行過見老闆一個人坐左係鋪頭 然後有個街坊講：老細係咪好攰啊？ 老闆答：啱先忙完個早市，又未都到午市 依家恰下咁囉~休息下 係佢講呢句時望到我 然後我就同老闆眼神接觸左喇 老闆問：你要咩啊？（禮物地問） 我答：兩份碗仔翅、一份燒賣同一份腸粉 老闆答：好 然後佢開始行番入廚房煮野喇 期間有另一個人客黎買腸粉 我見老闆同佢有講有笑 人客仲同老闆傾起仔女經 睇黎老闆同d熟客關係都幾好 等左一陣兩份碗仔翅就煮好 老闆仲問我係咪第一次食 我話係 佢就建議我今次第一次食 可以咩都唔加食原味 再有下次時可以話佢知想點加調味（胡椒粉、醋、麻油） 番到屋企打開黎食 個碗仔翅仲係勁熱 而且好多料 原味都好好食 腸粉就係幼身嘅 同燒賣一樣正常水準 不過真係估唔到碗仔翅係即叫即煮 好新鮮 下次可以預先經whatsapp落定order 好方便

座位不多，lunch menu有海南雞飯、喇沙、咖哩飯作選擇，價錢大約$50-$70。食了咖喱豬扒飯，等左大約10分鐘。豬扒又乾又咸，咖哩汁反而比較淡，飯粒過硬，唔啱我食。

假日瞓到12點幾 落雨絲濕唔想周圍行 係屋企附近食個飯就好 一入黎就有位 睇黎今日幾lucky 坐係corner位 聽住耳機音樂舒舒服服好自在 一條友想食好d 獎勵自己平時嘅艱辛 嗌左個羊架配意粉嘅brunch餐 是日餐湯：什菌忌廉湯 一落單個湯好快就上 夠熱 nice 之後跟餐嘅飲品都到左 熱咖啡 (落單時問熱飲包唔包latte 雖然唔包 但侍應好快offer杯熱啡跟勺奶可否 咁yes啦~） 所以勺奶係有成大半勺咁多 可以自制latte 再黎我個7成熟嘅羊架都到喇 份量好足夠食到我full晒 7成熟拿捏得啱啱好 好juicy同嫩 同埋佢d服務真係冇得彈 所有嘅員工都好有禮同勤快 真係好難得 服務㚥 食物又美味 客人俾多少少錢都心甘情願 真心希望香港其他d食肆都可以咁樣 咁樣香港人又點會北上消費啊 無論點都好 有得捒 邊會唔支持本地消費先 香港人愛香港架嘛~ 自己個家喎

見之前有篇小報道介紹呢間快餐 原來離屋企唔遠 今日終於一試 見人地嗌左個湯米好吸引 我又黎 揀左個鮮牛餐肉米粉+熱奶茶 奶茶好快到 勁熱 佢色水比較淡 應該奶嘅比類較多 我加左少少砂糖去攪拌 少甜 奶味重d 茶膽唔澀 飲落好順喉 然後米粉都到喇 又係即煮所以熱辣辣 餐肉兩大片 圍邊煎到脆口 食落好正 鮮牛肉都好多片 冇落多餘嘅生粉去醃過 調味好天然 又鮮又嫩 忍唔住一啖接一啖咁食晒佢 不過天氣熱就唔太見議黎喇 因為真係會好熱🥵 室外位置係隔離巷仔 吸煙人仕可選 仲有我見d人將車泊係附近 鐘意可以一邊食一邊睇住自己部車 p.s.埋單$50

上網睇視頻見泰國人都鐘意食抛打豬肉飯，搞到我都心思思想試下 係呢度個menu睇左一陣，都只係見呎呢個辣炒豬肉煎蛋飯同抛打豬肉飯最接近，就叫左呢個外賣，加多盒酸辣鳳爪，再加杯龍眼水拎出走。 睇樣真係平平無奇，不過食落野味得黎都幾香，係辣嘅，會食到停唔到口果隻入面少少嘅酸豆角有提鮮嘅作用，撈均雞油飯一齊入口，味道出奇咁夾我見佢鋪頭張相係配白飯，不過我呢份係雞油飯有冇人知道邊種飯先係正宗啊！？ 相比起個飯，鳳爪顯得平淡左d , 正常水準 食辣野緊係要龍眼冰(龍眼水), 食飯餐飯加$6丈有kku，夠清甜冰凍肉質

