龍門大酒樓 Lung Moon Restaurant
地址 : 灣仔莊士敦道130-136號
地圖 : 顯示地圖
電話 : 2573 9761
(加入電話簿) | 2573 4066
(加入電話簿)
類別 : 粵菜 (廣東)、酒樓、海鮮、燒臘、點心、餛飩/餃子
消費 : $151-$300
總評分 : 3.3
40
vs 28
vs 4
相片>>
其他資料
招牌菜:蜜餞紫薑雞、燒賣、蝦餃、八珍扒鴨、叉燒、馬拉糕
營業時間:星期一至星期日: 06:00 - 23:00
座位數目:800
付款方式:Visa、Master、現金
自帶酒水:
可以開瓶費：0
切餅費:
有0
加一服務費:
有
訂檯服務:
有
泊車:
有大有商場停車場
網上食家評語
第1至5篇 (共79篇食評):
下一頁>
懷緬過去
1天前
千里獨行的絕世孤寂 (共有279篇食評)
10月26日（星期一）晚，在此先行謝過南瓜兄舉辦是晚飯局。我和女友在尖沙咀坐渡海小輪過灣仔，然後慢步過來，本以為時間剛好，其實一眾食友已經齊集得七七八八！原本預算三圍，但後來人數實在太多，最後臨時加多一圍，四圍食友被客排在三樓，自成一角，近乎包場。未開席前，大家都爭取時間拍照留念，始終歷史悠久的地道港式茶樓，真的拆一間、少一間。人齊了，在眾食友品嘗美酒的同時，菜肴亦開始上場了！
燒鵝王併叉燒 ：素聞這裡的肥叉出色，入口果然鬆軟蜜味，我這個叉燒狂當然不禁地吃多幾件，懶理膽固醇的問題，我始終覺得叉燒是半肥瘦最好食的；燒鵝相反就很一般，皮脆卻肉不嫩，且被“燒味汁”浸得有點過咸；
杏汁菜胆炖白肺豬"月展"湯：湯底清甜，白菜味濃厚，皆因用料十足且做法認真，菜胆軟腍無渣，但完全感覺不到杏汁的存在，這也沒關條罷，這個炖湯真的好喝，我和女友都喝了兩大碗；
翡翠蠔皇鮑菇：芡汁杰身味濃，鮑菇則沒有味道，豆苗翠綠；
海哲伴鴛鴦雞：鴛鴦雞是豉油雞和炸子雞，用的也應該是雪藏雞，沒有雞味也是可以接受，不過炸子雞炸得過了火，豉油雞的豉油味又不夠濃厚，肉質也不夠嫩滑，鴛鴦雞豈不是成了“雙失雞”？
西芹花枝蚌片：一道酒席常見的菜式，花枝及珊瑚蚌尚算爽滑；
砵仔雞蛋焗魚腸：每席有三砵，不過做的很失敗，雞蛋焗得太乾，魚腸很醒，吃了少許就沒有再吃；
炆大班翅：紅燒芡多到完全蓋過了斑翅，支竹、蒜子、冬菇和大蔥鋪滿了整隻碟，幾乎找不到斑翅，斑尾頓成了配角，而且味道和口感皆乏善足陳，幸好芡汁味道濃淡適宜；
足料八珍扒大鴨：和上一道菜一樣，八珍又成了主角，用料十足，有豬潤、魷魚、蝦、冬菇等，大鴨被這足料的芡汁淹沒下，幾乎變得可有可無，而且肉質不夠嫩滑，煮得過老；
潮式炒飯：簡直是“油鑊撈飯”，飯粒軟腍而且可以“炒”到一堆堆的，飯粒上的油清晰可見，難怪有不少食友棄之不吃。
因為很飽和個人來說很少吃酒樓附送的糖水，所以馬蹄露我沒有吃。雖然食物質素真的很一般，不過相信一眾食友來這裡志不在食物，懷緬過去的昔日情懷才是重點。曲終人散，離開時和其他食友在「龍門」前拍照留念，然後起程去溝貨。
最後，再一次多謝南瓜兄的邀請和籌劃是晚的飯局。
是次消費 : 每人約HKD220 (晚餐)
評分 : 味道3 環境4 服務4 衛生3 抵食2
最後一次在龍門
4天前
＊Ｓｕｇａｒ＊ (共有80篇食評)
結業前黎食左餐勁既/..
是關成圍人等唔切...我只可以影左一張炸子雞
不過都ok貴喎.....
叫左唔多野...4,5樣都千幾蚊圍埋單咯!
d炸子雞好味呀!
但石斑兩味就唔掂喇....
叉燒外賣超值!廿幾蚊一大盒,堂食就唔係啦,..
評分 : 味道3 環境3 服務3 衛生3 抵食3
有點失望.....
5天前
有衣食的Marc (共有1篇食評)
之前咁o岩見到龍門即將結業,適逢母親大人壽辰臨近,就決定試下「一登龍門」o既感覺.
