更多
2008-07-03
109 瀏覽
早前黎德田探老友,老友帶左我黎幫襯佢,話D小菜幾得,又即管試試啦此店係茶餐廳形式,入門口有個燒味檔,掛滿晒雞同燒肉,陣容都幾鼎盛,隔離係水吧,再隔離就係廚房喇,望上去見佢有個菜牌,寫左好多海鮮既價錢,龍蝦,海蝦,蟹,星班,大瀨屎蝦呀咁,原來呢度夜晚有好多海鮮食,又估唔到喎,呢度地方唔好寬敞,但都唔算係好迫,有幾張卡位,其他全是圓檯,但地方就幾乾淨同光猛,服務亦唔錯當晚三個人點了以下菜式:1.大海班兩味$150(起初都覺得好似貴少少咁,話晒茶餐廳食炸喎,但見到個樣同試埋味道後就覺得物超所值喎,第一味係"西蘭花炒班片"西蘭花在底承托住8片厚厚的東星班片,冇錯,係8片厚厚既東星班片,急不及待試一試味先,嘩.....正喎,好有魚味,新鮮,彈牙,如果呢味在西貢海鮮店食都起碼要百幾廿百啦,所以起值呀第二味係"蒜茸蒸頭腩"首先份量亦係唔少,而且差不多件件都有肉食,甘香既蒜茸配合埋新鮮既頭腩,美味程度可想而知,有個樓面見我地食得咁高興亦即刻走埋黎講左兩句,佢話:正唔正呀,我地D魚係日日去買新鮮既返黎整,大班呀龍蝦呀全部係生猛架"咁我都信既,一食就知,新唔新鮮呃唔到人,如果可以保持以上質素,呢味"大海班
此店係茶餐廳形式,入門口有個燒味檔,掛滿晒雞同燒肉,陣容都幾鼎盛,隔離係水吧,再隔離就係廚房喇,望上去見佢有個菜牌,寫左好多海鮮既價錢,龍蝦,海蝦,蟹,星班,大瀨屎蝦呀咁,原來呢度夜晚有好多海鮮食,又估唔到喎,呢度地方唔好寬敞,但都唔算係好迫,有幾張卡位,其他全是圓檯,但地方就幾乾淨同光猛,服務亦唔錯
當晚三個人點了以下菜式:
1.大海班兩味$150(起初都覺得好似貴少少咁,話晒茶餐廳食炸喎,但見到個樣同試埋味道後就覺得物超所值喎,第一味係"西蘭花炒班片"西蘭花在底承托住8片厚厚的東星班片,冇錯,係8片厚厚既東星班片,急不及待試一試味先,嘩.....正喎,好有魚味,新鮮,彈牙,如果呢味在西貢海鮮店食都起碼要百幾廿百啦,所以起值呀
第二味係"蒜茸蒸頭腩"首先份量亦係唔少,而且差不多件件都有肉食,甘香既蒜茸配合埋新鮮既頭腩,美味程度可想而知,有個樓面見我地食得咁高興亦即刻走埋黎講左兩句,佢話:正唔正呀,我地D魚係日日去買新鮮既返黎整,大班呀龍蝦呀全部係生猛架"咁我都信既,一食就知,新唔新鮮呃唔到人,如果可以保持以上質素,呢味"大海班兩味"我誠意推介呀
2.燒肉切雞雙拚$48(見佢掛到咁鼎盛就整碟試下,燒肉就唔脆皮喇,不過好有肉味,應該係用新鮮豬燒成,如果脆皮就正喇,不過都唔係太差,至於雞就正喎,好有雞味,肉嫩皮滑,浸雞既功夫幾好喎,睇真原來佢成隻雞要賣成$130,怪唔得幾好味啦,唔係點敢賣咁貴呢!
3.麻婆豆腐$32(呢味係我女友點既,佢話好耐冇食過想食下,食落D豆腐幾滑,辣辣地既豆板醬配合埋肉鬆都幾惹味,但我覺得佢最精彩係加左炸菜粒,我覺得令到碟送層次高左咁喎,幾好,搵日試下自己整先
4.蒜茸粉絲蒸大聖子8隻$160(呢味係個樓面介紹既,佢話有個客訂左唔黎,問我地有冇興趣平D益我地,佢比我地睇過見真係幾大隻同幾新鮮(見D聖子識標水架)咁就試下啦,上檯時都好香架,不過就略嫌蒸老左少少,可能佢地穩陣D蒸熟D啦,冇沙,都幾鮮味,新鮮既海鮮用黎清蒸簡直冇得頂呀,如果唔係蒸老左少少就正晒喇
呢餐好滿足呀!!!!!!
總結食物質素唔錯,價錢又不太貴,服務同衛生都可以,一定會再幫襯
埋單合共390(全日免茶免加一)
張貼