Cucina
地址 : 尖沙咀廣東道3號馬哥孛羅香港酒店6樓
地圖 : 顯示地圖
電話 : 2113 0808
(加入電話簿)
類別 : 多國菜、酒店餐廳、西餐廳、甜品/糖水、點心、海鮮、粉麵/米線、Fine Dining
消費 : $301-$500
總評分 : 4
23
vs 3
vs 3
相片>>
其他資料
招牌菜:焗通心粉、火腿包哈密瓜、XO 醬彩椒露筍蝦球、桂花榚配中國茶、干燒汁番茄星斑球、XO 醬翠綠花膠鮑魚球
營業時間:星期一至日: 12:00-15:00, 18;00-01:00
座位數目:123
付款方式:Visa、Master、現金
酒精飲品:
有
自帶酒水:
可以開瓶費：250
切餅費:
有150
加一服務費:
有
訂檯服務:
有
室外座位:
有
泊車:
有海運大廈停車場
海景景觀:
有
網上食家評語
第1至5篇 (共29篇食評):
下一頁>
Sunday Brunchtail
2009-11-04
麵包儀 (共有382篇食評)
好耐之前，見有雜誌推介喱度嘅brunch，所有生日叫ka ho帶我嚟試吓！
靚view......
望著個海食嘢，感覺幾正！
都有好多海鮮食架 (即開生蠔、蟹腳、螺、蝦、波士頓龍蝦)
我比較鍾意食蟹腳
香港人真係好鍾意食生蠔，啲人半打半打咁上，仲要食好多round......
我就唔食嘅，ka ho都係食幾隻架咋。
啲生蠔細細隻，ka ho話都算新鮮。
波士頓龍蝦
我哋覺得得個蟹鉗嘅肉好味，蝦身就好"鞋"，一般啫！
每人食半隻已經冇食lu......
点心
都唔錯！皮薄......
湯 & 新鮮麵包
麵包真係好新鮮......
即製pizza、沙律、前菜
啲沙律菜好靚......
甜品就不過不失喇！
冇咩驚喜，係啲雪糕唔錯，唔知咩牌子呢？
個brunch由1130 至 1430，好夠時間，記著HSBC CREDIT CARD有8折，上網BOOK枱有85折。
服務都唔錯，鍾意食海鮮嘅值得一試！
是次消費 : 每人約HKD288 (午餐)
評分 : 味道4 環境4 服務4 衛生4 抵食4
廚房倒瀉鹽?! 咸到冇朋友
2009-11-03
eating copy (共有14篇食評)
在網上book了位, 上星期三吃中午的buffet lunch, 有15% off 呀, 人又唔多, 行入去時經過個pool; 我都没有要求坐window seat, 佢都帶左我地去坐
, 入門口個時西人經理都同我地打招乎, 待應有成熟的水準, 全餐都輕鬆無比! 見到向酒店內,出面有d露天位, 唔知係咪可以坐出去架呢? 其他客人都不吵, 唔洗掙食, 係之後有對simons' & bart 既西人大聲non stop講笑不過都ok
食物方面
第一次吃, 先不要加main course, 試下只要buffet 好唔好味先:
cold cut 如其他食物一樣, 不會一大盤咁上, 這就好, 不會浪費, 反而感覺精緻, 不斷refill保持新鮮, cold cut 很多款, 有一種係好薄的, 其他地方不常見, 好好味!
salad 菜新鮮, 但我吃那天d菜冇乜水, 好乾下, 可能我對佢d organic 菜期望太高. 同理冇baby spinach, 好想食呀; 千島醬調得好味道
中式菜, 同之前食友相中的一模一樣, 5-6 種, 但種種都係同類食種, 搞到好似得一兩種咁 --- 可吃可不吃, 不難吃, 也不等別好吃
湯 中西各一, 也不等別, 但賣相亦不倒胃
pasta有一碟出現過, 要澱粉質過口的人可在這要一兩口補一補, 餐廳這樣很貼心. 不過呢, 味道就麻麻. 出多一兩款就好了~~
甜品, 中西各兩種, tiramisu 好吃, 用薄乾朱古力底, 士多啤梨好大亦好酸, d cream出奇好吃! 楊枝金露像平時唔識煮嘢食d人係屋企整咁既味................
