Openrice Logo
登記 |  登入 |  Eng

首頁 | 餐廳 | 食評 | 優惠 | 我的餐廳
地區: 澳門 | 深圳   特集: 自助餐

宮崎日式燒肉店 Miyazaki
地址 : 旺角彌敦道639號雅蘭中心地庫B102號舖
地圖 : 顯示地圖
電話 : 2625 0199
類別 : 日本菜 | 咪嘥野食店 | 烤肉 | 自助餐
消費 : $101-$200
總評分 : 3.6
食評 : 好198, OK56, 劣29
晚膳人頭費9折(星期一至四)



優惠劵 :
放題任飲優惠券 流動優惠券

相片>> 收藏>>
其他資料

招牌菜:羊架、刺身、和牛、海鮮、黑豚肉
營業時間:星期日至四:17:30-01:00
星期五至六:17:30-02:00
座位數目:200
付款方式:Visa、Master、現金
Wi-Fi:
酒精飲品:
自帶酒水: 可以
VIP房:
電話訂座: , 2625 0199

網上食家評語

第1至5篇 (共306篇食評):
下一頁>

論食物質素都未夠班劣
2016-06-16
ColaPang (共有1篇食評)

首先唔講環境同食物質素,真心懷疑你地果198個好評點得返黎,一係就係香港人實在太善良!
員工服務態度極差,講野一舊舊,倒瀉食物落客人度可以一句道歉都冇,話轉頭上過一份?果一份去到埋單都未見影啊,定係你地既員工係係度搞笑?
限時兩小時唔緊要,好多放題都限時,但係走單走到七彩,問客人last order前真係唔該你地check下走左幾多單先啦...食完d碗碟放係枱上面九個字都可以冇員工清理,但係就不停見你地d員工推清潔車入去,幾個經過既員工明明望到d碗碟都可以扮睇唔到完全唔理,不過見到客人枱面有帳單清潔個阿姐又識得第一時間走去問客人埋單未喎,即係點?上食物就慢慢黎,趕客走就你至快?
講完服務同你講食物,勉強加到分既得牛柳粒,其他肉食尚可,但係要客人受員工氣,食龍肉都冇味啦?份量唔洗講,限每單每項目最多寫10件,但係黎又黎唔足,仲要眼見附近幾枱都漏單,呢個餘興節目都幾壯觀!
咁既服務質素敢收人258仲有面收加一,比錢買難受,絕對冇下次!huffy

題外話/補充資料:
記得衣著要適當好好保護自己,以防員工滑手既唔係冷盤而係熱湯拉面/烏冬,再送你一道「黑你面」!

用餐日期: 2016-06-15
堂食等位時間: 10 分鐘
是次消費: HK$283.8 (晚餐)
評分 :   味道3   環境3   服務1   衛生1   抵食1

以為幾好,番到屋企先知中招
2016-06-15
miutamhk (共有1篇食評)

出開去旺角,咪去試下這間,開頭都冇乜野。只係一食入口,其實已經知質數馬馬地,不過見佢唔係貴,就算係合理啦。落間第二round,開始黎d我冇order嘅野,都算!番到屋企,去厠所都去到腳軟,以後請都唔會去。如果想去的朋友,要腸胃好好,先好去!

是次消費: HK$280

火紅紅的放題之旅OK
2016-06-01
Hungry Bear (共有68篇食評)

今次去位於旺角雅蘭的<宮崎日式燒肉店>. 首先一坐低就已經有八色燒肉迎接你(四款雞肉和四款豬肉,一次過試曬八種味道),而2人同行更會送你三選一(冰鎮大頭蝦,憤怒火仔牛,和仙境純情豚),牛魔王的我當然選擇了火仔牛(就是辣味簿牛),的確唔錯!


開始點單了,菜單分為A-H, 有海鮮, 蔬菜, 粉面飯, 炸物, 黑豚肉, 和牛,雞肉(詳細menu請看照片).
首先當然要選刺身先啦~ 刺身方面都算新鮮,選擇足夠,不過切得很細塊,要叫很多才會滿足。
之後急不及待要燒下肉喇~! 牛肉方面,都比較有驚喜,牛肉鮮嫩多汁,最喜歡食牛柳粒,味道最濃最多肉汁。豬肉方面最喜歡就是豬頸肉,爽口好味,雞肉方面因為前菜已經食咗,所以燒咗唔同味嘅雞翼,雞翼都幾大隻好滿足。炸物方面最好食係炸蝦和炸蠔。到咗最後當然要食下燒菠蘿~~! 菠蘿鮮甜多汁,我應該有食左十件! 哈哈! 飲品方面都是普通汽水和烏龍茶可供選擇。提提大家,如果大家想食雪糕一定要問店員,因為出面冇雪餻櫃的,不知道有雪糕食啲客人可能會miss左。




