Openrice Logo
登記 |  登入 |  Eng

首頁 | 餐廳 | 食評 | 優惠 | 我的餐廳
地區: 澳門 | 深圳   特集: 自助餐

一代日式料理 GeneraTion One
地址 : 九龍城衙前塱道2A-2B地庫
地圖 : 顯示地圖
電話 : 2718 3800 (加入電話簿)
類別 : 日本菜日式西餐廳自助餐/放題
消費 : $151-$300
總評分 : 2.8
食評 : 好30, OK17, 劣39


相片>> 收藏>>
其他資料

營業時間:星期一至五: 17:30 - 23:30
星期六、日及公眾假期: 11:50 - 14:30; 17:30 -23:30
座位數目:190
付款方式:Visa、Master、現金、銀聯
加一服務費:

網上食家評語

第1至5篇 (共111篇食評):
下一頁>

一個字可以形容-"差"劣
2013-07-24
tammy AU YEUNG (共有1篇食評)

之前係yahoo團購買左coupon一心想試下新野,又見佢post出黎食物0的相都唔差~點知..........
一入到去已經覺的間鋪好舊,又聞到0的"up"味環境差;
我仲要買到$168(唔計加1)任食生蠔,一開始叫左半打,0的蠔除左食到冰鮮味都無其他味......
壽司超難食....玉子食落好似浸左糖水咁,好濕同甜的過份;鰻魚又干又"鞋",見刑個樣都唔想食;
枝豆上灑左鹽食完鹼到係咁飲茶huffy
刺身都仲可以接受(雖然細舊)

題外話/補充資料:
真係請我都唔會再去....

用餐日期: 2013-07-23
堂食等位時間: 0 分鐘
用餐優惠: 團購
是次消費: HK$200 (晚餐)
評分 :   味道1   環境1   服務2   衛生1   抵食1

劣
2013-07-01
cacaliu (共有2篇食評)

買左團購, 食物款式少。
三人一枱, 第一 round 刺身算 ok, 雖然好細舊諗住再 encore
點知, 寫完再催, 催完再寫, 叫個侍應追下單最後都係無上刺身。反而熟食就無乜漏單。突然侍應攞個火鍋黎, 我地話 "無 order 火鍋", 應該可以選擇吾要。即使我地星期日去都吾 full
食物質數只係一般。蒸蛋無味。三文魚質數參差。黎二次都吾同。燒牛脷淋晒無咬口。總括只此一次

堂食等位時間: 0 分鐘
用餐優惠: 團購
評分 :   味道1   環境2   服務2   衛生1   抵食1

食完生蠔, 一行八人全中招
2013-06-16
moonyuen323 (共有2篇食評)

本來係食過返尋味, 喺五月尾同朋友食過生蠔覺得唔錯, 啲蠔唔腥兼有少少鮮甜, 正價二百零蚊可以食到生蠔, 真係算超值. 於是上星期六約埋屋企人一行八人再試, 點知全部中哂招.sad

果日冷氣明顯唔夠, 我哋第一次點嘅生蠔係浸哂喺冰水入面, 因為啲冰溶咗, 而啲冰又無保鮮紙隔住, 所以啲生蠔全部變哂落水蠔, 賣相已經唔好. 但心諗, 喺酒店果啲即開生蠔, 都係開完用水沖, 都係水滴滴, 應該唔怕, 加上第一次食咗無乜事; 雖然都有疴, 但係無肚痛, 以為係自己腸胃問題, 結果我帶頭照食. 我哋一行八人, 前後點咗大概五十至八十隻生蠔, 因為每次都嚟唔足數, 所以計唔到.

結果返屋企全部中哂招, 個個都疴, 有四個除咗疴仲發燒發冷, 懷疑係食物中毒, 搞到返唔到工. 但因為我哋分別住喺唔同嘅地方, 到今日傾開再去邊度食嘢, 講起至知咁大鑊. 於是我立即打電話搵餐廳經理, 想將問題反映, 希望佢哋留意改善. 點知職員話經理放假, 叫我改天再打去, 為免再有人中招, 於是電郵向食環署反映事件, 並寫呢個食評, 希望各位可以留意吓.

