群芳 (已結業)

2月5日初六，外父生日，一行8人食自助晚餐，由於book唔到位，17:30登記候補，18:25有位，侍應生問完人數放下8盅佛跳牆! 佛跳牆唔係任食咩？上次來是任食架! 可能新年掛!坐好開動攞野食，但行左幾圈後覺得種類少過之前，但都俾左錢都要食架，攞左生蠔魚生，生蠔味道不俗只是細隻啲，有碎殼，三文魚吞拿魚都唔得，所以冇再試其他，再來攞左長腳蟹帶子青口，嘩淡到呢，冇味架，熱食…唉，點解熱食唔熱架，得過暖字!烤羊羊架冇羊味，印度烤餅長期冇補充，行左3轉都攞唔到，食品食物補充慢了很多!果日人又唔係特別多，起碼少過舊年嗰次，但質素卻差左咁多!賣單$36xx，唔值!相信不會再來啦！