Openrice Logo
登記 |  登入 |  Eng

首頁 | 餐廳 | 食評 | 優惠 | 我的餐廳
地區: 澳門 | 深圳   特集: 自助餐

大吃一番
地址 : 長沙灣元洲街498號青華閣地下I號舖
地圖 : 顯示地圖
電話 : 2786 3386
類別 : 日本菜 | 拉麵 | 烏冬 | 串燒
消費 : $50以下
總評分 : 3.8
食評 : 好24, OK6, 劣4


相片>> 收藏>>
其他資料

招牌菜:烏冬
營業時間:星期一至日:12:30-15:30;1830-22:30
座位數目:25
付款方式:現金
電話訂座:
室外座位:
電視播放:
泊車: , 附近有咪錶位

網上食家評語

第1至5篇 (共35篇食評):
下一頁>

值得一試好
2014-06-09
yummy味道 (共有2篇食評)

每日到午飯時間都會懊惱食咩好, 雖然荔枝角工業區內都有不少餐廳, 但係真係好難選擇。冇可能日日去飲茶, 也不能日日食譚仔, 但d茶餐廳又唔爭氣, 唔好食不在話下, 最慘既係好嗱揸, 碟反送到枱上, 可見到碗碟邊仍會黏住d上手食完反而又未洗乾淨的飯跡, 見碟飯連食慾都冇哂, 呢d茶餐廳己被我地black list咗, 永不錄用。

所以呢, 揾食真係唔容易嫁。

今日唔多嘢做, 同同事一齊行遠d揾食去 ~ ~ ~ 居然見到一間完全唔起眼的小店外有數人在等位, 好奇心驅使下, 我地又走去睇下, 原來係食烏冬的, 再望下餐牌。
哇!價錢都幾貴, 要成六七十蚊一碗烏冬又冇嘢飲, 同時, 比我地發現有午餐ga la, 好啦, 決定一試。

小店內只有大約二十多個位, 唔算大, 入到去即時聞到好香濃既味道, 而且見到多數的客人都係食緊石頭鍋烏冬, 一問之下, 原來佢地係食單點既香龍蝦湯底石頭鍋烏冬。好啦, 貴就貴啦。

我就叫香龍蝦湯底石頭鍋配吉列流心豬扒手打烏冬,。

同事就叫咗龍蝦湯底石頭鍋配海鮮手打烏冬。

好心急呀, 因為製作需時, 我地等咗大約 20分鐘, 食物先送上。哇哇哇, 石頭鍋內的龍蝦湯送到時仲好滾, 好勁呀, 先試下個湯先, 濃度剛好而且好鮮甜, 好正。

烏冬真係用咗手打烏冬, 好有咬感。塊豬扒亦都好鬆化, 中間夾住芝士, 好好味呀。而同事果個D海鮮都好鮮味。

另外, 幫另一同事買咗個午餐C轉手打烏冬, 我見D 手打烏冬都幾正, 就算加$10都可接受。

話哂都加咗$10轉手打烏冬, 返公司路程又遠, 我咪要求分湯, 點知服務員話, 午餐不能分湯石頭鍋就可。我即時呆咗, 點解唔得呢 ?

我就問服務員, 我加外賣碗錢, 你幫我分湯吧。最終都分了湯。

推介美食: 手打烏冬
用餐日期: 2014-05-09
是次消費: HK$80 (午餐)
評分 :   味道4   環境3   服務3   衛生3   抵食2

好味南瓜湯底OK
2014-06-08
tiramisu* (共有63篇食評)

上網見到呢間comment都唔錯,所以今日經開就試下.
舖不大,去到時要門口等一等先有位.見到有胡杏兒同黃宗澤的相,佢地以前竟然會黎呢度食..??shocked

坐低後,見到有好多湯底揀,最後試左一個豬骨湯叉燒同南瓜湯豬扒烏冬.
facebook打卡有小食送,送左一個薯蓉.ok la.

等左一陣,先黎左豬骨湯的,石窩上,好滾,熱辣辣.
烏冬質感ok,但叉燒不多.
後尾南瓜湯都上了.好濃南瓜味,正!
反而個招牌豬扒,好薄同"鞋",唔好食.sad
價錢其實唔算平,同甘味有得fight,選擇不算很多.冬天都可一試!但未必再試...

用餐日期: 2014-03-26
是次消費: HK$90
評分 :   味道4   環境3   服務3   衛生3   抵食3

每次食完都覺得好滿足!好
2014-05-11
白帽 (共有21篇食評)

前兩次想黎食都唔成功
一次係無開
一次係太夜趕唔到LAST ORDER
今日終於專登早D 6:30就到左
但原來開7:00 (OPENRICE要改時間啦)
唯有周圍行下.....雖然附近無野行

我叫左我每次都會叫既牛柳粒烏冬(豬骨湯底)
男朋友就叫左海鮮烏冬(芝士湯底)
跟餐有薯蓉食,個薯蓉其實一D都唔特別,不過我就都鍾意叫黎食
牛柳粒烏冬(豬骨湯底)
除左湯底好濃好好味之外,我覺得佢既牛柳粒都值得欣賞,好冧唔會咬唔開
烏冬都好有口感,好彈牙
芝士湯底唔會話好漏,都好香
D海鮮既份量好多,好似食唔完咁
真係好鍾意食呢間野
我諗我第8次倒黎食,每一次既水準都係一樣,唔會話一時好一時差
加上價錢都唔係貴,我應該會繼續KEEP住食tongue

題外話/補充資料:
不過次次黎到我都見到得一個男仔(應該係中學生,因為佢仲著住校褲同皮鞋)做WAITER

見佢雖然好勤力,但實在好忙,乜都佢做,落單都落唔切,有D慘咁...

