Openrice Logo
登記 |  登入 |  Eng

首頁 | 餐廳 | 食評 | 優惠 | 我的餐廳
地區: 澳門 | 深圳   特集: 自助餐

大中華飯店 Tai Chung Wah Restaurant
地址 : 長沙灣福榮街539號地下
前往方法:長沙灣站C2出口

地圖 : 顯示地圖
電話 : 9045 4863 (加入電話簿) | 6096 0082 (加入電話簿)
類別 : 粵菜 (廣東)大牌檔海鮮適合大夥人
消費 : $101-$150
總評分 : 3.4
食評 : 好70, OK37, 劣13


相片>> 收藏>>
其他資料

招牌菜:冰鎮墨魚、臘味煲仔飯、鐵板豬手
營業時間:星期一至日:18:00-01:00
座位數目:400
付款方式:現金
酒精飲品:
加一服務費: 沒有
電話訂座: , 分兩個時段 : 6:15(8:15前交枱) / 8:30後
室外座位:
外賣服務: 沒有

網上食家評語

第1至5篇 (共128篇食評):
下一頁>

豬手一流好
6天前
薯1片大盜 (共有15篇食評)

今日朋友帶左我黎依間大中華飯店。由於時間都算早,所以唔洗點等,侍應好快就帶左我地入去,朋友做大佬幫我地叫野食,首先係一個鐵板黑椒豬手,依味野真係正

炸炸野加埋咁大隻豬手已經吸引著我隻眼同個口,當然一定夠熱喇,加埋仲好香嫁,我對豬手既印象唔太好,通常都好肥好油膩,食少少就夠,不過依到個豬手就比到第二種感覺我,佢個肉真係好嫩,最緊要係個好惹味既黑椒,令到佢唔會太油膩,真係好夾,同埋鐵板食真係一個享受。之後就係一個炸蠔餅,依個蠔餅唔算太油膩,好脆口,D蠔肉加埋蔥花好香,唔會有怪味,再加多少少調味料,一流。最後就一個蒜香骨喇,
係頭個兩樣都好正既相比之下,蒜香骨就差少少,味道唔係差,不過無頭先個兩個咁好,不過都算好滑,有D肉汁,不過依到野食既份量真係好多,好滿足。

推介美食: 好味豬手
堂食等位時間: 0 分鐘
是次消費: HK$100
評分 :   味道5   環境3   服務4   衛生4   抵食4

食品味道平平無奇, 服務態度極差 劣
2014-04-13
samuelssm (共有2篇食評)

己聽聞大中華名字很久, 也在電視見到訪問老闆出身不是大厨, 而是自學自創, 本來對老闆的堅毅也感佩服, 一直未有去機會去諗, 終於這星期約了朋友一試, 本來以為有點祈望, 是否很好味呢?shocked

星期五晚人特別多, 還好朋友一早訂位, 但仍需等十來二十分鐘, 本來沒所謂, 諗住食到好東西等一等也值得, 怎知花錢還一肚子氣. 極度失望.huffy

當晚點了, 鐵板豬手, 味道一般, 黑椒很多, 喜歡辣的朋友會覺得好, 我也喜歡辣, 但覺得味道一般, 我在別的店吃過比大中華好好多, 可能名氣大, 讓人更加失望.sad

風鱔- 炸粉太厚, 口感不好, 正常應該是很鬆化的才算好, 但大中華用粉太厚, 口感硬

工夫雞- 造型得意, 但味道一般, 雞肉不夠嫩, 皮又不趣.

豉椒聖子 - 比較辣, 變了吃不到聖子的鮮味, 但整體味道還不錯, 可是份量少. 我們四個人都只是一人一口, 大約有七件左右.

雜菜煲 - 正常, 份量算充足.

黃鱔炒飯 - 味道OK, 沙鍋上, 熱氣騰騰.

踪合來說味道平平不是特別好味, 坐的是大排檔格局, 但不明這麼多人排隊吃, 應該是明星效應, 以為明星去吃的就一定好好味, 但我是說事實, 好就好,不好就不好, 給大家實話, 不要給誤導以為非常好味.

