食$38-$48 不等, 小食就計番高價 d 平均 $28。
最終評分: 2   如果真係去食既話.......試個十勝烤薄豬扒飯啦........
北海道十勝豚丼, 十勝豚, 好孩子, 日本, 北海道, 炸豬扒, 好唔好食, 食評, 東京