有一碟不起眼的白豆好好吃不要錯過! 好有聖誕的味道但我講不出是什麼來的
水果企理, 菠蘿好甜
掃興
不過我們最期望既海鮮冷盤, i.e. 長腳蟹腳, 生蠔, 蟹, 都極之咁咸, 咸到平時連蠔仔粥都唔放過既我地都停晒手, 隔每15-20min只敢拎一只來再試, 都係咁!!! 我們其實一心想來吃這三樣嘢, 佢唔係比較咸, 而係咸到不能入口, 所以大家明點解我要寫上面d食物la, 因為我們只能吃那些來填肚, 主打的冷盤咸到不能入口. 其實同區仲有白焯蝦仔同翡翠螺係係ok的, 但都己俾d咸蠔蟹腳搞到唔想食. 鄰枱個女仔都問個男仔點解仲食, 勸佢咪食!
埋單(原來hsbc有8折! yoooo! 仲平), 有個後生d既待應問隔離再隔離枱d野arm 唔arm 食, 原來個姨姨都話好咸! 個待應唔知點反應好就ee or-or埋埋我地同隔離枱張單, 唔再問其他人, 佢問我一定都話咸!
都仲有個
係因為其他food, service n environment 都很好. 只要唔好一心想來吃海鮮冷盤就好
推介菜式 : cold cut, '聖誕豆', cream cake d cream, tiramisu
是次消費 : 每人約HKD170 (午餐)
評分 : 味道4 環境5 服務5 衛生5 抵食4
浪漫的 family dinner @ harbour view 廚房
2009-10-27
蝗蟲同學 (共有1428篇食評)
26-10-2009
阿媽唔聲唔聲又嚟了個會藉 
, 今次手持一堆 Marco Polo Hong Kong coupon, 趁公眾假期帶路嚟到呢間又 Chinese 又 Italian 的靚景餐廳. Book 檯時無 special request, 但可能抵達時間尚早, 我哋被安排了落地大玻璃 window seat
Table bread 有香草薄脆及軟法包, 前者鬆脆帶點麵粉香, 後者就外煙韌內軟熟, 加上熱辣辣的, 塗點香濃 pesto, 討好.
Appetizer #1 帶子煙肉沙律: 帶子用 pancetta 卷起, 再拎去燒, 食落外層 pancetta 鹹香脆口又帶點 smoked 味, 內層帶子就軟滑鮮甜厚肉, 好食 沙律菜新鮮嫩綠, dressing 就係微辣的 vinaigrette (?), 係幾開胃清新的一道菜.
Appetizer #2 生拆大閘蟹粉小籠包: 其實大家對 Chinese kitchen 興趣不大, 但見有 seasonal 菜式, 又叫一籠 4 隻蟹粉小籠包試試. 每隻下面都用薄片紅蘿蔔墊住, presentation 不錯, 不過食味麻麻哋 -- size 較大, 皮偏厚, 頂部分仲勁多粉又硬實 湯汁夠, 不過鮮味一般, 餡料就直程完全食唔到蟹味 唔怪得阿媽話「東海好食過佢」啦, 真失望的一客蟹粉小籠包! 
On the side 的淅醋反而味道「純正」又好香, 可惜無乜用武之地...
細佬係薯仔痴, 另外亦叫了 mashed potatoes with black truffle: 質地幼滑, 又係好香 truffle 味薯味及牛油味, 不過實在好漏, 試一兩啖好了.
Main #1 Strozzapeti with black truffle and anchovies: waiter 叫呢個做「手搓粉」, 不過呢度的 pasta 應該都係鮮製? 意粉煮得算 al dente, 配上 flaky 香口的 Parmesan, 濃香得攻鼻的 black truffle, 味道似 liver 般甘香的 anchovies, 及酸酸甜甜的 diced / mashed 蕃茄, 唔係好食到會 choke 親的地步 (唔明? 自己睇 Wiki 啦!), 不過都不錯的. 
Main #2 Grilled veal cutlet: waiter 提議「5 成熟」, 嚟到就係近 medium 的 medium-rare, 賣相不錯, 食落亦 grill 得嫩滑軟熟又 juicy, 不過牛仔肉始終較輕, 我都係較喜歡牛味濃縮一點的美式 steak 旁邊的 tomato based 醬汁反而好好食, 甜多過酸, 唔知乜來?
