更多
2008-08-11
1 瀏覽
見天口無咁熱, 建議晚飯打邊爐. 有人想去旺角行行先, 稻香/小肥羊啦, no way, 我有更好建議.小店位置之難找, 真係好幾次連的士大佬都投降, 你話鼓油街間酒店隔一條街啦, 個個都識行. 成條街都係車房, 對面係教堂, 就係一間食店咁大把. 零裝修, 企理有冷氣電視, 同事們"啊"一聲坐低.職工頭圍(五人)用饍, 菜單如下:1. 蘿白豬骨煲 : 蘿白絕對無渣, 滾返一個鐘咁上下就夠哂淋. 豬骨唔係桶骨, 無得啜, 只有咬肉同軟骨. 2. 本地肥牛 : 收得68蚊碟當然唔係街市貨色, 有牛味, 唔會一灼即散.3. 羊肉片 : 冰鮮貨色, 質素合格, 唔會滾成碎肉, 但個人嫌羶味不足.4. 四寶丸 : 不是上品, 但粒粒俾足料, 夠咬口. 算合格.5. 鯇魚片 : 唔係脆肉鯇, 要小心灼, 否則變魚肉碎, 幾鮮, 亦是合格.6. 貴花蚌 : 爽脆甜, 上乘. 價錢近百, 與酒樓相約, 但物有所值.7. 美國桶蠔 : 個人覺得大大隻鮮味不足的蠔該炸不該烚.8. 菜蔬類 : 無過失, 全部食得.9. 鼓椒炒蜆 : 呢個比較一般, 份量同蜆既大小鮮度都可以, 就係吐沙吐唔清潔, 食蜆最苦
小店位置之難找, 真係好幾次連的士大佬都投降, 你話鼓油街間酒店隔一條街啦, 個個都識行. 成條街都係車房, 對面係教堂, 就係一間食店咁大把. 零裝修, 企理有冷氣電視, 同事們"啊"一聲坐低.
職工頭圍(五人)用饍, 菜單如下:
1. 蘿白豬骨煲 : 蘿白絕對無渣, 滾返一個鐘咁上下就夠哂淋. 豬骨唔係桶骨, 無得啜, 只有咬肉同軟骨.
2. 本地肥牛 : 收得68蚊碟當然唔係街市貨色, 有牛味, 唔會一灼即散.
3. 羊肉片 : 冰鮮貨色, 質素合格, 唔會滾成碎肉, 但個人嫌羶味不足.
4. 四寶丸 : 不是上品, 但粒粒俾足料, 夠咬口. 算合格.
5. 鯇魚片 : 唔係脆肉鯇, 要小心灼, 否則變魚肉碎, 幾鮮, 亦是合格.
6. 貴花蚌 : 爽脆甜, 上乘. 價錢近百, 與酒樓相約, 但物有所值.
7. 美國桶蠔 : 個人覺得大大隻鮮味不足的蠔該炸不該烚.
8. 菜蔬類 : 無過失, 全部食得.
9. 鼓椒炒蜆 : 呢個比較一般, 份量同蜆既大小鮮度都可以, 就係吐沙吐唔清潔, 食蜆最苦也.
10. 白灼鵝腸 : 又再俾人鬧, "點解唔就咁叫嚟做火鍋料?", 因為佢灼得比我灼好食囉. 附有少許油脂既鵝腸, 味美之餘又有嚼勁, 與坊間普遍既食用膠大不相同. 另有鼓油皇炒鵝腸, 風味亦不錯.
11. 鼓油王炒面 : 一點馬上俾人鬧, "邊有人打邊爐食炒面?", 問題不是打邊爐, 而是係萬發食飯就係要食炒面, 最後我唯有作出包底承諾壓倒群眾既不滿情緒. 還好這個招牌菜永遠百發百中(我現時既經驗是七發七中). 鼓油咸甜適中之餘, 面同鼓油炒得夠勻, 條條分明毫不含糊, 搭上完美比例的芽菜同葱段, 我有理由相信呢個係全港最既鼓油皇炒面. 即使有人曾經覺得打邊爐唔可能食炒面, 佢地都係咁食係咁食...
12. 鼓椒炒蟶士 : 唔知68蚊係咪做左公價, 好多小菜館都收呢個價錢. 蟶子肥美多汁, 鼓油咸味輪且微辣, 大大碟不止二十隻, 太抵食.
頭圍職工食野真係唔等人, 一個鐘鬆D已經KO哂以上所有食物. 二圍職工(三人)唯有再點菜:
13. 重覆11. 12. 原來頭圍職工發覺頭先唔夠喉...
14. 手切本地肥牛: 貴三十蚊係好有原因的, 九十八蚊絕對值回票價.
15. 其他火鍋料 : 魚蝦菜肉又一堆.
16. 炸大腸 : 呢個菜水準有D飄忽, 今晚咁又無左層肥膏了, 脆口當然無問題.
17. 沙鍋雞 : 第一次食既時候覺得好有新意既一個菜, 沙嗲雞鍋, 再俾碟油炸鬼去沾汁食. 惹味之餘口感有多種組合. 但係水準又係無定向, 雞選得好的, 可惜有D煮過龍, 鞋鞋地. 沙嗲汁還好, 香得嚟唔過咸. D鬼就謝哂, 完全唔脆.
如是者兩圍用膳時間共3小時, KO左八個小菜, 十八個火鍋料, 汽水啤酒等等, 居然食得多過自助老邊... 埋單千四蚊, 由於有人做老細, 所以大伙覺得超抵食, 咁實際上都幾抵食既.
小菜館有度好, 唔收加一之餘, 幾乎你俾幾多錢就食返足料既菜, 唔洗多計佢服務裝修等等, 草根如我岩哂.
張貼