亞女生日, 但最近真是忙得要命, 沒時間去慢慢的選擇, 攪到一拖再拖,
結果心目中的幾間酒店都已 FULL沒位,剛好看到這間位於童軍總會的
自助餐有優惠, 且又有亞女的最愛 : 生蠔
原本不敢抱太大希望, 但竟然 ~~~~

雖不是一流五星級裝潢, 但好大的場地, 只坐約六至七成左右客人, 絕對
寬敞, 坐近較後的枱, 又聽到另一邊酒吧的現場演唱 , OK 啦.....

食物方面需不是什麼高檔的, 但勝在種類多, 味道就普通D , 不過想到呢個
價錢, 真是超值 .

送的那份海鮮焗響螺個樣原本都OK , 但食落認真平平無奇, 仲唔熱, 失敗
海鮮方面有 生蠔 , 長腳蟹 , 翡翠螺 普通啦 沒鮮甜味.
刺身比較小, 只得八爪魚, 三文魚, 吞拿魚三種, 壽司都只幾款普通款式,
且比較凍有些硬的感覺
熱盤唔多得, 最簡單又飽肚的炒粉麵飯無 ,仲連菜都唔見, 只得白飯但又無餸,
亞仔大呻無興趣 , 本人認為全場最差的 : 中東牛肉 (一入口有好特別的怪味,
即時要吐,仲要飲翻半支汽水才可沖淡D 怪味 )
燒烤就一定不可錯過了, 雞翼, 雞肉串, 羊肉 , 仲有推介要試食的 大蝦, , 魚
甜品方面都OK的, 個楊枝金露撻, 芝士蛋糕 , 班CAKE , 黑糯米, 連糖水都有幾款

最好是飲品任裝任飲 , 仲有懷舊的玻璃樽裝汽水 , 一流....
五個人去埋單連加一, 都只是 940, 抵食, 有回本感覺 .