Openrice Logo
登記 |  登入 |  Eng

首頁 | 餐廳 | 食評 | 優惠 | 我的餐廳
地區: 澳門 | 深圳   特集: 自助餐

正記菜館
地址 : 元朗金輝徑28號好盛洋樓地下4號舖
地圖 : 顯示地圖
電話 : 2443 3319
類別 : 粵菜 (廣東) | 港式 | 大牌檔
消費 : $51-$100
總評分 : 3.3
食評 : 好26, OK9, 劣6


相片>> 收藏>>
其他資料

營業時間:星期一至日: 17:30-04:00
座位數目:100
付款方式:現金
酒精飲品:
外賣服務:
加一服務費: 沒有
室外座位:
電視播放:

網上食家評語

第1至5篇 (共44篇食評):
下一頁>

肥美海鮮.平凡廚功OK
2016-09-08
霖迪 (共有734篇食評)

九月,隱隱感受到涼意,海鮮也變得肥美起來。在這海鮮季節裏,找一家小廚菜館大擦海鮮便最好不過了。

金輝徑有好幾家人氣菜館,吸引食客的除美食外,還有街邊排檔的熱鬧氣氛。潮豐水準已今非昔比,正記也不算特別出色,但見正記的海鮮相對肥美,想吃海鮮的我倆自然不作它選了。

選了數款海鮮後,阿姐便帶我們到對面的店鋪安坐。正記在金輝徑人氣不俗,但近年食環署巡查得緊,不能露天擺放食桌之下,食客只能坐進鋪內了,客人亦因此而流失不少,始終大排檔講求的就是氣氛吧!



蒜蓉蒸扇貝($80)
肥厚大扇貝,以蒜蓉粉絲同蒸,蔥蒜不夠香口,扇貝倒是相當鮮美,蒸煮火候剛好不會過老,算是不錯。

豉油王海蝦($115)
份量不多的小蝦,帶一點蝦膏。以豉油、蔥蒜同炒,尚算香口,但略顯油膩。


鹵水鵝片($120)
送上一座「鵝片山」,鵝片份量多而厚切,也有不少炸豆腐、珠豆花生墊底。雖是冰鮮鵝片,卻是鬆軟有鵝香,略嫌切得太厚了。鹵水濃香入味,即使連墊底的炸豆腐也很有鹵水香,水準不俗。




胡椒豬肚雞湯($80)

以大鍋盛上,豬肚、雞件不少。豬肚滑嫩爽口,雞件略顯嚡口,湯底胡椒味挺濃,味道相當刺激。



豉椒炒蜆($73)
細種海蜆,時值入秋關係,蜆身漲卜卜的相當肥美。鑊氣足,只可惜豉味弱弱的,加上強勁冷氣的吹拂下,炒蜆很快便涼掉了


蠔仔粥($45)

蠔仔漲卜卜的,只是不太新鮮而且稔身。粥底十分「求其」,湯淡如水,大量的咸菜,蒜頭、柴魚、魚露通通欠奉,只是個味淡的湯飯而已。



料好,卻沒有遇上好廚師,是有點浪費的說。始終是黃金地段,即使不是超班水準,也不愁沒有客源了吧!

用餐日期: 2016-09-07
堂食等位時間: 0 分鐘
是次消費: HK$250 (晚餐)
評分 :   味道3   環境3   服務3   衛生3   抵食3

絕對有大排檔應有個風味(有讚有彈)OK
2016-08-31
Jensen Kwok (共有16篇食評)

今晚原本係老遠諗住食壽司,點知自己大頭蝦冇book位而又full咗,既來之則安之,就係附近尋找嘢食,近近地就去大坑渠嗰邊大排檔食。
入到去,叫咗炸大腸,冇乜特別同出面差不多,然後叫炸豬手,呢個ok,皮超正,最後叫埋四川辣魚雲,呢個都係冇乜特別,我覺得唔夠辣,同份量好少。
服務員方面ok,不過以大排檔嚟講,算唔錯,地方都係一樣,比其他茶記嚟講,算幾好。最後環境好嘈,其實係坐我地旁邊有張枱其中一個男人特別大聲,好似用緊咪講嘢,我朋友同我講嘢我係完完全全聽唔到。不過大排檔就係咁啦。

評分 :   味道4   環境2   服務4   衛生4   抵食2

元朗小菜打冷首選好
2016-08-31
smallyan12345 (共有106篇食評)

元朗美食多,但係是日千挑萬選下選擇了小菜,正記都算老字號,住元朗表姐成日食,但我都係第一次~
是日點了,
京都骨,滷水鵝片,涼瓜炒蛋,粟米石斑塊,

京都骨,肉質帶點效勁,不會太軟,甜味夠,醬汁也不會太稀,骨頭也不會太多,啖啖肉,勁美味~
滷水鵝片,不會太韌,肥瘦週中,滷水味入味,好味!
涼瓜炒蛋,這碟菜等比較久,但店員說很受歡迎,味道不錯!苦瓜不會太苦(微甘),蛋煎得很厚,口感非常好~
粟米石斑塊,比較沒有特別的菜,味道不過不失,不要份量幾多~
4人用餐4小菜,只能說超級超級飽!!
要用行路回家才能消化~
不過正記火候夠,又有冷氣~
實會再encore~~

