富豪東方酒店大堂酒吧 (已結業)

近排好鬼多飯局要參與，有些是吃得好的，但有些的確是很一般，就如今餐。本人一向對富豪系酒店的自助餐無甚好感，縱使信用卡、報紙經常見到有優惠，都無一絲衝動去吃。不過今次係生意的應酬飯局，也得要俾面出席。到埗看到環境，是一如所料的令人煩厭。人多又嘈吵，成班師奶搶野食咁，同街市無大分別。食物方面，款式是多，日本壽司、炸天婦羅、冷盤熱食、甜品都有，還一人有一份鮑魚，看似不錯。可是，基本上沒一款是有水準的。先講那客鮑魚，一人一份，有一隻鮑魚、一片冬菇、和菜膽。鮑魚細細隻，沒味道，又韌，冬菇亦然。外面的壽司款式不多，且大多是不新鮮，看見也不想食；天婦羅是較好的，即炸，但大排長龍。酥皮湯又係要排隊攞，每人限取一碗，好似配給咁，味道又唔係好，真係無佢咁好氣；王於海鮮，有青口、凍蟹、螺等，有同一特別，就伯無鮮味。其他熱食也不太出色，不作詳談了。甜品一向是我最喜愛的，這裡的甜品算是中規中矩，未至於是令人失望的，其中芝士蛋糕都可以，香滑亦可。雪糕有Dreyer"s，又係多人排隊，等師傅分。雖然價錢唔貴，但食物及環境均強差人意，無改我對佢既負面印象。