總括來說, 雖然食物質素都算好, 裝修都算唔錯, 不過有點扣分就是個爐, 當有油滴落個爐時, D火就非常猛烈!!!! 真係有D驚驚@@......服務方面就覺得一般啦,雖然沒有漏單,但是數量方面就不足,幾乎每樣食物都幫我減幾件,搞到我要寫多幾張紙。^^"

用餐日期: 2016-04-22
評分 :   味道4   環境4   服務3   衛生4   抵食4

地牢燒肉OK
2016-05-31
Mcsy Cheung (共有15篇食評)

Cool!今次九個人,餐廳比左間房我地,哈好彩比左間房我地炸!可能怕我地太嘈,不過我地真係好嘈!六個大男人講起野上黎嘈到啦!如果影響到其他客人,真係唔好意思!!
可能餐廳係地牢既關係,我覺得抽油煙唔係太好啦!其實個爐本身都係有位置抽煙既,不過唔係個個都係大廚!D男人COOK到D野黑曬好多煙個爐個抽氣位根本唔足夠,不過都係登D野唔慘!大嘥鬼會黎搵你地!
「八色燒肉」就係四件豬腩和四件雞肶肉,本身我意為兩個爐會有兩份八色燒肉,不過佢得一份。九個人得八舊肉仔都唔夠食,所以咩味都唔係好食得出。。
刺身都幾多選擇呀!不過大家就唔係好食生野。又唔係放得好靚。係D魚下面放甜蝦,D蝦咩味都冇曬!

「憤怒火牛仔,仙境純情豬仔,冰鎮大蝦」我地九個人依三樣野可以選五樣,每樣我地都有選到!我地覺得最好食係大蝦第二係憤怒火牛仔第三係仙境純情豬仔!冰鎮大蝦有我隻咁呀!重有好多蝦膏呀!講真一句,我覺得豬肉好食D,係架上面清楚睇到肥瘦分明燒出黎D油分好靘靘,可能我唔怕食肥野啦

佢D串串幾好!佢個點紅點綠原來就係大蔥同蕃茄仔!感覺有D比騙了!不過我太鍾意食雞軟骨!我地叫左30串!
其他野食都OK呀!大部份食物都係以原汁原味為主,雖然餐廳有調味比大家,不過唔加調味就可以啦!咁大家先可以食到食物既原汁原味同鮮味!香港食物有咁多種,可能大家都已經忘記食物既鮮!「牛油扇貝」我都大大推介呀!不過重點係我地有個好廚師!個帶子大家一定要食多D!

用餐日期: 2016-05-14
評分 :   味道4   環境4   服務5   衛生4   抵食5

甩單甩到無下次劣
2016-05-20
kitkobe (共有90篇食評)

一向對放題或自助餐都興趣不大(一來食量不大mad二來不喜歡給人趕的感覺), 今天朋友相約就下佢地, 點知就領嘢huffy
朋友先去坐低, 但我們其餘四人遲了15分鐘才到, 去到嚇一跳, 7個人坐卡位??雖然6大1小, 但都好逼, 但得一個爐, 那燒得切??
七色肉: 一般啦, 但得两份?? 因二個朋友先到, 之後未見過......算huffy
羊扒 : 冇騷味係冇味, d肉仲好'鞋', 我呢d羊怪竟然食一塊就算
生菜有d黑黑地....免嘞, 
炸物相當厚粉, 冇哂興趣亦唔熱huffy

清酒蜆 : 定清水蜆??, 沒有酒味

每兩人送一份的辣五花肉 ; 賣相醜, 肉太肥, 除了辣味, 還是辣味, 最大問題是甩單, 限時兩小時我們的爐有半小時休息時間, 我地又唔知它來不來就再下單, 去到差15 min夠鐘埋單後, 竟然一次過將一個小時前的order一次過來哂, 一時間成枱都係huffyhuffy, 乜野意思呀, 食唔哂有罰款, 最後我們發脾氣地食哂全枱食物, 超時都唔走, 最尾10min至送食物來係咁架啦, 逼我做蟹客huffy, 冇下次

是次消費: HK$310 (晚餐)
評分 :   味道2   環境2   服務2   衛生3   抵食2

下一頁>

桌面版   登入


Copyright © 1999 - 2016 Openrice Group Inc. 版權所有 不得轉載
全港最受歡迎飲食資訊媒體
Hong Kong's Most Popular Dining Guide,
with restaurant search, restaurants reviews, and dining coupons.

如你在使用本網上服務時需要協助 可致電OpenRice客戶服務部 電話:(852)21703280 電郵地址:CS@OpenRice.com