Openrice Logo
登記 |  登入 |  Eng

首頁 | 餐廳 | 食評 | 優惠 | 我的餐廳
地區: 澳門 | 深圳   特集: 自助餐

妹記大排檔 Mui Kee Cookfood Stall
地址 : 尖沙咀金巴利道45-47號金巴利廣場地下
地圖 : 顯示地圖
電話 : 2721 2123 (加入電話簿)
類別 : 港式大牌檔適合大夥人
消費 : $41-$100
總評分 : 3.1
食評 : 好79, OK55, 劣44


相片>> 收藏>>
其他資料

招牌菜:鬼馬油炸鬼
營業時間:星期一至日: 08:00-01:00
座位數目:250
付款方式:現金
酒精飲品:
電話訂座:

網上食家評語

第1至5篇 (共190篇食評):
下一頁>

人氣大排檔好
6天前
Kabii (共有51篇食評)

昔日的妹記,位處市政大樓地庫,感覺地踎。如今「升呢」位處商場地庫,一改以往爛躂躂的形象。
店內環境較以前乾淨企理,張貼了不同街市的場景,令室內佈置更見心思!


chopstick 紅燒乳鴿皇(2隻):
剛炸起的入口燙嘴,外皮鬆脆肉嫩,鹵水汁入味!
chopstick 鋼窩鷄:
熱騰騰的惹味小炒,配料包括木耳、冬菇、芫茜等,鑊氣很夠,鷄肉嫩滑入味,一點鞋口感覺也沒有!
chopstick 豉椒炒蟶子:
豉椒炒什麼款式的菜肴都十分惹味,這碟蟶子也不例外。
蟶子肥大肉厚,沒有炒得過火而韌!
chopstick 蒜蓉炒白菜仔:
白菜仔用簡單的方法蒜蓉炒,已很夠味!
chopstick 蠔仔煎餅:
吃蠔餅一向最怕多油,但妹記的蠔餅煎得較乾身,入口不油膩,口感酥脆!
chopstick 椒絲腐乳炒通菜:
經典的大排檔菜式,腐乳亦增加了通菜的口感,典型的家常菜,但略嫌菜身炒得不夠乾身!
chopstick 豉油銀芽炒麵:
每條麵條上色均勻,炒得乾身,碟底亦沒有過多油份,入口不會嗆喉,配以銀芽去炒,不錯!
chopstick南乳香酥骨:
肉質炸得脆身爽口,帶南乳香,乃不錯的佐酒小吃!
chopstick黃金蝦球:
師傅把蝦殼去掉,金黃色的蝦球,用咸蛋黃包著蝦肉去炸,但炸漿太厚略鹹,敗筆之作!
chopstick鬼馬油炸鬼:
本店推介之作,亦是本人覺得失望之作。
油炸鬼釀入魚肉去炸,但炸漿太厚,入口滿口脆漿,而魚肉相對較小,這並不是我杯茶!sad
妹記大排檔內,雖不是什麼矜貴的菜式,但勝在食材新鮮!
我喜愛大排檔的鑊氣小炒,更喜愛大排檔內不拘小折的人情味。

推介美食: 鋼窩鷄,,豉椒炒蟶子
堂食等位時間: 0 分鐘
評分 :   味道4   環境4   服務4   衛生4   抵食4

第一次黎食, 也是最後一次!~劣
2014-03-17
ccw41817 (共有17篇食評)

第一次帶朋友黎食. 自己都係第一次

只因有其他朋友介紹~

入到去, 好多人..好多大陸人....估唔到連大陸人都入侵埋呢度~

去到巳經8點幾, 有位~ 唔駛等~

一坐底就有位阿叔過黎招呼我地~

其實只係不停地問我地黎過未..駛唔駛介紹

明明我地自己想睇...又要唔走開..勁問..

我地問一問黃金蝦..佢就即刻話得番一客..係就留俾我地...

