katychoi 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2023-04-07
門口排隊大概有10人,等咗半個鐘,終於可以入去啦,入座時間大概8:45分,安排座位後職員即刻送上點餐紙,職員指出只有鐵板供應, K其他餐單全部售罄。我只好即刻嗱嗱臨落單,二重牛舌單點,唔揀套餐,因為我想出去深水埗食其他嘢,但係強烈建議套餐,我見隔籬位有湯,沙律、白飯一碗,包埋一罐汽水的確抵食。 落單後過10分鐘左右,即刻送上熱辣辣嘅牛舌,包埋特色醬汁,酸薑,自家麵豉辣椒,建議立刻切開牛舌心,搬來鐵板旁邊,防止過度加熱。趁熱食,啖啖肉,味道真係一流,溫度剛剛好,真係不枉此行! 推介美食: 鐵板二重牛舌
評分: 味道 5 環境 5 服務 5 衛生 5 抵食 4
2022-11-01
星期二三提供生蠔拼盤及餐酒一杯,簡直就係超值。即刻喺OpenRice訂位過嚟食返餐好嘅。 坐低冇幾耐,即刻落單,等咗好短時間就有新鮮生蠔拼盤,職員耐心地介紹不同產地嘅生蠔,謝謝新鮮肥美飽滿,另外再加黑魚子,加上雞尾酒醬簡直就係一流。 鵝肝煎到金黃色,配上蘋果蓉及黑醋 ,煎先得恰到好處,食完再想落單。 食完再加多半打特價生蠔,為今晚晚餐畫上完美句號。下次真係要即刻過嚟試生蠔拼盤,喜歡3號嘅朋友一定要嚟,一定唔會令你失望。 推介美食: 生蠔
評分: 味道 5 環境 5 服務 5 衛生 4 抵食 3
2022-10-27
今日下午放假行街,下午茶時間突然間好想食生蠔,即刻透過網上訂位,搵到最近食好嘅餐廳,坐低即刻要一打,服務員非常有禮貌,又細心,等咗唔係好耐即刻就有得食啦。同時間最今日買買追加魚子及黑魚子增添風味,加埋秘製雞尾酒醬汁,隻隻新鮮飽滿,好有海水味,食過返尋味,即刻追加多六隻,食完好滿足緊嚟繼續行街。其實本身想食星期二三特價199套餐,原來餐廳只係晚市提供。希望下次有時間再去試佢嘅八國聯軍生生蠔,非常期待下一次再光顧。 推介美食: 生蠔
評分: 味道 5 環境 5 服務 5 衛生 5 抵食 4
2021-07-08
第一次同朋友過咗嚟這間放題,服務員真係非常之積極同周到,第一輪即刻食刺身,入座即送火鍋,好快走上咗第一輪食物。訂座就送一個即燒蟹蓋,簡直就係好味到暈,刺身食物新鮮,壽司一口一個非常好。仲有其他,壽司,泰式日式等,食完飽到抱住個肚走。現場環境好有日本居酒屋氣氛,朋友慶祝生日來依度最佳地方。 推介美食: 刺身, 雪場松葉蟹火鍋, 磯燒松葉蟹蓋, 各式刺身, 甲羅燒
評分: 味道 4 環境 4 服務 5 衛生 4 抵食 4
2021-06-28
今晚喺銅鑼灣行街 ,終於可以抽時間想來嘅 生蠔日式泰式放題食,一見到有得飲生啤同生蠔刺身放題,唔使諗即刻加錢升級放題。 第一輪叫咗刺身同壽司加上半打生蠔 ,食物非常之快上,見到員工好忙碌同勤力咁樣照顧客人,相刺身有好新鮮,我見到食評還有一個燉湯,但係問咗店員話而家冇做啦,真係冇湯飲,唔緊要咁我食其他嘢補返數。自己出去執咗杯生啤,一路食一路感覺真係好爽。 同時間叫咗壽司手卷,加上其他泰式食物都唔錯,生蠔真係好有誠意,非常新鮮有海水味,入口爽甜,creamy ,我一共食咗18隻,你呢個食一定要升級放題。咁嘅價錢可以食到新鮮生蠔,日本及泰式食物,真係不枉此行。 可以講到嘅甜品唔係重點,大家可以留返個肚叫其他嘢食啦! 推介美食: 海膽火焰帶子, 海膽帶子, 法國皇家生蠔
評分: 味道 5 環境 4 服務 5 衛生 4 抵食 4
|