星期六下午,無咩好做,女朋友提議去全港唯一一間既懷舊星巴克睇下。大約六點鐘去到,懷舊星巴克已經俾一眾龍友攻陷左,無論卡座定方台都座無虛席,得返孤寂既摺櫈無人坐,哈哈。去到就覺得好肚餓,先買野食,見到呢到獨有既懷舊三寶,所以就試一試。另外點多一杯榛子鮮奶咖啡。呢間星巴克既員工都好好服務,問佢地拎杯水送藥,都無問題,另外野飲野食係送去你枱面,唔洗企係CASHIER等,仲會將野食翻熱俾你食,VERY NICE。

懷舊三寶($34)

咖啡蛋撻,餅皮係咖啡味,所以啡色,食落同普通蛋撻差唔多。

菠蘿油,翻熱了,牛油融了麵包軟,這樣的菠蘿油唔好食就有鬼,不過仍然無咖啡味。

咖啡雞尾包,形狀同見慣既唔一樣,原來內有乾坤,麵包夾住係咖啡既椰絲,略為甜左D,不過整個麵包都OK。

榛子鮮奶咖啡($34),有榛子香味,鮮奶既滑,咖啡味比較淡,一杯平和既咖啡,岩曬剛好病完的女朋友。

食完東西,在店內拍拍照留念,店中的佈置模仿舊式冰室,而且隨便拍攝,可以慢慢欣賞,懷舊一番。G.O.D X Starbucks