最至命的是服務態度極差, 我明白, 客人太多招不了, 這樣我但會理解, 也會有耐性去等, 入座後點菜, 上菜快, 值得欣賞, 但上齊菜就不停來收碟, 也明白讓客心快點吃完, 快點交枱. 但請大家注意, 入座前說明兩小時要交枱, 我們一個小時己吃完, 我們是喝酒的, 一邊喝, 一邊吃, 菜差不多吃完才一小時, 但酒沒有喝完, 去大排檔就是飲下啤酒, 坐兩三個小時很平常, 一小時己把碟完, 跟著來哄我們先埋單, 我們也沒所謂先付錢, 但己說仍味喝完酒, 付錢一刻仍說無問題, 但付過錢, 十五分鐘後, 應該是老闆的家族人員(女士) 特然來大怒氣沖沖的說, 你們己埋單坐了很久, 我的客人也在等你的枱很久了, 我們只說明, 仍有幾支啤酒沒喝完, 很快, 多等十來分鐘可否. 而且我們仍未夠兩小時.大約只坐了一個半小時.  那位女員工極不禮貌的說 "" 未喝完, 給你酒杯出來門口企着喝, 我要給枱下一枱客人"" huffyhuffyhuffy  這是極不要得的態度. 明白想多做生意, 但也得講規矩, 又是大中華自己定兩小時交枱, 未夠鐘要迫客人走?? 就算要交枱, 也得禮貌點, 叫客人站出門口喝, 是否這樣做服務行業.  真的發財不立品, 再好吃也不會再去, 何況味道平平, 絕不值得推介給客人.  讓大中華不要太忙, 員工就不要這樣燥囉, 就讓大家幫幫大中華讓他們冷靜一下.sadsadsad

題外話/補充資料:
服務態度極差. 趕客走, 說好兩小時交枱但未夠鐘就趕客走.

推介美食: 黃鱔炒飯.
用餐日期: 2014-04-11
堂食等位時間: 20 分鐘
是次消費: HK$200 (晚餐)
評分 :   味道3   環境2   服務1   衛生1   抵食2

抵食,適合聚會既飯店好
2014-04-01
fatlok (共有14篇食評)

大中華依個名,無論係飲食節目,定係朋友介紹都聽過好多次。
今次與同事聚會終於有機會試。
食飯有分時段1815-2015,2015-2215
同一般食小菜既飯店一樣,環境一般,但座位夠,亦都唔迫。
飲品同甜品都要例外買,但其實亦都屬於佢地既,比較得意。
食物好快就到,可能唔算太滿既關係,過左時間只係叫我地埋單,無趕我地走,依個抵讚。
價錢亦都好合理,絕對可以encore

推介美食: 鐵板黑椒豬手,撈起,南乳吊燒鱔,乳豬,蠔餅,黃金鮮魷,墨魚餅,吊燒雞
用餐日期: 2014-03-31
是次消費: HK$190 (晚餐)
評分 :   味道5   環境3   服務4   衛生3   抵食4

果然無介紹錯好
2014-03-27
過路貓 (共有60篇食評)

成班朋友約左星期日去長沙灣打war game, 女神搞手提議玩完去就近既“大中華飯店”食晚飯…Wow mad …好多明星 shocked 成日去既”大中華”喎, 出名好食, 個個都say yes la…醒目女神一早book定位, 我地唔使等, 即刻有位!!!

”大中華”係一間類似大排檔既飯店, 就係甘d小菜先夠鑊氣 tongue 吖麻! 我地一行十五人, 坐張大圓枱, 個個又攰又餓, 差唔多樣樣都點來食呢…

1. 鐵板黑椒豬手 mad : 店內最出名既招牌菜, 點少得佢! 熱辣辣, 切開個大豬手, 肉質微紅嫩, 咬落超嫩滑, d豬皮滑溜溜, 簡直可以話入口即化, ichiban!!!
2. 臘味煲仔飯 mad : 香噴噴, 有好多葸花、芫茜、花生、臘腸粒等等, 煲底仲有飯焦添, 相當有口感, 正一色香味俱全! 但食唔慣濃味既朋友會覺得鹹左d囉…

3. 冰鎮花竹蝦 mad : 成隻碗甘大, 超大隻呀! 肉質又爽又彈, 蝦頭仲有蝦膏呢, 其實唔使點washibi, 已經夠鮮甜!

