7 漢堡

營業中

休息中

在大三巴遊玩見到這間餐廳，見裝修比較有特色又方便，就上去了。餐廳內部的裝修也有特色，但假日晚餐時段一入餐廳見到只有一兩檯客人，很擔心會伏。沙爹牛撈麵撈麵沒有問題，但牛肉很韌，很難咬斷的程度，最後都是食不下。葡國雞飯葡汁正常，雞肉不但不入味而且有雪味。葡國腸炒飯感覺炒飯一定不會伏啦，怎知米飯濕軟而且炒得不均勻導致有些很淡有些很鹹。咖喱牛腩飯牛腩也是很韌，不是用咬的而是需要撕扯才能食到。總結不太建議大家來食，味道不太好又不便宜。

澳門事件簿(2)👨‍🍳黎到澳門的第二站就係去食大三巴的豬扒包，原本以為澳門的食物應該唔會太貴，但係上到去依間餐廳嚇親我同朋友😱一個豬扒包要成50蚊，仲要有收加一於是我地只係叫左一個豬扒包，雖然價錢方面真係貴，但係食落個菠蘿包皮同蛋都好夾，個蛋食落好滑，而個豬扒包好多汁同好juicy，係令本尊佩服的🙇🏻唯一美中不足的地方係依間餐廳事前無餐牌俾我地睇，唔知道價錢係點，而價錢都唔係太合理，希望餐廳之後會考慮平D啦😢

餐廳環境：3/5 （有烏蠅）員工態度：4/5食物質素：3/5 （墨西哥肉醬意粉有驚喜，薯條極度無誠意）食品價格：2/5 （無午餐及下午茶餐供應）其他：1. 無食用水供應，需要額外俾錢買；2. 單點飲品價格不合理，貴過Starbucks；3. 餐廳樓下所派的單張沒有價錢提供；4. 廁所得一格，男女共用，衛生情況尚可；4. 可用信用卡付款。P.S. 第一次寫食評，多多指教。

本身係澳門人 但今日先第一次去食7 burger 兩個人叫左3個菜：墨汁意粉、紅酒逼牛尾、葡國雞味道好食 份量又足 個牛尾真係值得推薦 好好味好香紅酒味 但真係太貴啦 所以試過就算

今日一收工就俾個女同事捉我去HI TEA即刻仆倒咁去,當然我無表現出黎咁失禮喇,哈...點知俾佢捉左我上大三巴,如果吾係呢位女同事又嗲又氹我,我先吾會逼上去。'去到餐廳樓下見到星巴巴咖啡,吾係啊話!氹左我成日就係帶我去星巴巴?!'好...我係一位有風度既男士,吾可以表現不滿既,正當我想行入去既時候女同事細細聲話:"吾係呢度啊,樓上啊..."'樓上.....?'行過一條燈光柔和既樓梯,植物的佈置形成一種浪漫既氣壓,"到底要帶我去一間點樣既餐呢,作為宅男既我從來都未遇過呢種感覺..."我邊行邊疑惑。'終於都黎到喇,係一間歐洲風格既餐廳,真係睇吾出呢度會有一個咁有異國風情既地方,一坐低眼睛就開始忙著欣賞呢度每一個既角落。'"吾該兩份朱古力忌廉吐司同埋兩杯熱吸筆千盧啊。"直到女同事叫野食我先醒過來。'之後我地邊傾計邊享受呢個休閒既下午。'真係希望每一日都可以同我心目中既女神去佢最喜愛既餐廳

今日行過大三巴果頭又多人又熱，行行下見到個黑版寫住樓上2樓有餐廳，即時上去試下hea返陣，雖然要行兩層，但一入到去見到環境唔錯應該都無中蕉。之後叫左杯牙買加特飲同意粉，先講下杯飲品，一黎到見到都有D 夏天feel,有四五層顏色，味道好似雜果賓治咁唔錯，之後個意粉其實係我問佢地老細先有架，因為個menu得青口意粉，之後我問佢可唔可以加多件龍利柳，佢話試下，之後出到黎就加左比我，眾叫比下意見因為新開張，我一食就覺得好正，有酒店水準，到埋單時都係100左右，Hea左成個幾鐘D野又好食