更多
2009-10-27
58 瀏覽
呢盒cookie係一個住澳門既auntie係十幾年前介紹我食既，我既家人亦十分鍾意食！多年黎我地都不斷捧場！cookie夠香夠鬆化，換來既代價就係cookie比較油，唔多油點鬆化？所以唔好一次食太多！獨食唔係難肥，係好難唔肥！我地最鍾意腰果cookie，夠傳統，另外兩味，開心果同核桃係近幾年既新花款，但都唔錯~~呢編食評除左繼續支持外，仲想提供d實用資料比有興趣既食家知道！價錢：大$180，細$70款式：腰果—橙色罐，核桃—綠色罐，開心果—黃色罐"總店"：位於舊葡京地庫商場。坦白講，舊葡京裡頭都幾雜，好多坦胸露背既姐姐日光日白係商場行黎行去，如果唔識路，帶住小朋友或女仔三四個又真係唔太方便係商場左穿右插。不過放心，店鋪位置都幾貼心，只要知入邊個門口，都可以避免係商徘徊。呢個門口就係係面對住舊葡京酒店商場果邊門口，左手邊有一個好多職員出出入入，凹左入去既神秘入口，入口一樣有個細細既旋轉門，一入餅店就在右手面！分店：除左碼頭外，新馬路都有幾間，但一直係人地買比我，所以分店既地址我真係唔清楚。上幾個月我去澳門，發現過位於新馬路既義順牛奶前幾個鋪位有一間，但今次去又好似唔見左。另一間又係新馬路
呢編食評除左繼續支持外，仲想提供d實用資料比有興趣既食家知道！
價錢：大$180，細$70
款式：腰果—橙色罐，核桃—綠色罐，開心果—黃色罐
"總店"：位於舊葡京地庫商場。坦白講，舊葡京裡頭都幾雜，好多坦胸露背既姐姐日光日白係商場行黎行去，如果唔識路，帶住小朋友或女仔三四個又真係唔太方便係商場左穿右插。不過放心，店鋪位置都幾貼心，只要知入邊個門口，都可以避免係商徘徊。呢個門口就係係面對住舊葡京酒店商場果邊門口，左手邊有一個好多職員出出入入，凹左入去既神秘入口，入口一樣有個細細既旋轉門，一入餅店就在右手面！
分店：除左碼頭外，新馬路都有幾間，但一直係人地買比我，所以分店既地址我真係唔清楚。上幾個月我去澳門，發現過位於新馬路既義順牛奶前幾個鋪位有一間，但今次去又好似唔見左。另一間又係新馬路旁，近瑪嘉烈蛋撻店，exactly係邊我又唔記得！
所以最好就係歎完葡撻，順便行去舊葡京，找我講果個快捷入口，係總店買好過。再怕麻煩，係碼頭買，但要認清楚正貨先好！
如果想買開心果味既食家注意：舊葡京總店多數只有腰果同核桃賣，好少有開心果。想買開心果就要碰碰運氣去碼頭或其他分店。我之前只在碼頭及新馬路近義順牛奶既分店見過！
仲有一樣要留意！想慢慢食盒cookie就記得用存氣既盒裝好，或者用返膠紙封鐵盒蓋邊！因為鐵盒本身唔存氣架！當然你去得澳門密就可以買盒細，食完又去補貨！
張貼