首先,內容完全同周秀娜無關,只係咁岩關人乜事首映係格黎嘈住晒咁.前提係係對面見到個招牌寫住六本木個名好靚比佢吸引左先上黎再聽到"銀雞聲,周秀娜,銀雞聲,周秀娜,銀雞聲,周秀娜"

入到去好寧靜,同出面兩個世界,menu d食物勁靚,慳靚,個名仲靚!乜野蟹羔蟹肉拉麵.就簡左個名勁靚既蟹羔蟹肉拉麵+張相影到d 生既salmon勁靚既salmon炒飯鐵版同埋墨魚咀.

上菜速度如同快餐店.大概兩3分鐘吧.蟹羔拉麵先來,無蟹羔的- - 見到既就只有蟹肉,仲要唔知蟹肉定蟹柳,不過乜蟹都無所謂,因為佢既湯底係同出前一丁99%相同味.勁難食=.=仲要收我70定80,救命 (啊,第1眼係見到條頭髮先)

慢一兩分鐘既神速鐵版亦唔差,包裝幾靚,好似pepper lunch咁有紙包住,倒汁~專人幫你撈埋,香噴噴咁.不過得個香字,首先d 3文魚熟晒,好灰,d飯既味仲要比茶餐廳既炒飯更差,仲衰過先前果個出前一丁拉麵!好求其!

最後小食墨魚咀好彩似反d樣,喊喊地好有咬口唔差.

呢個日本餐廳好成功呀,以外表吸引人,好可惜我相信每一個黎過既客人都唔會想再去

服務好,當你係門口諗緊入唔入去既時間,佢就會送張10$卷比你
我見人無諗就入係無呢個優惠@@
還有就係食左一陣入左6位,呢樹就由寧靜變為如同出面班周秀娜fans咁嘈..sad.