更多
2009-02-01
57 瀏覽
尋晚(31-1-2009Sat)同男友,男友人S,女友人E,C一行五人食完o野,就o黎卡拉OK.o黎到時,個個職員都好好禮貌同好好招呼.我叫o左熱檸蜜,呢樣o野竟然唔好飲,唔知咩蜜o黎.之後女友人E話想食德國鹹豬手餐,但唔想飲紅酒,我男友就話佢飲,於是叫o左.紅酒先o黎,但個杯裂o左,E就話換過杯啦,叫o左換,OK冇問題.德國鹹豬手o黎到喇,成個鐵板上,有雜菜,兩件薯餅,好似好吸引咁.我試啲豬手先,嘩!又實又’鞋’又鹹,唔係以為呢味餸係鹹就得呀?食吓豬皮,重死,有陣臭味,好難食呀!服務:有頭冇尾,我o地間房有四支無線咪,開頭一支冇聲,叫佢換電,換返o黎都係唔得.之後另一支又冇聲,叫佢o地整,整o左都係咁,次次入o黎貼住支咪o黎’喂喂喂’,梗入到聲啦,係人都知講o野同唱歌運氣都唔同啦,我o地o黎唱歌唔係’講’歌呀.終於男友人S忍唔住,叫佢o地換過支,佢o地又唔肯換,瘦o既經理入到o黎,又重複咁做,S就同佢講,佢好晦氣咁又拎返出去,之後個肥仔技術員入o黎又係咁,S又同佢講,佢終於開個電視櫃面較大返聲浪,話我o衣o家較大聲,如果有’we we’聲你o地就較細聲啦.就係咁,問題至解決到.亦都冇
我叫o左熱檸蜜,呢樣o野竟然唔好飲,唔知咩蜜o黎.
之後女友人E話想食德國鹹豬手餐,但唔想飲紅酒,我男友就話佢飲,於是叫o左.
紅酒先o黎,但個杯裂o左,E就話換過杯啦,叫o左換,OK冇問題.
德國鹹豬手o黎到喇,成個鐵板上,有雜菜,兩件薯餅,好似好吸引咁.我試啲豬手先,嘩!又實又’鞋’又鹹,唔係以為呢味餸係鹹就得呀?食吓豬皮,重死,有陣臭味,好難食呀!
服務:
有頭冇尾,我o地間房有四支無線咪,開頭一支冇聲,叫佢換電,換返o黎都係唔得.之後另一支又冇聲,叫佢o地整,整o左都係咁,次次入o黎貼住支咪o黎’喂喂喂’,梗入到聲啦,係人都知講o野同唱歌運氣都唔同啦,我o地o黎唱歌唔係’講’歌呀.
終於男友人S忍唔住,叫佢o地換過支,佢o地又唔肯換,瘦o既經理入到o黎,又重複咁做,S就同佢講,佢好晦氣咁又拎返出去,之後個肥仔技術員入o黎又係咁,S又同佢講,佢終於開個電視櫃面較大返聲浪,話我o衣o家較大聲,如果有’we we’聲你o地就較細聲啦.就係咁,問題至解決到.亦都冇’we we’聲.
其實佢o地可以同客人解釋點解唔咁做,好過就咁敷衍了事,咁樣反而更加煩到佢o地,而且畀客人o既印象唔好.
收費:
人頭費$102.00,三個nuts共$177.00,兩個果盤共$178.00,個餐唔知幾錢,total$1,040.00.
張貼