本來呢間嘢都食過幾次, 坐位好舒服, 空間好大. 雖然食物種類唔多, 但有我哋最鐘意嘅魚生同燒物, 已經值回票價, 加上待應都好有禮貌, 出嘢又快, 唔使一個鐘就已經食飽哂, 通常最後order都唔會再點嘢. 加上我哋一般都係八點後至入座, 完咗兩個鐘無客等, 待應都唔會趕我哋走, 我哋可以慢慢傾吓偈, 消化吓. 期間仲可以繼續攞飲品同甜品, 真係幾盞. 但係今次嘅經歷, 就將以前所有credit一Q清袋, 我諗我哋下次都唔會再去.sad

題外話/補充資料:
假如冷氣足夠啲, 冰上加保鮮紙隔住, 就可以減少食物接觸生雪所引起嘅污染問題.

用餐日期: 2013-06-08
堂食等位時間: 10 分鐘
用餐優惠: 正價

可以接受OK
2013-05-29
neville628 (共有1篇食評)

辛勞左一日, 可以說得上廢寢忘餐, 一上雅x, 就見到團購介紹一代日式料理, 又有生蠔, 所以便決定約朋友去試下....

大約 7 時 30 到達, 個場裝修幾好, 但見個場有 8 成位吉左.....已經開始滴汗mad

侍應好有禮貌咁招呼我地坐底後, 便開始睇 order 紙剔嘢食,

魚生:三文魚( ok ), 魷魚( 切太幼, 太難夾), 甜蝦( ok ), 希靈魚( ok ), 八爪魚( ok )....
p.s. 雖然用冰墊底可保持溫度, 但沒有加上保鮮紙隔開, 冰碎黐住魚生, 不太好, 感覺不太衛生.

生蠔:真的十分意外, 生蠔用魚生盤上, 而且生蠔一般上檯是連底殼上, 但這個是沒有, 是完全脫殼既生蠔,
完全吃不出鮮味( 不像即開 ),加上他們所調的醬, 太甜, 感覺像茄醬加糖....no good......mad

壽司:蟹子( 紫菜唔脆), 八爪魚粒( 紫菜唔脆), BB 象拔蚌( 味道有點怪, 似唔新鮮)

前菜:蟹子沙律, 不夠凍, 差不多係室溫, 加上沙律醬已出了很多水sad

鐵板燒:只有 4 款......牛舌( 多汁, 軟硬適中), 雞肉( ok ),
帶子(真令我很驚訝, 因為從未吃過像 5 毫子般大小的帶子, 比磯燒元貝還要細)mad

串燒:雞翼( 推介, 味道適中, 外脆內軟 )smile

天婦羅:蝦( ok )

熱品:三文魚炒飯( 推介, 味道適中, 飯夠煙韌), 清酒煮蜆(一般, 但很多碎殼)

總括計, 食物款式太少sad

題外話/補充資料:
侍應服務總括係好, 只是其中 1 位女侍應態度頗差, 明明與朋友4 隻眼望住剔了半份三文魚炒飯, 她漏了單, 轉頭竟屈我們無剔, 真過份!!!

溫馨提示

如果有朋友想試, 不要用 雅x團購, 因為於 6 月 4 日前 walk-in, $168+10% service charge = $185,
團購於 6 月 4 日開始, $168+31.8 service charge = $200.

另外, 因為是地庫, 電訊網絡接收有問題, 123 可以, pccw 完全死火, 留意!!!

