Openrice Logo
登記 |  登入 |  Eng

首頁 | 餐廳 | 食評 | 優惠 | 我的餐廳
地區: 澳門 | 深圳   特集: 自助餐

妹記大排檔 Mui Kee Cookfood Stall (已結業)
地址 : 尖沙咀金巴利道45-47號金巴利廣場地下
地圖 : 顯示地圖
電話 : 2721 2123
類別 : 港式 | 大牌檔 | 適合大夥人
消費 : $51-$100
總評分 : 3.1
食評 : 好95, OK75, 劣51


相片>> 收藏>>
其他資料

招牌菜:鬼馬油炸鬼
營業時間:星期一至日: 08:00-01:00
座位數目:250
付款方式:現金
酒精飲品:
電話訂座:

網上食家評語

第1至5篇 (共234篇食評):
下一頁>

有小小hea左啲劣
2016-04-17
Xavier.M (共有16篇食評)

早食飯唔洗等位,餐廳都未滿.

就係因為咁我就更加覺得唔可以接受.

4個人叫左5樣野
焗魚腸,蠔餅,鐵鍋雞,飛天通菜&鴛鴦蒸烏頭.

叫左十分鐘就上左4樣野,一開始都覺得幾好喎幾快,應該係因為未多人啦.
聞落好香,第一啖幾好,但係再食覺得好似好油咁,
食到底啲油多到呢,未計食左嗰啲呢.
香味有嘅,但係煮到過火左,老老地.
純粹懷舊,你可以話係食佢原味,都可以話佢冇味.

個面嘅質感應該幾特別,有小小似腐竹咁,但係好可惜試唔到真身,因為冧曬,好似薄紙皮咁.
呢個蠔餅呢,蠔唔多,明嘅就當cost貴,咁但係點解個面都冧曬?唔係即炸嘅咩?

忽然明白點解咁快上菜,應該係整定曬加熱等出菜啦.

過左3-4個字條魚到喇

鴛鴦蒸烏頭,一邊豆豉,一邊梅子
兩邊都落左好多糖,好甜,一啖咬落去...

霉嘅😅

應該唔會有下次喇

用餐日期: 2016-04-16
堂食等位時間: 0 分鐘
是次消費: HK$100 (晚餐)
評分 :   味道1   環境3   服務2   衛生3   抵食2

尖沙咀裏的大排檔OK
2016-04-04
tempbond (共有55篇食評)

今日一行5人到尖沙咀食晚餐,友人提議到妹記大排檔。來到這裏果然很大,可以大顆兒在這裏飯局都無問題。
看到餐牌,有很多款式的小菜,也有些特式小菜。我們點了煎蠔餅,蜜桃糖醋豬面燈,鹹魚茸通菜煲,口水雞
口水雞,份量有啲少,辣椒油浸住,但食落不覺好辣,雞很嫩滑
煎蠔餅顏色有點黑,有點油,沒有咬口,因蠔的份量不夠。
這個鹹魚茸通菜煲很辣,食了一條就沒吃了。但若喜歡辣的朋友就很惹味。
蜜桃糖醋豬面燈覺得和豬面青無什麼特別。酸酸甜甜,好開胃。

題外話/補充資料:
叫侍應幫我們影合照,都很樂意及用心影,抵讚.

推介美食: 鹹魚茸通菜煲
堂食等位時間: 0 分鐘
是次消費: HK$80 (晚餐)
評分 :   味道3   環境3   服務3   衛生3   抵食3

妹仔大排檔劣
2016-04-01
poprice (共有31篇食評)

今天跟同事在尖沙咀的分店吃晚飯,共有十三人,之前因聽聞這間舖頭的食物是不錯,而且在尖沙咀這樣黃金地段開得應該很有水準的,所以我們也懷著期待及興奮的心情入店。

我們約了六點三十分,因我們在附近放工已可在6:15分左右到,但一到門口登記處已見到牌寫名人數齊人後方可入店,我們很擔心,因為只有我跟一位同事到,正疑慮我們應否去登記時,門口的小姐已告訴我們:你們的朋友已經到了~ 我們便入了去,發現另外有兩位同事已到,即不用齊人便可入去 ^^

而到了後我們立刻點餸,都有點10多樣餸,點完後簡直令我們嘆為觀止, 因為大約十五到廿分鐘已有一整枱的食物,全部都是熱騰騰的,我們正想著食物的質素會否一樣令我們滿意,怎料。。。