自從佢搬左鋪係第一次黎食。星期日嘅lunch都冇咩人我一個人包場。 點左碗醉雞翼米粉(細)$46 +花旗參蜜$12， 雖然佢話係細碗，不過對我黎講已經好足夠成個碗都係新竹米粉，再加少少高湯浸住，米粉好爽口，熱辣辣食落去夠暖胃。 雞翼浸係湯度，所以變左暖暖地，但我個人比較鍾意食凍嘅醉雞翼多d，下次要記得叫佢分開上酒味夠重手，好食 (細份對我黎講都多，食唔哂🤣🤣🤣)

食飽飯行過，見佢d甜品平平地，就買左個椰汁西米糕試下 糕件都幾大件，椰汁香濃底部除左有西米仲有d粟米粒，少少芋頭粒同馬蹄粒(爽爽地又清甜，應該係），少少甜，我覺得好好食喎原來我係第一次食呢隻甜品可以再期待下佢其他嘅產品，我會再黎 p.s. 掛住食，食晒先記得影相🤣🤣

一直經過都見有好多人排隊，今日終於有時間黎試下。平日下午茶時段唔算多人，一人即時入座。 叫左個下午茶嘅意粉餐$54，跟美式熱咖啡。 杯咖啡好快就有，果層厚厚嘅咖啡油尤似泡沫，好吸引。入口温度微燙口，微甘苦不酸 is my cup of tea 意粉都好快到，雞胸有5件，大大件 意粉唔算al dente, 連埋酸酸地嘅汁醬入口，夠開胃。反而冇期望嘅雞胸真係好有驚喜係超級嫩口同juice架～好正 令我諗起之前食果間拉麵嘅慢煮雞胸更為出色！雞胸厚身但烤得一d都唔鞋口，我最後係食晒d雞胸先慢慢食個意粉架 真係好驚艷 成間cafe俾人感覺好舒適，所有員工都著晒制度，外觀整齊乾淨，做事又勤快有禮。我見佢地做野係好有合作性，一人執好枱，另一人即時抹枱，再另外一人即時擺好位，唔駛一分鐘就番好枱，超有效率 比好多cafe做得更出色。 我一路食就一路分享俾friend知呢間cafe有幾得😂😂😂 仲諗住黎緊生日過黎試埋其他野 真心想講，食到一間滿意嘅餐廳真係好開心好想叫埋其他人一齊食

一直對腸粉有種迷戀，所以行到街口見佢個廣告牌，二話不說入左黎。 鋪頭細細，都有幾張枱仔，不過如果坐滿人應該會好逼。 叫左個粟米瘦肉腸粉加菜脯，送豆漿 一杯。 細細碟，粟米就落得幾多，瘦肉係有嘅，但食落冇咩存在感 一啖食落去口其實主要得菜脯嘅味道，其他材料冇咩feel ，豉油主要係咸口嘅，腸粉拉得薄少少黏，但冇咩米香 杯熱豆漿其實一d都唔熱，暖都唔到😂我欣賞佢會放d白糖係枱面俾人客自己落，但熱豆漿唔夠熱係溶唔到d糖架🤣🤣🤣🤣 食完淨係記得d菜脯味😜

成日係呢度行過，都冇乜留意呢間鋪，點知一次側望先發覺佢鋪頭細細坐冇虛席！個個客都專注食麵，似乎唔錯 今日係佢開鋪時入黎做第一單生意點左雲吞麵同鯪魚球麵，再加多碟生菜。 一開始真係有啲意外，因為每碗得3粒... 不過原來好大粒，而且用料食得出新鮮同勁足料雲吞d蝦好彈牙，又夠咸鮮，食到好爽鯪魚球都好食，唔腥冇碎骨刺，正 鹼水麵淥得啱啱好，爽勁有咬口，食到最尾都唔會俾湯浸到淋晒係我鐘意嘅口感 最後普通嘅生菜不過不失。 總括黎講，我覺得老表嘅雲吞係好好食同埋呢度d亞姐都好有禮，做野都好乾淨。