推介美食: 牛舌,雞翼,三文魚炒飯
用餐日期: 2013-05-28
堂食等位時間: 0 分鐘
是次消費: HK$185 (晚餐)
評分 :   味道3   環境4   服務4   衛生3   抵食2

意外地滿意的放題好
2013-05-05
安娜愛閒遊 (共有276篇食評)

之前見到有平平地的日本放題團購,手快快買了。到想食的時候,自自然然上 Openrice 看看食評,發覺評價都幾觸目驚心,搞到未食就已經有少少不安。但體驗是很個別的,今次我們一行四人,對「一代日式料理」的評價都很正面。

首先帶大家參觀一下間餐廳。地庫餐廳因為得一個狹窄的門口位,所以有時好易眼大睇過龍。認著近太子道西的轉角位就會找到。沿樓梯到達地庫,對餐廳的第一印象就是環境寬敞、座位寬闊,不會有很多放題餐廳常見的擠迫情況,加上裝修上算花過心思、更設有小廂房。環境方面,值得比高分。
 


 
相信,所有食客最關心的還是食物質素。尤其團購商品,最擔心食店會將貨就價,犧牲食物質素。但觀乎今次體驗,大部分食物的質素都比預期為佳。當中,團購包括一瓶清酒,送上來時是盪熱的,熱氣尚在瓶裡湧出。稍稍放涼,倒在小杯內一嚐,初時可能會覺得比較淡,後來愈飲愈辣,味道不俗。
 
 
至於放題主角--刺身,水準合格有餘。幾款刺身都夠新鮮,三文魚尚算肥美,比想像中好。其他刺身亦不錯,雖不至突出,但就放題而言,已令人滿意。
 
 
緊隨刺身而來的壽司,整體來說味道尚可,處於合格線上。但相對刺身而言就比較普通,所以在第二、三輪的單子裡,我們都不斷 encore 刺身而放棄了壽司。
 
 
上碟時熱辣辣的天婦羅賣相不俗,味道意料之外地好。最驚喜為蝦天婦羅,蝦肉入口彈牙,而粉都算炸得鬆脆少油。我認為這是必點的。
 
 
一般炸物就普普通通啦,例如餃子做得比較硬,炸帶子、炸蠔等都只是不過不失。
 
 
至於燒物,它們會給你一個石烤盤自己燒,都幾好玩,而且燒出來的味道也不俗啊!稍嫌部分肉味道偏咸。另外,有一樣令人不耐煩的事是,它們用的蠟太快燒完,結果一個晚上換了幾次。
 
 
說到這裡,想講講服務質素。據我們觀察,其實店裡人手略嫌不足,但想讚讚一位勤力的女侍應。基本上她是一個人應付大多數客人,單單是替我們換蠟燃料都換了幾次。雖然忙到眉頭都皺了,但仍有禮貌、未見過她黑面。為此,我更故意找那位比較閒的男侍應下單,結果應該比較高級的他接完 order 之後都是吩咐女侍應代勞 ... 希望勤勞的人會被留意到的。

另外,快截單的時候,廚師親自走出來問是否有需要加單。由於 Anna 很喜歡沙律中的水果珠,所以就問是否可以走沙律,只要水果珠,結果廚師真的送上滿滿一碗有兩種口味的珠珠呢 ...
 
 
最後,這兒的啤酒、汽水、Appolo 雪糕是任食的,就放在入口附近的雪櫃裡,想食想飲就自己去拿。
 

 
總括而言,是次團購自助餐,我們坐得舒舒服服、享用了比預期好的食物。雖然個別侍應像懶懶閒,但服務我們的那位勤力女侍應令人幾滿意;而且漏單的情況不嚴重。或許應該慶幸我們沒有遇到其他朋友的不愉快經歷?

推介美食: 刺身,蝦天婦羅
堂食等位時間: 0 分鐘
用餐優惠: 團購
是次消費: HK$170
評分 :   味道3   環境4   服務3   衛生3   抵食3

下一頁>

桌面版   登入


Copyright © 1999 - 2014 Openrice Group Inc. 版權所有 不得轉載
全港最受歡迎飲食資訊媒體
Hong Kong's Most Popular Dining Guide,
with restaurant search, restaurants reviews, and dining coupons.

如你在使用本網上服務時需要協助 可致電OpenRice客戶服務部 電話:(852)21703280 電郵地址:CS@OpenRice.com