更多
2009-03-31
27 瀏覽
呢日放假，小公主都要去自修室温書，唯有趁佢中午時同佢食過晏啦，附近都冇嘢好食，終於比小公主諗到試吓隔離新領域廣場嘅 Olive Cafe，呢間係新啲嘅，佢有一間喺荃灣城市廣場樓下，就喺以前公司樓下，以前去過一次食lunch，冇咩特別印象。睇個menu，佢份開Day 1, 2, 3, 4，好似中學嘅時間表咁，幾搞笑。咁我地見佢有個Burger Set，雖然係lunch set入面最貴$78，但係日日都喺個menu入面，應該有返咁上下，決定一試。跟住揀多一個扖餐，睇吓佢煎扒嘅功夫。食物如下：1. Assorted Bread - 好鬆，而且有用microwave丁過，一個係香草包，配牛油好好食，不同一般西餐廳嘅貨式，一開始已經有少少驚喜。2. 沙津 - 再嚟係一個Garden Salad，雜菜一般，但係dressing幾好，菜新鮮。2. Onion Soup - not my favourite (French Onion Soup) 只係用上普通洋蔥，冇麵包，冇芝士，味道一般，算係呢個午餐最冇驚喜嘅一度菜。3. American style Hamburger w/ Fries and
睇個menu，佢份開Day 1, 2, 3, 4，好似中學嘅時間表咁，幾搞笑。咁我地見佢有個Burger Set，雖然係lunch set入面最貴$78，但係日日都喺個menu入面，應該有返咁上下，決定一試。跟住揀多一個扖餐，睇吓佢煎扒嘅功夫。
食物如下：
1. Assorted Bread - 好鬆，而且有用microwave丁過，一個係香草包，配牛油好好食，不同一般西餐廳嘅貨式，一開始已經有少少驚喜。
2. 沙津 - 再嚟係一個Garden Salad，雜菜一般，但係dressing幾好，菜新鮮。
2. Onion Soup - not my favourite (French Onion Soup) 只係用上普通洋蔥，冇麵包，冇芝士，味道一般，算係呢個午餐最冇驚喜嘅一度菜。
3. American style Hamburger w/ Fries and Salad - 麵包好鬆好軟，但係冇煎過，美中不足; 牛肉真係好軟熟好嫰，夠juicy，同熔緊嘅芝士配合得好好，伴碟嘅fries熱、脆，沙津係頭先同一款嘅，冇特別。果然係傑出之作，難怪佢日日都有得供應，總算冇揀錯。
4. Rib-eye Steak - 跟住係當日嘅Daily Special，肉眼扒比佢煮到咁鬆化，真係好少見，但係好似太鬆，失去咗原有牛扒嘅texture。不過師傳真係值得一讚，事關你要五成熟，我就比五成熟你。點扒用嘅mustard太辣，太搶喉。Side dish嘅格仔薯同蒜容炒雜菌都好好食。
5. Cream Puff, Tea & Coffee - 連最後嘅甜品都係一絲不苟，Cream Puff w/ strawberry sauce，茶唔係一般茶包，用上Twinlings，咖啡雖然唔係特別好飲，用嘅cream係有煮熱過，睇得出個廚係幾細心嘅，但算夠味夠濃。
Comments : 雖然唔算平，但係真係抵，以呢個價錢，有呢個水準。服務細心，見你覺得凍，會問你需唔需要一杯熱水。荃灣區嘅驚喜，竟然有一間頗有水準嘅cafe，以後都算可以喺屋企附近搵到一間像樣嘅餐廳醫肚。
張貼