是次消費: HK$80 (晚餐)
評分 :   味道5   環境4   服務3   衛生3   抵食4

元朗 冷氣 大排檔好
2016-06-13
doraeceo (共有10篇食評)

揸車入去元朗當然搵間大排檔啦 , 正記大排檔, 後面就有錶位停車場 ,附近亦有兩個 多層停車場 ,真係好方便 。就算坐車離距離輕鐵站巴士站都係你幾分鐘路程,。
好多人唔喜歡去大排檔 ,因為又怕熱又怕冇冷氣 , 但放心佢有好幾間大鋪, 可以話係有冷氣嘅大排檔 。

眼見員工數量都不少好快又有人招呼。

今次是佢幾個小菜下次下次再試潮州打冷。

菜單設計唔錯 ,好鍾意啲菜單有相 ,真係增加不少食慾。
金蒜香辣雞 ,真係好香蒜味塊皮好脆, 但係d肉仲係好嫩滑 ,但係真係要食得快啲 ,因為放凍左塊皮會變軟。
乾扁四季豆 ,四季豆好爽口 ,加埋肉碎一起炒 好入味。 但我個人比較喜歡食辣 ,我已經叫加辣但係都唔夠。
脆炸咸豬手 ,都幾大隻下 ,皮揸炸得好脆好香口, D肉仲有小保留小小肉汁唔會太乾身。

整體嚟講 ,而家既價錢比以前真係貴好多, 可能 成本太高 ,冇辦法唔加價, 早兩年 ,金蒜香辣雞 ,先至60蚊 ,而家要100 ,但仍然非常好食 ,水準保持得到。

用餐日期: 2016-05-20
堂食等位時間: 0 分鐘
是次消費: HK$150 (晚餐)
評分 :   味道5   環境4   服務4   衛生4   抵食5

一次夠哂數OK
2016-06-02
chingmw421 (共有41篇食評)

星期五晚同三個朋友入左元朗食飯,目的係去食b仔,但始終都要食左正餐先打個底,就係b仔附近既正記食下大牌檔小炒。我地四個人入到餐廳叫左四個餸同一碟通菜,最後都食淨,所以可以講果到既小菜份量都幾多。咁餸我地就嗌左胡椒豬肚雞、魚香茄子、韭菜豬紅同椒鹽鮮魷。

胡椒豬肚雞 湯頭味道認真麻麻,無咩胡椒既辣感,係街食到既豬肚同雞件無錯大部分都係冰鮮,而因為佢地係冰鮮,豬肚同雞咬落口淡而無味亦都係我預料之內,之但係連咸菜同胡椒湯都係無咩味,可想而知個湯頭只係有顏色既水,所以我地每人食左幾啖都無理到呢碟菜喇。
魚香茄子就不過不失,呢碟菜都好難整得難食既。
韭菜豬紅都係失望既,失望既點唔係在於豬紅,係在於佢既汁,個汁杰達達,同豬紅一齊放落口,其實食落口個感覺係好唔舒服,好似好唔新鮮,比我既個感覺係個汁煲過好多次咁。加上,張圖都應該見到,有d豬紅係已經煮到焦儂左。
椒鹽鮮魷,係四碟餸裡最值得推介,因為佢大大件,無咩地方要彈,唔怕熱氣係絕對推介。
最後就略略講下環境,可能係撞岩果晚食飯,隔離台係一大班中年男人,講野超超超超大聲同係度猜妹,搞到果日我地成班fd傾計係係度嗌出黎,嗌到沙都聲埋,完全傾唔到計,因為個環境係室內 同埋樓底都低,可能咁樣都關事掛,大致上就係咁樣,不過我就應該只會去一次,因為元朗實在太多好野食,所以呢間我都係試過一次就夠喇。
晚餐每人消費左$110,大牌檔黎講都可以接受。

推介美食: 椒鹽鮮魷
用餐日期: 2016-05-27
堂食等位時間: 0 分鐘
是次消費: HK$110 (晚餐)
評分 :   味道2   環境2   服務3   衛生3   抵食3

下一頁>

桌面版   登入


Copyright © 1999 - 2016 Openrice Group Inc. 版權所有 不得轉載
全港最受歡迎飲食資訊媒體
Hong Kong's Most Popular Dining Guide,
with restaurant search, restaurants reviews, and dining coupons.

如你在使用本網上服務時需要協助 可致電OpenRice客戶服務部 電話:(852)21703280 電郵地址:CS@OpenRice.com