更多
2012-01-07
3807 瀏覽
網友推介澳門粵菜，首推陶陶居，果然無令人失望！星期五晚市人好多，但食物嘅水準一樣咁好！因為我地下晝食得太飽，所以晚飯食得比較清淡。美食首推蝦子柚皮！平時我唔太食柚皮，唔太中意佢果陣澀味，但依度極到好軟滑，而且一啲澀味都冇，個獻汁好入味，食入口完全唔覺得係果皮類嘅野。而且佢仲有好靚嘅小棠菜伴碟, 簡單健康得黎又有誠意!! 個人覺得依度消費唔算太貴，大約$100位，而且包你食得飽。最重要嘅係，平時好多時候出去食野嘅問題係，味精食到我口乾，但食完食餐我成晚都冇成日要飲水嘅問題，讚呀！唔好嘅地方係, 個場有啲焗...可能果日天氣凍, 所以冇開冷氣掛...!
張貼