白菜仔(蒜茸炒)- 跟普通的餐店抄出來的差不多,多了些油,但夠煱氣

魚蝦蟹春卷- 吃不到濃烈的海鮮味,只是因新鮮炸出來的口感不俗,但不感覺到自己在吃海鮮,跟在普通飲早茶的春卷感覺大致相同

鬼馬油炸鬼- 聽聞是這間店出名的餸菜之一,可惜口感及味道仍是沒有太特別

咸魚通菜煲- 太咸了,大家吃完後亦忍不住要喝多些水,及要跟飯一起吃才可

金銀蒜粉絲蒸勝瓜- 這是我們比較滿意的餸菜,勝瓜很清甜,味道不俗,不太油膩

南乳香酥骨- 我們亦有點生抄骨的,味道根本一樣,沒有什麼特別

紅燒乳鴿皇- 原本很大期望的,怎料都是那句:沒有什麼味道,感覺道道菜的味道也差不多,沒什麼特別

香麻小雞雞- 味道都ok 的

脆皮豬手-比較好吃的,皮真的很脆,而肉味也很好

唯一印象深刻的,是店內的工作人員非常醒目,而且很幫得手,亦動作快,靚,正及有禮貌。。。所以即使食物質素麻麻,但都明白為何這麼多人幫襯

推介美食: 脆皮豬手,, 金銀蒜粉絲蒸勝瓜,
用餐日期: 2016-03-31
堂食等位時間: 0 分鐘
是次消費: HK$80 (晚餐)
評分 :   味道1   環境3   服務4   衛生3   抵食2

舒服版大排檔OK
2016-03-29
eatingneverstops (共有32篇食評)

一班人食飯,要嘈得,傾計唔使就住就住,就應該食大排檔。 但一班女,未必個個肯去好「地 」o既大排檔,呢度算係環境舒適版。
南北杏菜乾燉豬肺湯 $138
幾清甜,不過唔係好夠火候,但size算大,都有10碗湯。
黃金蝦 $78
ok 香,咸蛋黃味道唔太濃,唔會太搶,可惜太多油。
鹹魚茸飛天通菜 $58
好味,但都係太多油...
海棠豆腐 $58
第一眼望以為係蒸水蛋,原來係玉子豆腐! 第一次咁食玉子豆腐,幾得意。味道唔錯。
原隻脆皮豬手 $178
呢個堅好味! 係呢度招牌菜之一! 送啤酒一流!啲皮真係好脆,點甜酸醬,又唔太膩,好好o既佐酒小菜。 不過份量都幾大,要幾個人 share 至得。
沙拉骨 $65
醬太多但唔特別好味。可以唔試。
魚香茄子煲 $58
好味,竟然唔算多油,送飯好好味!
豉椒炒蜆 $78
普通。 鑊氣唔係好夠。
香麻小雞雞 $58
必食推介!正!望個樣以為好似口水雞會好辣,但原來唔辣! 啲乾辣椒係香,加上麻油,就更加香! 又一個送酒食一流o既嘢食! 差啲想叫多一碟!
哈爾濱啤酒 $18@ x2
呢度都係用戰鬥碗飲啤酒,梗係要影相呃 like 啦!

白飯 $9@ x2

總結:食物ok,埋單每人百幾蚊,尖沙咀呢區,算計抵食!一班人想熱鬧又坐得舒服,可以試試。

推介美食: 香麻小雞雞,原隻脆皮豬手,魚香茄子煲
用餐日期: 2016-03-20
堂食等位時間: 0 分鐘
是次消費: HK$150 (晚餐)
評分 :   味道4   環境4   服務3   衛生3   抵食4

妹記好
2016-03-28
jasminemakbaby (共有44篇食評)

今日同同事一齊走左去妹記試佢出名既脆炸豬手,果然不負眾望,不但炸到鬆軟香脆金香,仲有一陣陣鮮豬肉香。此外,我地仲叫了豉椒炒聖子,除了有一青椒和豆豉味外,聖子那種鮮味都吸引我地即場叫多一碟。最後,我地還叫了椒鹽鮮尢,魷魚不但爽脆,還有香甜的海鮮味,不愧係必叫之選。總括來說,妹記價錢同份量在尖沙咀都算合理。

用餐日期: 2016-02-12
堂食等位時間: 20 分鐘
是次消費: HK$90 (晚餐)
評分 :   味道4   環境4   服務4   衛生3   抵食5

下一頁>

桌面版   登入


Copyright © 1999 - 2016 Openrice Group Inc. 版權所有 不得轉載
全港最受歡迎飲食資訊媒體
Hong Kong's Most Popular Dining Guide,
with restaurant search, restaurants reviews, and dining coupons.

如你在使用本網上服務時需要協助 可致電OpenRice客戶服務部 電話:(852)21703280 電郵地址:CS@OpenRice.com