Openrice Logo
登記 |  登入 |  Eng

首頁 | 餐廳 | 食評 | 優惠 | 我的餐廳
地區: 澳門 | 深圳   特集: 自助餐

口甜舌滑 Mrs. Sweetie
地址 : 九龍城衙前圍道7號A地下
地圖 : 顯示地圖
電話 : 2718 2328
類別 : 港式 | 小食店 | 甜品/糖水
消費 : $50以下
總評分 : 3.1
食評 : 好34, OK14, 劣11


相片>> 收藏>>
其他資料

招牌菜:芒果西米露、榴槤飄飄
營業時間:星期一至日: 12:00-00:30
付款方式:現金
電話訂座: 沒有
外賣服務:

網上食家評語

第1至5篇 (共60篇食評):
下一頁>

飄來榴連之香~好
昨日
麻辣貓姐 (共有14篇食評)

今晚黎到九龍城食好"甜"西!
朋友仔介紹話呢間野好好食,一於去試下何芳神聖先!
去到門口,鋪仔細細,老實講感覺上地方唔算好企理,不過,美味撘夠,甜品真材實料!
叫左"榴連飄飄"同"芒果西米露"!
伙記一放低呢碗榴連飄飄,嘩!味道好強烈。
而食落味道係非常濃郁,好足料,間中食到一絲絲果肉,另外加上有d透明嘅爽脆珠珠,令成件事當堂清新唔油膩,口感倍增!mad榴連發燒千萬唔好錯過"榴連飄飄"呀!

另外嘅芒果西米露雖然冇榴連飄飄甘凸出,但都係足料貨,熟透嘅芒果肉粒好甜好香,加上芒果肉打成嘅果蓉溝埋d西米露,簡直係消暑佳品甜入心呀!

堂食等位時間: 15 分鐘
是次消費: HK$40 (宵夜)
評分 :   味道5   環境2   服務3   衛生2   抵食4

只有芒果類甜品不錯劣
2016-06-08
fish1022wky (共有14篇食評)

口甜舌滑既芒果西米露一直都大份夾好食
但今次就食左芒果黑糯米,對比西米露就差左D啦 ,黑糯米略嫌太甜,搶左芒果味,芒果份量多呢點可以贊下
dislike見朋友話ok但食剩半碗,就試左啖,芝麻糊帶苦架囉…出左舖頭問朋友你咁都話ok,佢答: ok難食…………佢話帶苦帶咸,花生湯丸味道俾芝麻糊掩蓋哂……

都係食番佢既芒果西米露啦

用餐日期: 2016-06-08
堂食等位時間: 0 分鐘
是次消費: HK$32.5 (下午茶)
評分 :   味道2   環境2   服務3   衛生2   抵食3

濃香滑滑好
2016-05-29
為食之狐 (共有49篇食評)

是晚與好友在九龍城晚飯,總係欠個甜品,於是來此老店。

說實在,很久也沒再到過此老店,是怎樣的也忘記了。

店舖小小,數張枱,裝修很普通,也可算沒什麼裝修可言,簡單普通的枱椅,單純實用,沒華麗可言,牆上只貼著十數張甜品的相片。
可是店內的角落,卻養著一隻很大的龜,店長說是盾臂龜,養了十多年的了,是食素的,是否作招徠,就不得而知了。
我要了一客凍的杏仁露,雖然凍的,仍有很香的杏仁香味,甜味剛好,濃稠稠的,而且有著細小粒粒狀的,那就是手磨杏仁的證明,絶對的真材實料。
好友則要了一客芋蓉西米杏仁豆腐花,芋蓉西米香滑,西米粒粒的,並沒有沾成一塊塊,豆腐花初感較粗,可是看到我的杏仁露,才明白那是手磨杏仁混合而成,豆腐花除了杏仁香味,也可算是很滑的,令好友大為驚喜。
雖然我們較夜才此店,店舖內只餘下我們兩位,可是一直有著客人到訪外賣,可見大家都因為此店著名中式甜品的香滑而來。

推介美食: 杏仁露
用餐日期: 2016-05-24
評分 :   味道5   環境3   服務3   衛生3   抵食5

芒果撈好
2015-12-03
starjv (共有98篇食評)

經過九龍城都會見到呢間糖水舖,終於試到啦今次。我見佢好少需要等位,雖然鋪面好細,但一入去就有位坐,因為大家都會好快食完就走。

叫左招牌芒果西米撈,嘩勁大碗啊,上面嘅芒果好大份,又甜又多汁,有成大半個芒果,而且切得大舊,一啖放唔曬入口。底下就係西米加碎冰,味道唔會太甜或假,而係有芒果既香味,夏天食就啱啱好,不過呢排食又啲打冷震。

推介美食: 芒果西米撈
評分 :   味道4   環境4   服務4   衛生3   抵食4

唯有忙果糯米糍可取OK
2015-08-16
為食河馬太 (共有37篇食評)

在九龍城吃過晚飯,與朋友尚有說不盡的話題,你會去哪裏?
九龍城除了泰國菜館多,甜品鋪也越來越多。那當然了,如果我想做老闆,看見滿目的甜品店門外總有一條長長的人龍,你也想分一杯羹吧。
星期六晚泰菜過後,想去的西式甜品店擠滿了人,改道去了「口甜舌滑」。裝修過後的「口甜舌滑」比起從前,多了一份潮,少了一份土,門面討好多了。
從前住了九龍城十多年,也沒光顧過,只聽說這裡的忙果糯米滋不錯。河馬生聽我建議,就來一客。
朋友A和河馬生是榴連lover,可惜榴連糯米滋早已售罄。我們估計大概榴連糯米滋一定十分好味,要不然也不會9時許便售完吧!
一盒六粒的忙果糯米滋先上枱,忙果餡料足皮也薄,整體不俗,美中不足是忙果有點酸,友人A吃得津津有味。

蜜瓜西米露奇貌不揚,味道如樣子一般普通。也不知是吃了糯米滋的緣故還是西米露根本如此,吃下去仿如無味一樣。立刻叫河馬生試試,他和我意見一致,味道淡口非常。
友人A的蕃薯糖水足料,還吃不完蕃薯,味道不過不失。

用餐日期: 2015-08-01
堂食等位時間: 0 分鐘
評分 :   味道2   環境2   服務3   衛生3   抵食4

下一頁>

桌面版   登入


Copyright © 1999 - 2016 Openrice Group Inc. 版權所有 不得轉載
全港最受歡迎飲食資訊媒體
Hong Kong's Most Popular Dining Guide,
with restaurant search, restaurants reviews, and dining coupons.

如你在使用本網上服務時需要協助 可致電OpenRice客戶服務部 電話:(852)21703280 電郵地址:CS@OpenRice.com