推介美食: 牛柳粒烏冬(豬骨湯底),海鮮烏冬(芝士湯底)
用餐日期: 2014-04-28
堂食等位時間: 0 分鐘
是次消費: HK$70 (晚餐)
評分 :   味道5   環境4   服務4   衛生4   抵食5

找了好久,終於去到:-)食呢間的手打烏冬及拉麵……好 (試食活動)
2014-04-23
chichi~~ (共有1篇食評)

入到店子裡雖然細小,坐位大約有二十幾個到;但和家人一坐著感覺都頗舒服;所以好快地揀選我們想吃的_tongue。首次我點了一客龍蝦湯底的海鮮拉麵,其後家人各選一客招牌手打烏冬及牛肉鳥冬;再加上一客流心豬排!(這是店子推介之一)真是十分期待。等了8~10鐘到,每碗熱滾滾的石碢烏冬同拉麵送到過來,看著大大碗,很滿足哇!跟著開始食呢碗拉麵已經俾龍蝦湯底吸引了。而且份量足料,味道鮮甜,令我一試難忘lol!再食店裡的流心豬排,咬了一口,脆滑香口仲有滿滿的芝士流出,值得推介!食完後價錢都覺得ok。所以有機會再約去食先smile22~04~2014 芝

推介美食: 流心豬扒,手打烏冬
用餐日期: 2014-04-22
用餐優惠: 試食活動
是次消費: HK$77 (晚餐)
評分 :   味道5   環境4   服務4   衛生4   抵食3

工欲善其事必先利其器-石頭窩好
2014-02-04
aliceko (共有4篇食評)

根據香港人心理,要排隊的餐廳也不會差到那裡去,這晚,我們又被這門口(的人群)吸引住。由於店面不大,我們花了三十分鐘才入坐。

  在長沙灣這個小區有間日本餐廳,打開餐牌,當然希望有一點不一樣。湯底是麵食的靈魂,大吃一番主打多款湯底,豬骨、蕃茄夠正統;南瓜,木瓜、芝士、黑芝麻、龍蝦夠特別!其實好像最少有十款味道,但多得我也忘記了。我選了芝士吉列豬扒配龍蝦湯底,友人選了牛柳粒配蕃茄湯底。侍應首先端上芝士吉列豬扒,半溶的芝士加上不厚粉的的賣相實在吸引,相機吃過後,我立刻把它放進口中,芝士加豬扒是好朋友所以味道不錯,可惜豬扒是薄切,毫不油膩卻乾了一點,但湯底搭夠,也對得起價錢。
  烏冬也隨後端上,大吃一番深明「工欲善其事必先利其器」的道理,要做個不平凡的烏冬,器皿也重要!怎麼烏冬底可以藏有一個温泉口,湯面會斷冒泡泡呢?因為大吃一番用的是石頭窩。彷彿卡通片裡一樣,香氣形成了一條白色的軌跡,緩緩飄到鼻裡,食客立刻食指大動。其實石頭窩還有個非常重要的作用,就是在吃完整個烏冬之前,整個食物還能保持温度,唯一是要小心燙手。
感受到熱騰騰的感覺嗎?

  吃一口龍蝦湯底,你會想像到店家用了大量龍蝦去打造出鮮甜的口味,湯底比龍蝦忌廉湯少一份鮮奶忌廉味,多一份鮮甜味。而友人的蕃茄湯有少少酸味,而且夠濃郁,如果比起那間中環因蕃茄湯粉麵而有名的店舖,我覺得這間比較優勝。另外牛及蕃茄的作愉快,牛柳粒是又嫩滑又入味没錯。滿意的一餐,最後兩人結帳200元有找。

  要在冬天做個受歡迎的食物,熱氣騰騰要重要元素,大吃一番烏冬,吃一口立刻暖在心頭。

推介美食: 龍蝦湯底,蕃茄湯底,牛柳粒
用餐日期: 2014-02-25
堂食等位時間: 30 分鐘
是次消費: HK$80 (晚餐)
評分 :   味道4   環境3   服務4   衛生4   抵食4

下一頁>

桌面版   登入


Copyright © 1999 - 2014 Openrice Group Inc. 版權所有 不得轉載
全港最受歡迎飲食資訊媒體
Hong Kong's Most Popular Dining Guide,
with restaurant search, restaurants reviews, and dining coupons.

如你在使用本網上服務時需要協助 可致電OpenRice客戶服務部 電話:(852)21703280 電郵地址:CS@OpenRice.com