更多
2009-08-14
2125 瀏覽
應該一早上黎睇吓食評...如果唔係就好似我咁...食到一肚氣男朋友知我想食日本串燒，就帶我黎, 貪呢度夠地道有風味, 點知, 一坐落個位光頭男waiter就黑黑面問我地飲咩, 當知道我地要汽水唔要酒時就黑多二錢, 問佢有咩飲都唔想答我咁!!!跟住個二杯汽水都係汽水機既, 再問黑面人我唔識睇日文, 有咩食時,佢就不屑咁手指指話日文隔離寫左中文, 跟住就走左......我即時"o"咀....好啦, 叫左牛柳, 牛舌，雞翼, 免治雞肉, 冬菇, 洋蔥, 青椒, 豬胸肉, (木牌上面有既都比差唔多比我地叫齊, 食物種類真係唔多, 大部份都係雞)牛柳︰cheap cheap貨式，面頭淋左一大pat凍蘿蔔蓉，搞到d牛凍晒兼無牛味..差牛舌︰都算大件同juicy雞翼: 一客三隻, 雞皮都脆, 但肉就乾左免治雞肉︰有好多軟骨加左入面, 但咩味都無...勁淡口冬菇: 出晒水, 汁又酸, 唔多欣賞洋蔥: 全晚最好食既一樣豬胸肉: 豬肉勁硬, 要咬好耐, 又係無厘味道青椒: 有一個既份量, 有木魚, 都唔錯是晚發現在座既日本人食既野好多都係木牌上面無既, 咁我唔識日文, 黑面神又唔介紹, 咁係咪歧視我地先?
男朋友知我想食日本串燒，就帶我黎, 貪呢度夠地道有風味, 點知, 一坐落個位光頭男waiter就黑黑面問我地飲咩, 當知道我地要汽水唔要酒時就黑多二錢, 問佢有咩飲都唔想答我咁!!!
跟住個二杯汽水都係汽水機既, 再問黑面人我唔識睇日文, 有咩食時,佢就不屑咁手指指話日文隔離寫左中文, 跟住就走左......我即時"o"咀....
好啦, 叫左牛柳, 牛舌，雞翼, 免治雞肉, 冬菇, 洋蔥, 青椒, 豬胸肉, (木牌上面有既都比差唔多比我地叫齊, 食物種類真係唔多, 大部份都係雞)
牛柳︰cheap cheap貨式，面頭淋左一大pat凍蘿蔔蓉，搞到d牛凍晒兼無牛味..差
牛舌︰都算大件同juicy
雞翼: 一客三隻, 雞皮都脆, 但肉就乾左
免治雞肉︰有好多軟骨加左入面, 但咩味都無...勁淡口
冬菇: 出晒水, 汁又酸, 唔多欣賞
洋蔥: 全晚最好食既一樣
豬胸肉: 豬肉勁硬, 要咬好耐, 又係無厘味道
青椒: 有一個既份量, 有木魚, 都唔錯
是晚發現在座既日本人食既野好多都係木牌上面無既, 咁我唔識日文, 黑面神又唔介紹, 咁係咪歧視我地先? 搞到咩都無得選, 迫住食呢幾樣, 仲有佢地會做完一張單先做另一張, 會燒晒一枱既野先燒你呢枱...結果坐左大半個鐘先有得食..
有時蔡生既推介都唔可以盡信, 因為我都唔會介紹人黎...
最大安慰係撞到陳法拉咋....成晚都一肚氣
張貼