俾佢大到, 即叫.

唔駛5分鐘, 黃金蝦就黎到~ 不過係凍食..相信係做左, 人地唔要就俾我地囉....

雖然係大大食, 但凍左真係唔好食~

我地又叫左個蠔仔粥, 不過佢似係湯飯多D ~ d 蠔仔好大粒...自問覺得大粒過頭~

再叫左個雜菜粉絲煲. 太咸喇....

整體黎講, 都係唔太推介~

用餐日期: 2014-02-26
堂食等位時間: 0 分鐘
評分 :   味道2   環境2   服務1   衛生2   抵食2

高檔大排檔好
2014-02-11
Mr.Junz (共有19篇食評)

一行二人 晚上8時半在此用餐
店門口有好幾班人等位中 約15分中後便入座
店內非常爆滿  而且連強人都得知幫襯 shocked
蠔餅$68chopstick:
遠遠比廟街 足料 整潔 ! ! !
直徑大約有30cm 鬆脆 冇多餘厚粉口感
本人覺我此蠔餅 真的冇得輸 !
黃金蝦:
蝦雖則小 但蛋黃味夠 助酒必選
支竹火腩煲:
此煲比較重口味 雖配白飯
火腩多 但肥膏肉位不太均衡 小食小食!

題外話/補充資料:
羊腩煲 不值一試 加價不是問題 as long as 你不會退步 變質

可惜 . . .

推介美食: 炸蠔餅$68,支竹火腩煲,黃金蝦 $88
用餐日期: 2014-01-12
堂食等位時間: 15 分鐘
是次消費: HK$130 (晚餐)
評分 :   味道4   環境4   服務3   衛生3   抵食3

亞妹, 你好野!!好
2013-11-15
La Singers (共有530篇食評)

一連個多星期的年度大忙日正式開幕, 紛亂的消息大幅湧至, 這陣子的衝擊, 新點子特別多。不過每日都從精神到肉體完整的累透了。走到這裡, 已是第三場了, 沒有什麽想思考, 只是與熟人坐下飲杯啤酒。
從船上下來到尖沙咀, 在岸朋友問到哪吃, 二話不說, 想到大牌檔。尖沙咀要找大排檔, 就來這裡。一到埗, 想也不用想, 先要啤一啤。
在等朋友到來之際, 點一個椒鹽墨魚咀。椒鹽金蒜多而香, 辣椒不多, 但味道依然惹味。墨魚咀初咬比較實一點, 但稍一用力, 口中回彈力強, 可是慢慢鬆開。外層的脆口, 內裡的彈口, 不用想太多, 可口吃過就可以了!!
西蘭花鮮魷, 又是一個魷魚菜式。西蘭花粗而略硬, 需花咀嚼功夫, 但味道爽而有鮮味。鮮魷薄而脆爽, 入口有滑溜感覺。不過講到脆口與口感, 還是差了一層。
梅子蒸排骨, 口感味道惹味, 排骨經醃過, 肉質有點淋。可是排骨味道入味, 只是覺得有點鹹而已。
這裡的另一個招牌菜, 梅菜蒸菜芯。梅菜帶甜, 咬下有嚼勁爽口, 味道亦覺惹味。菜芯爽口, 特別菜軟部分, 水份亦足, 口中有彈爽鮮感覺。可是, 菜芯與梅菜兩件固體, 夾起菜芯, 梅菜又跌落, 難兩者同入口, 影響整體感覺。
最後還是來一個豉油皇炒麵作個結。這一輪常常聽人說吃炒麵, 煎蘿蔔糕要有余均益, 甚至自己帶一支, 感覺有點極端。當然, 我絕對同意加上余均益, 令炒麵好吃點, 不過都要炒麵質素好才可。這個炒麵, 乾身, 有彈性, 不嗆喉而又不膩。用油份量恰當, 多點芝麻令香口感覺更好。

老實說, 餐廳搬了去新鋪, 風味比以前已差了點, 不過見炒麵鑊氣依然, 感覺還很好。只是覺得有些菜式表現只很一般, 不過整體的我還只不過想放鬆一下而已, 這裡, 無拘無束!