Main #3 Traditional Sardinian roasted suckling pig with rosemary (1/4 隻): Chinese / Portuguese / Spanish 燒豬都食過, Italian 都係第一次食, 印象係十分好 -- 熱辣辣, 皮脆, 肉就嫩滑得似 chicken drumstick 多過豬肉 , 黐住點肥, 又加埋 rosemary 的清香, 十分好食 配角的炸蒜片亦唔馬虎, 蒜香較淡, 但薄脆鬆化無油, 好食.
另用了 complimentary dessert 的 coupon, 一人要了一份 "Tiramisu - mascarpone mousse, chocolate powder, espresso Caviar, ice cream": presentation 靚到唔捨得食, 不過 tiramisu 完全唔夠滑, 蛋糕多過乜, 咖啡味淡淡的, 酒味及 mascarpone 味直程唔知去咗邊, 百分百好睇唔好食 面頭的 espresso caviar 就係咖啡味的「扮魚子醬」, 份子料理? Espresso 雪糕就好得多, 質感軟滑, 咖啡味香濃, 同底下的粗粒 hazelnut chocolate powder 一齊食, 帶點脆卜卜幾討好.
各方面都十分唔錯, 折完又折後每人約 $280, 仲平過去利苑 (http://www.openrice.com/restaurant/commentdetail.htm?commentid=2025283) , 大家一致認為好抵食, 值得試試.
P.S. 食物 5 分係 for suckling pig 的, 不過整體都有 4.5 分; 小籠包及 tiramisu 就只值 2 分...
推介菜式 : traditional Sardinian roasted suckling pig with rosemary, 帶子煙肉沙律, espresso ice cream
是次消費 : 每人約HKD280 (晚餐)
評分 : 味道5 環境5 服務4 衛生5 抵食4
好新鮮的沙律菜,為此而來吧
2009-10-26
fai0826 (共有42篇食評)
星期日起身11點多開始出尖咀, 就是為了想試這裡的Sunday brunch預約是一星期前做的了,之前数個月見有OR食評寫過,在上一個星期從中環搭乘小輪回尖咀時,見碼頭等船那裡有很大幅的廣告寫着$288/person於是喚起了之前看過食評的
記憶於是有今次自助餐之旅, 餐廳的裝飾揉合中西,簡約中見優雅,很合乎時下的
餐飲室內設計,大部份都是開放式見空間感,大/中/小枱齊備,光線充足,當日一點前
甚至要將窗邊的薕放下1/3遮擋陽光, 不過兩點後開始變陰天最後還下起雨來,
講回食物方面:
沙律吧: 聞說是大廚悉心照顧的自家菜,每一種都極為新鮮,無論色澤,菜內的水
分含量,全部都是合乎標準,甚至是標準以上, 火腿簿片有兩,三種可以選擇, 味道
稍為咸了些, 芝士也有兩,三種, 其中一種Parmigiano Reggianocheese友人K說很咸但本人又不覺得過咸,可能友人K那一口較大咬了一點吧, 車厘茄清甜, 青欖內藏羊奶芝士的這個就真的有少少咸了, 還有一盤鷹咀豆, 沙律汁有意式, 白醬 , 千島汁, 三個都有試過, 意式汁比較重意式咸魚味,如果喜歡意式咸魚的食客一定選這個相反則會討厭它,另外兩個比較一般沒有突出哪一種味道算是平易近人那種,在這沙律吧內有一盤是用糖漬的生果(一種是類似櫻桃般大小的果實,另一種則是疑似梨子的果物)好味道的是櫻桃般大小的果實, 疑似梨子的果物則因為太大件很容易吃多了感覺很甜,凡事點到即止總是令人再三回味,
