4-11-2009

又到上環搵食, 今次好 random 的嚟到街市附近的餃子店. 叫了一餃一小食, 加杯飲品.

先嚟凍豆漿 ($5) , 甜度 ok, 入口頗順滑, 豆味一般, 整體味道幾「現成」, 叫做穩穩陣陣吧.

小食係「醉轉彎」($15), 原來係一客 3 隻醉 (雪藏) 雞中翼 聞落富酒香, 食落只得雞皮有丁點酒味, 雞肉就極嚡口又硬, 帶點雪味 , 而且成碟嘢係冰凍得牙都僵埋, 絕對算得上難吃.

主食就係一客 10 隻放湯上的「京蔥羊肉餃」 ($31)... 包得幾靚, 但餃皮太薄又軟撻撻; 餡料羊味夠, 叫有點肉汁,「京蔥」就極老, 勁多渣 可幸切到好細, 未至於咬唔爛...

食物一般, 衛生亦差, 檯旁飛來飛去的小昆蟲實在篤眼篤鼻又太煩擾了.

放低 $51, 速閃. 上環呢間真係餃完了, 唔知中環店會唔會好 d? 又唔知附近的咩 "hysterical wave" 水準如何?

P.S. 食物只值 2.5 分, 但睇著食完羊餃成身暖晒份上, 俾個 OK 面佢吧.