難得有兩日假期,可以同屋企人去澳門行轉,反正自已要先出發,搵食就少不免啦!

有高達兄推介,一落船二話不說飛"的"去也.

雖然位處橫街窄巷,但慕名而至既大有人在.

由於仲有下幾場,簡簡單單要了一碗雲吞蝦子撈,酥炸黃金鯪魚球同加枝可樂都夠頂住一陣.

雲吞蝦子撈 : 一如香港舊式麵檔,份量不多,有時都唔明d人話好細碗唔夠食,要大碗就去食十一,二蚊碗果d,唔好人話好就要趁熱鬧,唔識又要嘈,真攪笑

雲吞事先講明要另上,咬開有一朕蝦子的咸香味,蝦是河蝦,比較細少但蝦味無海蝦咁霸道,一口一粒,合格有餘.

麵是較香港出品粗身,而且有部份粗幼不一,應該是人手製作,單是誠意,比坊間不少食肆好得多.蝦子雖然比預期中少,但品質搭夠,湯是豬骨加入蝦子蝦殼一齊煲,芳香濃郁,一流.

酥炸黃金鯪魚球 普通不過的鯪魚球,蘸上米粉絲再炸,外脆內彈牙,可惜魚味並唔突出,但每一碟都係即叫即製,熱辣辣上檯,蘸上蜆芥汁食,如果加枝大啤,的確生色不少.

作為第一站,已經有超出預期既品質,一於轉個彎去鳳城珠記.........................!

p.s : 雖然裝潢比較舊,但更顯得店子歷史悠久