冷盤類: 有生蠔(只有一款),翡翠螺,長腳蟹,波士頓龍蝦,本人試了的有生蠔&
波士頓龍蝦半隻,生蠔OK嘅但稍為細隻, 波士頓龍蝦半隻不知道這裡是白烚
定還是蒸,我們吃的第一轉的龍蝦拑肉有點粉粉的而蝦身的肉則相當結實,不知道這是否代表弄過了頭還是什麼總覺得不好吃,但中場太座出去再拿另一半隻回來
吃時說又比第一輪的爽口,不過在這冷盤枱上吃龍蝦是沒有任何醬汁配的,硬要說
有的話只好拿一角檸檬吧,所以太座第二轉去拿時我幫她到沙律吧拿了個白醬同
千島醬給她點了,只灑點檸檬汁就吃掉它未免太浪費了它吧,冷盤枱還有些燒過的
雜椒/意大利青瓜類, 燒過的蔬菜或者瓜類通常甜味十足,還有蕃茄加意大利水牛芝士,意式白豆吞拿魚/希靈魚沙律,三文魚有兩種,一種只是一般的煙三文,色較淡,
另一種則是搽了油及灑了些香草碎在面的三文望上去當然色澤較鮮艷,兩種都試了如果不介意有油在面的話, 搽了油及灑了些香草碎在面的三文感覺上是勝一籌的了,有一個頗特別的西式冷盤?用一舊Parmigiano Reggianocheese在上面放上炒好的鉛筆意粉等熱力令芝士溶化同意粉攪拌後拿來吃,但我不目有人拿,我估計原因有二:一是香港人一般不太喜歡吃這種粉嫌它太飽肚,二是容易冷卻,粉一被冷卻即變硬沒有人有興趣吃一條膠鉛筆啩,所以應該做by order而不是這樣預先做好只會浪費食材,可能酒店方面當是一種製造氣氛的工具吧了,亦見到有一盤鴨胸但因為想吃其他的放棄這個吧,
跟住到中式熱薰類, 點心主要有蝦餃,想不到這裡的蝦餃做得這麼差勁,皮不夠透明外內餡才嚇壞人,一舊肉粉團加些蝦肉,真的唐人街貨色也比它好,完全很老外做的蝦餃那種味道,極其量是外形似蝦餃的蒸餃子, 其他那些蒸餃還可以說一般啦,有一款外面沾滿糯米的肉糰內裏是蝦膠同蟹肉都幾好味架,炸明蝦角也很好夠新鮮,內饀的蝦膠調味調得剛好,反而有一盤用蘿蔔糕做的炸物還有一些心思,將蘿蔔糕切四方丁炸後上面灑上炸過的蒜茸夠香口,不過吃多了一定有口氣,另一個推薦的是三色椒炒牛肋骨,牛肉軟滑之餘還要件件厚肉又有咬口,不似得有些地方靠梳打發揮化學作用令肉變淋但肉味全失似吃加了味的海綿,在同一張枱放着一個中式冷盤,青瓜海哲頭,這個就完全是失敗之作,海哲頭的咸味去得不清,令它越趙越咸枉有爽脆口感,但當友人在第二盤時才出去拿來試味時又說都唔係好咸啫,
我也挾一舊來試又真的沒有第一輪的咸,証明做這個菜的師傅每次做都有參次,
本來第一輪見過有類似馬拉糕的物體但再去時又不見了,有燒鴨但沒有試到,在這中式廚房旁邊是淥粉麵的檔口,又試下啦,點知有驚喜喎,湯淡淡的,菜也剛剛好熟了,蝦爽脆彈牙,帶子也鮮味十足,真係估佢唔到,好似同一檔做埋粥架,
另一檔被人叮開的是”簿餅”檔,只見開始時有個師傅係度摸下,摸下跟住就好似唔
多覺有人走埋去攞亦無師傅埋位再攪什麼似的,全場只有兩款簿餅,當然是意式餡料啦,在開頭試咗件都OK啦,但再擺落去肯定無人食,因為又是一味只能在焗起身十分鐘內要放落肚的食物,真可惜又浪費食物了,點解唔做by order 或者由待應收集客人柯打才做便不用這麼浪費啦,
至於甜品特區, 則大部份都很美味,尤其是一種半蒸焗的芝士餅,裏面的質地軟滑,而芝士味也不會過龍, 處理手法同爐火控制一流,
這裡也有提供法式傳統甜點:馬卡龍甜味同口感都相當好,