推介美食: 豉油皇炒麵
用餐日期: 2013-11-06
堂食等位時間: 0 分鐘
是次消費: HK$150 (晚餐)
評分 :   味道4   環境3   服務3   衛生3   抵食3

今年第一餐大閘蟹好
2013-11-02
樹熊神 (共有143篇食評)

每年大閘蟹季節,—班老友都相約一嚐美食,始終都揀這店代蒸,原因是老闆娘幫到手,夠老友。
自來大閘蟹十八隻
,有公有乸,今年的蟹比去年細,但食蟹有心得的朋友卻讚今年的蟹味比去年好,而我個人除了黃油蟹外,基本上對原隻蒸出自行拆食的蟹都不太大興趣,但良朋聚會,主要的不單是食品,而是那份友情和感覺,大家食得開開心心,何況這裏還有其他美食。
蟹遲來了一點,老闆娘立即安排清洗代蒸,半小時後就上檯有得食,而同時先上預定的白肺湯,
原盅燉起的白汁豬肺湯,香噴噴,連鄰桌的食客也來參觀了解,單看湯渣已知足料,
入口清甜美味,湯夠火喉。
飲完湯,食完蟹,其他菜才一一送上;脆皮炸豬手,
送酒一流,皮脆肉淋,看上去好像有點肥,但點了酸甜醬入口完全不覺膩。相對來說,另—款送酒的鬼馬油炸鬼就嫌釀入的蝦膠太多,脆口有不足。
另一款的必食的就是羊腩㷛,
羊腩次次來食都是這麼淋,夠羊味,當中的冬筍、支竹吸收了㷛內的羊味湯汁,入口香濃更是好味,這㷛還跟了西洋菜,食到後段將西洋菜加入㷛內淥,菜嫩甜之餘又吸收了羊腩的半點羶香味,頓時變成另—風味美食。
今晚還有白灼花螺,炒蜆和炒蟶子等有殼海鮮,都處理得很好,絕對無沙,白灼花螺揀得大小夠適中,太細肉不足,太大肉會又硬又韌,今晚的螺肉足又爽脆;豉椒炒蟶子鑊氣十足,
蟶子也夠大隻,味道鮮甜,口感夠爽;豉汁炒蜆,
也非常惹味,但就略嫌偏咸了一點。
全晚最令我感到驚喜的是一味海鮮燴蛋白,
上檯尤如一碟粉麵,實際上則有點像賽螃蟹,下面全是炒蛋白,在蛋白面燴上帶子、蝦球、魚肉和蟹柳等海鮮,賣相吸引,入口蛋白夠滑,爽雜海鮮的清甜味道,確是一道既健康又美味的佳餚。
最後還有臘味糯米飯,是預先致電預訂的,廚房做得相當不錯,臘味與飯的比例適中,飯做得黏綿而不糊,有咬口得來又夠淋韌,調味也不會太咸,濃淡恰到好處,作為全晚的單尾,簡直是天衣無縫。

推介美食: 白肺湯,羊腩㷛,脆皮炸豬手,海鮮燴蛋白
用餐日期: 2013-10-29
堂食等位時間: 0 分鐘
是次消費: HK$200 (晚餐)
評分 :   味道4   環境2   服務3   衛生3   抵食4

下一頁>

桌面版   登入


Copyright © 1999 - 2014 Openrice Group Inc. 版權所有 不得轉載
全港最受歡迎飲食資訊媒體
Hong Kong's Most Popular Dining Guide,
with restaurant search, restaurants reviews, and dining coupons.

如你在使用本網上服務時需要協助 可致電OpenRice客戶服務部 電話:(852)21703280 電郵地址:CS@OpenRice.com