Asia Dining
寫食評
ENG
香港 澳門 深圳
7
JAN 08
半島酒店o既服務出名好, 個view亦都一流, 至於食物質素方面亦算可以.

首先, 我想比大家睇吓呢幾十年半島酒店周圍環境同外貌o既轉變.

半島酒店裡面有好多間出名o既餐廳, 例如o係28樓o既Felix, o係1樓o既Gaddi's, 食瑞士菜o既Chesa, 食中菜o既嘉麟樓Spring Moon同埋食日本菜o既今佐Imasa 等等.

今次我想同大家介紹o既就係位於1樓o既The Chesa Verandah. 佢有著高高o既樓底, 天花頂掛著古典高雅o既的吊燈同埋吊扇, 襯托著落地大玻璃, 令到美麗o既維港景致盡入眼簾, 唯一有點美中不足o既係, 有部份o既維港對岸景色被半圓球形o既太空館遮擋了.

圖中可以見倒天花頂掛著典雅o既的吊燈及吊扇

是次o既晚餐係半自助形式, 前菜同甜品係自助o既, 而湯係二選一, 冇記錯o既話當晚o既湯係法國洋蔥湯及忌廉海鮮湯, 兩款皆鮮味無比, 但我覺得洋蔥湯好似咸左小小; 而主菜係四選一, 因我o地今次有多人一齊去, 所以我o地就可以試勻四款主菜了, 分別係

1) 石斑配椰菜卷
2) 香煎龍脷柳
3) 鮮露筍配煙肉雞胸卷
4) 牛柳配雜菜批

全部用料都好新鮮, 主菜與配菜o既味道夾得唔錯.
而前菜方面係自助沙律Bar, 有多款西式蔬菜可以揀, 大家可以按自已o既口味, 加沙律油或沙律醬或; 而Olive Oil亦有四, 五種選擇, Vinegar亦有三款.


生蠔方面個o晚有兩款選擇, 分別係Irish Rock Oyster同埋France Poget Oyster 及, 雖然呢兩款o既外觀好細隻, 好似唔係好吸引咁, 但食落卻有著好鮮甜o既鮮蠔味道.

而Smoked Salmon則味道偏咸, 但卻充滿很清晰o既煙薰味.

另有仲有多款小巧精緻o既小食, 例如刃草蝦仁火腿蜜瓜芒果沙律蟹肉配木瓜(個名好鬼長, 唔知有冇記錯哩!!), 巴哈馬火腿伴哈蜜瓜, 另外仲有唔同種類o既芝士供應, 全部賣相都很吸引哩!!

最後係甜品喇, 有每人一客o既即焗梳孚厘喇.

圖中o既即焗梳孚厘, 熱騰騰的, 味道非常可口.

而其他甜品係自助o既, 長長o既甜品Bar盛著好多唔同種類o既生果及甜品, 有士多啤梨及藍莓撻啦, 有蘋果批啦, 慕絲蛋糕啦, 仲有好多生果, 同埋好多款唔同味道o既mini-cake o添.

圖中長長o既甜品Bar, 外觀非常吸引, 我雖然唔係一個甜品癡, 亦垂涎三呎.

不同味道o既cake, 我也吃了數件哩!!

最後例牌o既就係咖啡或茶喇, 同埋半島o既Petits Fours作結尾.

The Chesa Verandah比我o既感覺依然高貴, 雖然對面海部份景致會被遮擋, 但半島始終是半島, 坐係入面o既感覺真係好Grand, provide o既services亦好周到, 雖然價錢無疑是貴了一點, 但間唔中來享受一次, 令整個人也閒逸了一點, 輕鬆了一點, 暫時忘卻日常沉重o既工作壓力及煩憂.

典雅的吊扇

典雅的吊扇 - 尖沙咀的露台餐廳)
典雅的吊扇

鮮露筍配煙肉雞胸卷

鮮露筍配煙肉雞胸卷 - 尖沙咀的露台餐廳)
鮮露筍配煙肉雞胸卷

長長o既甜品Bar

長長o既甜品Bar - 尖沙咀的露台餐廳)
長長o既甜品Bar
味道
環境
服務
衛生
抵食
是次消費
每人約HK$500
0
推介
已推介
unknown
Top
Went with parents to this place for celebration and the view is just fantastic. The atmosphere is just right for a family dinner. Originally, they are full and I managed to ask them politely a co...
2007年11月8號 呢日係我同老公結婚三週年紀念,好似往年一樣,我地會去半島酒店食返餐好野,慶祝一下.不過今年有d唔同,因為我地多左個仔仔,所以好想帶埋佢出去,同我地一齊慶祝.舊年去過chesa食瑞...