4. 炸大腸 mad : 炸得好似乳豬皮甘卜卜脆, 腸肉軟嫩! 今餐食唔到招牌菜燒乳豬(因為要預訂), 食呢款補番哂數lu。
5. 煎鹹魚肉餅 lol : 蒸既就食得多勒, 煎既就第一次食, 唔會過鹹, 煎得有鹹香兼且薄脆, 感覺似食煎芋頭餅呢!
6. 琵琶豆腐 sad : 外皮一d都唔脆, 內裡既豆腐就夠滑, 餡料少到feel唔到係咩餡, 呢碟似紅燒豆腐多d囉。
7. 椒鹽鮮魷 smile : 食得出係用鹹蛋去炸, 炸得酥脆, 內裡既鮮魷仲係軟熟新鮮架。
8. 煎蠔餅 sad : 炸粉厚, 蠔仔少。

9. 薑葸炒蠔 lol : d蠔肥美鮮甜, 乾淨無腥味。

10. 魚香茄子煲 lol : 茄子軟焾入味, 雖然油膩d, 但非常惹味, 下飯一流!

11. 雜菜煲 smile : 清清地, 味道唔錯。

12. 煎墨魚餅 lol : 好香脆兼爽口彈牙。

13. 西蘭花炒牛肉 lol : 西蘭花爽口, 牛肉剛熟, 嫩滑味濃。

14. 咕嚕肉 lol : 酸酸甜甜啖啖肉。
15. 椒鹽骨 lol : 骨脆肉香。
仲有叫左其他炒菜, 碟碟炒得透, 鑊氣足, 味道夠, 難怪晚晚爆場 tongue 喇!美中不足既係要去外面士多買飲品囉…

推介美食: 鐵板黑椒豬手,腊味煲仔飯,冰鎮花竹蝦,炸大腸
用餐日期: 2014-03-23
堂食等位時間: 0 分鐘
是次消費: HK$160 (晚餐)
評分 :   味道4   環境3   服務3   衛生3   抵食4

團團轉菊花園的餐廳OK
2014-03-15
blink blink (共有15篇食評)

久聽餐廳大名剛好有空,前往一試。從後門入一路被指引到前門取位,時間是晚上七時,我們三人八時半可交位所以可以立即入座。又繞了一個大圈才進入另一舖位點菜。

每枱都點了豬手,真是招牌菜,醬汁惹味,肉厚,軟滑。
海味雜菜煲,大大煲,材料豐富,有三四種菜,不錯。
葱花黃鱔,是葱的愛好者必選之物,只是黃鱔畧嫌伴頭細一些,伴以花生,相得益彰。
相拼太乾,骨頭已細粒,全無肉味,大腸外乾內軟,還可接受。

啤酒要自備,可點甜品。

題外話/補充資料:
其實賣飲料、酒水及甜品的舖全是大中華擁有。整個建築物的地鋪都是大中華,但厨房乾淨企理,看不到清洗食物或任何不潔的地方。在這裡用餐快捷、省時又放心。

推介美食: 鐵板黑椒豬手,葱花黃鱔
用餐日期: 2014-03-13
堂食等位時間: 0 分鐘
是次消費: HK$125
評分 :   味道3   環境4   服務4   衛生3   抵食4

下一頁>

桌面版   登入


Copyright © 1999 - 2014 Openrice Group Inc. 版權所有 不得轉載
全港最受歡迎飲食資訊媒體
Hong Kong's Most Popular Dining Guide,
with restaurant search, restaurants reviews, and dining coupons.

如你在使用本網上服務時需要協助 可致電OpenRice客戶服務部 電話:(852)21703280 電郵地址:CS@OpenRice.com