Asia Dining
寫食評
ENG
香港 澳門 深圳

必吃!澳門好評自助餐

相關餐廳:自助山 ( 多國菜 ) 及其他4間餐廳
21
AUG 09
237794 3

過澳門的搵食環節中,食自助餐是不少朋友的指定節目,皆因澳門酒店的自助餐陣容不比香港的輸蝕,而且價錢要比香港的便宜,食物種類選擇夠多夠齊,尤其炎炎夏日不想周街逛,去歎Buffet是個好選擇。

以下五間是最多笑臉好評的澳門自助餐餐廳,參考完食評選間心水Buffet立即出發!


(Photo by wateryung & Seatigerz)
人氣自助餐No.1 自助山
餐廳取了個易記的名字,也要食物有質素才能出名的,自助山就是成功的例子,Buffet枱超過200呎長,食物分類井然有序:刺生、海鮮、燒味、沙嗲、蒙古烤肉、天婦羅及甜品等,甚至有鐵板燒、即場刀削麵等,玻璃缸更載滿游水海鮮,意念創新又有睇頭。
wateryung:新鮮白灼大頭蝦又大又厚肉,鮮甜多膏!!刺身八爪魚又大又厚肉!加上鮮甜不韌正!朱古力慕絲香濃朱古力味,慕絲又滑又軟甜品首選啊!
Seatigerz:這個排場和價格,香港酒店無人能及;部份用料如羊扒,生蠔,即灼大蝦已值回票價。坐好位子要看時機取哪些食物便不用輪候太久,因為廚子會不斷供應的。

 


主攻東南亞菜 渢竹自助餐
當不少自助餐都主打環球美食時,威尼斯人的渢竹卻選擇專攻東南亞菜式,不過冷盤如生蠔、長腳蟹、加拿大翡翠螺亦一應俱全,特別在於沙律、熱盤類供應東南亞菜式如點心、蝦湯麵、喇沙、馬來咖喱等,最後不忘品嚐酒店自家製雪糕。
康康:自助餐最緊要食物補得快,佢絕對做得到,我哋由十一時坐到一時半,啲食物一樣咁多!
HeungHalo:長腳蟹及凍蝦很大隻及多肉;三文魚及其他魚生很新鮮(朋友說的、因我是不食生的東西.jpg">;中式點心有大酒樓的水準;燒臘很好,而燒肉更皮脆肉滑,真是難得。

 


冷盤甜品特別多 888美食天地
標榜為拉斯維加斯式的自助餐,菜式選擇多質素亦不錯,單是沙律、壽司、刺身、海鮮及甜品款式已多不勝數,尤其海鮮專區放滿冰鎮阿拉斯加蟹腳、波士頓龍蝦、智利生蠔等已叫海鮮迷歡喜不已。
Ole:青口反而係最有驚喜,又鮮甜又嫩滑,真係好好味。長腳蟹都幾好味,海水味唔太勁,蟹肉味好鮮,我食左成十條,哈哈,好好味。
小明周:我試嘅主要係熱嘢,雖然唔係咩名貴菜,但整體做得不錯,而且開放式kitchen,大家可見到師傅不斷即整食物補給。甜品方面大家最愛就係疏乎理,因為係即整睇住佢出爐,所以不少人排隊等,依家細細杯,所以一食再食。

 


(Photo by turboshark & Mathy)
飽覽澳門全景 360Cafe
登高觀賞整個城市的景色是旅遊必做的一件事,澳門有座旅遊塔,裡面有間會360度旋轉的自助餐廳,既可坐著欣賞澳門全景,同時享用海鮮、刺身、羊扒、印度薄餅及甜品等,夜晚景觀浪漫尤其適合情侶光顧。
FoodieWil:The chicken, together with selections of dim sum were satisfactory. I paid little attention to sushi here, but the salad bar has some good selections of fresh greens. "Cold Dishes" were outstanding here.
Mathy:質素係幾高,呢個價錢喺香港絕對唔會食得咁好,分分鐘仲要係難食。冷盤刺身除咗三文魚唔多新鮮外,所有都好掂。尤其係啲蝦同扇貝,超鮮甜,食咗好多。

 


(Photo by SeasonsJOE & 六月)
高檔精緻葡國菜 鳴詩
向來走高檔路線的四季酒店少有地設有供應自助餐的餐廳,其中七成為葡國菜,其餘菜式為印度菜、廣東菜及日本菜,多位師傅於Open Kitchen即席炮製美食,包括印度薄餅、Pizza、Pasta等,菜式不時加入葡國特式食材,賣相精緻的甜品亦有近二十款。
SeasonsJOE:精彩的部份好像偏重於甜品方面;雖說熱餐有多國菜的選擇;味道帶來的驚喜卻不多,餐點上的魚則值得一讚,肉質仍有彈性,有別於其他自助餐死木木的雪藏魚。
六月:反而甜品係超驚喜,其實我一向都少食甜品,今次見到都忍唔住,佢地用料無咁一般,黑莓同無花果係我最鍾意,用黎整的甜品,我當然唔放過!

相片
近年澳門新酒店陸續開幕,「住」和「食」的選擇也增多,最新加入戰團的是位處氹仔的COD(City of Dre...
相片
香港人去澳門玩通常是短Trip,兩日一夜甚至即日來回,旅程中當然抓緊時間吃喝玩樂,吃完消夜才上船回程就最抵玩,...
unknown
阿Gi
阿Gi 請問行家,哩家咁正嘅自助山餐廳地址,點樣去?lol
2009-11-27
Vee's
Vee's 5错啊!
2009-10-25
ql777901
ql777901 自助山D野食多到行3-4轉先食得晒,由入門口開始:
1)H記雪糕有5款:朱古力,雲喱拿,椰子,芒果,薄荷
2)各式各樣CAKE,法式燉蛋,班戟
3)面包,西湯,中湯
4)紅酒牛脷,茄醬龍脷,酥炸生蠔,蒸魚
5)蒙古烤牛/羊
6)白灼大頭蝦
7)炸天婦羅,鐵板霜降牛,芝士汁阿拉斯加長腳蟹
8)點心有蝦蛟,燒賣,叉燒包,奶皇包,糯米雞,炸墨魚餅
9)燒味有油雞,薑蔥雞,燒南,叉燒,紅腸
10)車仔面檔有牛/豬/貢/龍蝦丸,雲吞,水蛟,魚皮蛟,魚片角
11)咖哩牛/羊/魚,薄餅
12)刺身4種:三文魚,八爪魚,吞拿魚,立魚
13)煙三文魚,生蠔(9月先有返),青口,龍蝦仔
14)各式日式冷盤,螺肉,鮑魚仔,蟹子沙津,脆辣豬耳,
15)糖水,生果,糕點......
只憑記憶,以上當然有漏....
所有食物是不停供應,所以不用心急排隊,如見有人龍,可食其他野先,
初初開始D人一定排鐵板牛,蟹腳,但下一輪,又排熱盤,跟住甜品,最後生果,試下調節一下
你會舒服好多,總括黎講 "咩都好食"
不過記住訂位,因為佢分2段,1段2小時,無訂位要晌門口排隊入,蝕時間

MOP262連加一,香港一定食唔到ED質數,碌卡對港幣仲要平少少
2009-08-31
文章搜尋
更多
年份
Top