講到最後,要提及的是茶/啡,原來這裡是不包的,當然叫咪得囉,所以我們叫了一杯啡兩杯檸茶,咖啡到,一睇點解只有半杯嘅,看見豐盈的啡色泡沫知道不是被人偷飲了,但如果這裡的regular coffee是比一杯espresso多d的話無須用咁大隻啡杯裝呀,用隻細一個碼的杯咪得囉看上去這麼小家,另外兩杯茶雖然是壺上,但茶也是淡如水,每杯還要$40各位這杯可以省了,
無謂浪費金錢呀,
總括這裡只是OK吧,主要是講價錢,食物質素好壞參半,
服務也算合格,最欣賞的是環境,
如果還有機會再來的話,多半是因為它的沙律菜吧
推介菜式 : 沙律菜/三色椒炒牛肋骨/淥粉/甜品
是次消費 : 每人約HKD330
評分 : 味道3 環境4 服務3 衛生4 抵食4
一百分的自助生日午餐
2009-10-15
小連 (共有1005篇食評)
生日正日，難得放假，大家一於提早起身去食自助lunch。
地點係馬可孛羅酒店的Cucina，由於平日下午，來吃午飯的人不多，我們被安排在窗口的無敵大海景位。
講真你叫我俾幾錢位我都願，可以食哂成個維港景，是日仲要天高空爽，景觀一流，國金就在眼前，都好耐無o係咁好既環境食飯了。
睇一睇餐牌，$180位任食自助吧前菜食物，如加多$40就可以有個main course，之前食家話上網睇食評唔洗加$40已超多野食，我就一於唔加錢住，出去睇下有咩食先再算﹗
食物種類繁多，如你唔係一定要澱粉落肚的真係唔洗加個main都可以，講下食左咩先﹗
湯有兩種、羅宋及粟米，羅宋食家話麻麻地，但粟米我就超鍾意，飲左四碗。
沙律品種相當多，你鍾意加0的通心粉又得，加煙三文魚又得，蔬菜口感新鮮爽脆。
全日吃得最多的當然係海鮮類啦，阿拉斯加長腳蟹條條都長過手臂，咬落鮮甜啖啖肉，我同食家一人食左六七隻，最緊要一樣野係唔洗好似出面0的自助餐咁要同人搶，待應一見有人攞左幾條佢就再加番落去，有相你睇，真係滿哂架﹗
其餘仲有海鮮冷盤、生蠔、凍蝦、翡翠螺仲有凍蟹，樣樣都新鮮任食，我每樣起碼食左成十件，特別要品評的是生蠔，因我一向都覺得生蠔很腥食唔落口，今次吃的蠔大隻、入口滑溜軟糯而鮮甜，有少少海水鹹甘，原來新鮮的蠔如此鮮味，我怕我從此會愛上食蠔呢﹗
中式小菜都有好幾款，我試了燒鵝，鹵肉、青瓜、豆腐同埋燻蹄等，樣樣都在水準之中，真係前菜當主菜食已很滿足。
甜品亦都不欺場，生果、芝士蛋糕、蘋果批、慕絲、芒果西米露等一應俱全，食家推介藍莓芝士蛋糕，我就鍾意蘋果批，正﹗
我都不知吃左幾多輪野，總之就係由12:30吃到3:00無停過，食到要食家話唔俾我再食先肯停手，0的海鮮真係好鬼正，最後佢加左杯coffee $40，因我地網上book定有85折，埋單一人唔洗二百蚊，如此美景美食，真係超值﹗
要說我同食家都唔鍾意吃自助餐的，因價錢不便宜之餘，次次都係好似餓狗搶屎咁迫迫迫先有得食，而食物質素又十萬個一般，呢間Cucina令我對自助餐改觀，我地兩個都不約而同地說呢餐一百分，是我地吃過最好的自助餐﹗
服務方面，除左食物不停添加之外，收碟亦都相當快手，職員有禮貌又幫我地影相，仲問我地係咪記者做咩係咁影食物相﹗哈﹗
晚餐應該有更多野食吧？不過有興趣來還是在午市吧，無人之餘又有靚海景，呢個生日午飯吃得相當開心，多謝食家的安排呢﹗
是次消費 : 每人約HKD190 (午餐)
評分 : 味道5 環境5 服務5 衛生5 抵食5
下一頁>
返回頁頂
Copyright©1999-2009 OpenRice Limited.
版權所有 不得轉載