是晚五個人,叫左D睇食評推介o既菜色:
-叉燒燒鵝雙拼
-砵仔焗魚腸
-花尾兩味
-蜜餞紫薑雞
-是日例湯:菜膽豬肺湯
-豆豉鯪魚炒油麥菜
見個個都讚叉燒燒鵝好食,第一個叫o既餸就係佢,唔知係咪夜左去,D叉燒全部都係筋位,蜜味不錯,可惜唔香,加上D肉質地真係唔係太好,唔好話同再興比,我覺得連修頓隔離間燒味店都不如,希望只是失手之作.燒鵝也沒多大驚喜,皮下好大舊油,見到都唔係好敢食,自問都食得幾肥都唔怕死,但係望住呢個鵝油,真係無咩食o既衝動,可能近年食得太多燒鴨,已不習慣鵝的肥和"騷".....
焗魚腸係成晚令我最失望既餸,蛋焗得極度乾,食左一啖都叫其他人唔好食,因為真係太難食.一度懷疑是否番焗....
成砵除左乾蛋味,少少魚腸味都無,咁加魚腸作用為咩?
花尾兩味:西蘭花炒球同蒸頭腩,炒球味道不錯,可惜油有點過多,蒸頭腩也不過不失.
全晚唯一可以讚,亦值得讚--蜜餞紫薑雞,汁的甜味調得剛剛好,,紫薑(子薑??)也很好吃,如果D雞用番啖啖肉o既雞肶肉會更加好.
唔知係咪例湯關係,同樣係豬肺湯,我飲唔到之前食評的好,比起得記買飯送o既例湯還有點不如....
就係因為之前好多餸都唔o岩食,結果叫個好安全o既豆豉鯪魚炒油麥菜,除左較多油外,味道不錯.
期望變失望,希望只係一時錯手,希望可以抽到時間去食番次點心.
因為本人遲到關係, 一坐低就食,所以一張相都無影相,希望各位包涵!!
推介菜式 : 蜜餞紫薑雞
是次消費 : 每人約HKD130 (晚餐)
評分 : 味道3 環境2 服務4 衛生3 抵食3
再黎龍門點心
7天前
mc7 (共有19篇食評)
情意結作緒加未集體回憶前，返工前再次黎龍門食點心早餐，問亞姐有咩好食，佢對住d點心籠講有咩點心，我一路聽，見到唔係有好多點心揀，可能已經10點零鐘，亞姐講到荳苗餃，我眼睛停一停望下d餃，好似同平時水晶餃，菲菜餃差唔多，見都好似無咩好食就揀左荳苗餃食，俾過錢憑飛仔取點心，點心用發泡膠盒盛放。
荳苗餃有3隻，HK$15，拎到返公司，餃還熱，賣相不差，脹卜卜，餃皮不油，用叉食恐防弄破薄薄外皮，唯有用手，小心將餃子分開，果然明乎其實，餃身脹實，料足，咬開口感一流，絕無欺場，滿口荳苗同蝦，不錯。
結業進入倒數時間，有機會再試其他點心...
是次消費 : 每人約HKD15
評分 : 味道4 環境3 服務3 衛生3 抵食3
叉燒一哥？？？當真？
2009-11-11
sharonangie (共有22篇食評)
今日自己一個食飯，想起龍門將臨結業加上從OR知道它有售賣飯盒，一於行去買個試下。
我唔知「掟」，一去到就直入酒樓，阿姐明明見到我，招呼都唔打就一定啦，但佢見我個樣咁無助都唔理，忍功非常了得。最後我係旁邊的點心檔見到師傅，立即求救，呵呵，點知原來燒味部係隔離，我真係大鄉里。
燒味部一大陣「噏」味，有個大概年過60的大嬸坐係收錢機前收錢，食飯黃金時間竟然空無一人，我order了我一向的心水雙拚，叉燒油雞飯（多豉油）。
係office打開飯盒，整體賣相都唔錯，叉燒切得整齊而且見到D麥芽糖閃令令，食一啖試下，啊，都算唔錯，可惜多食幾舊發覺麥芽糖味唔夠，香甜不足，豬肉更有「蘇」味。坊間盛讚的炭燒叉燒，炭燒味一D都食唔出，莫非已經停止供應？
反而油雞相比之下較出色，並無一般雪雞的問題例如肉質偏軟，過肥過油等等，鹹味適中，不過當然無咩雞味啦！
總括黎講，我覺得龍門燒味部跟「叉燒一哥」呢個美譽還有一段距離，係灣仔想食靚燒味仲有好多選擇。
BTW，我個飯無加豉油呀！
是次消費 : 每人約HKD26 (午餐)
評分 : 味道2 環境2 服務2 衛生2 抵食3
下一頁>
返回頁頂
Copyright©1999-2009 OpenRice Limited.
版權所有 不得轉載