星期五晚又去觀塘工廈搵嘢食，今晚去咗成業街試吓呢間壹玖陸零，餐廳喺成業工業大廈內，這工業大廈比較殘舊，走廊位垃圾比較多，餐廳門面沒有什麼特別裝修，餐廳內就做懷舊風，以60年代為主題嘅裝飾整體清潔乾淨，我們吃了單支瘋味雞翼秘密醬，煎焗盲鰽，同慢煮豬肉眼。豬肉眼用半肥瘦肉，肉質都算腍，加埋醬汁味道不錯，但配菜只有薯條和炸秋葵，比較簡單。煎焗盲鰽份量足夠，有三塊魚肉，魚肉煎得咁啱好，味道亦不錯，只可惜酒味比較強影響咗少少，單支瘋味雞翼我覺得比較普通，似炸雞翼加咗佢嘅秘密醬，令個名帶些少神秘感，加埋兩杯梳打飲品埋單四百幾，食物雖不算非常精緻，但以這個價錢來說仍然係物有所值。

搵地方食生日飯，本來想去酒店食自助餐，但係價錢貴得來想食嗰間又book唔到，結果就在OpenRice見到呢間餐廳，見完全冇喊樣，就上網訂嚟試吓。 餐廳裝修得幾好，簡單乾淨又光猛，我6:00上到去原來只係第一枱客人，可以任我揀位，我就揀咗個窗邊位，我哋兩個人叫咗兩個set dinner，食咗鵝肝、大蝦酥皮盒、洋蔥湯、黑毛豬鞍同埋雪魚，甜品係焦糖榛子朱古力慕絲蛋糕。 前菜嘅鵝肝好大塊，同大蝦酥皮盒都幾好食，而且擺盤相當靚，廚師好用心。 個洋蔥湯就有少少奇怪，唔係我預期嘅洋蔥湯味道，好似一般餐湯咁樣有啲失望。 到主菜，豬鞍大塊又好味，配合薯仔，菜同蕃茄，唔單止賣相靚食落去都相當有水準，豬肉要全熟但係一啲都唔鞋，好滑又好入味。另一個主菜鱈魚都係整得好好味，魚肉煮得恰到好處之餘魚皮都煎得啱啱好，唔太乾但又夠香，與醬汁十分夾，又係上等之作。 最後是甜品，味道唔錯，但我們覺得比較甜，不過由於我們都是不喜歡甜食的人，不可以作準。 整體來說水準不錯，價錢大約每人400多元，雖然不算平，但可以有這樣水準的食物都算物有所值。

年初三, 跟爸媽拜年後與朋友相約尖沙咀晚飯, 在友人介紹下到這裡一試。 我們大約8點到, 人不太多, 等了10分鐘左右, 可接受的。 我們點了田園沙拉, 明太子義大利麵, 拼盤, 金莎榛果可可, 和仲夏熱帶水果茶。
先講環境, 裝修簡約, 地方算整潔, 坐的椅很有特色, 友人坐的有對兔子耳朵, 十分搞笑。
落單有點麻煩, 因waiter和waitress們都講普通話, 雖然講明客人可說廣東話, 但為了尊重這地方, 又在友人半激脹的鼓勵下, 我這個不懂普通話的也用了普通話落單。
講食物: 田園沙拉好一般, 佢用的菜有點特別, 味道ok但份量太小。 明太子義大利麵幾好味, 麵條都沾滿了醬汁, 味道濃郁, 加上紫菜絲, 口感十分好。
全餐飯的highlight竟然是那杯金莎榛果可可, 原本以為金莎只是topping, 但一飲落, 就發現整杯飲品都充滿了豐富的金莎味, 十分十分好飲, 值得推介。
之後來拼盤, 非常一般, 唔食都完全沒有可惜的感覺。 食完所有嘢後, 水果茶還未來, 唯有再用普通話追問一下, 侍應回覆說製作中, 但依我們觀察應該是漏了單…。 不過最後都來了, 味道幾清香, 不算太甜。
總結這餐廳的食物不錯, 但不算有驚喜。 年初三在尖沙咀不用等太耐, 又可和朋友邊食邊笑, 以每人約200元的價錢, 都算物有所值的。

馬鞍山新港城的茶木裝修期間已經事先張揚, 今日終於試業了, 我朋友仲講笑話:如果試業失敗是不是執咗佢? 哈哈！冇可能啦, 我地下午6點去都要等位啊！ 今日我們兩日食咗蚵嗲肉碎泡飯, 醬燒豬軟骨麵, 同黑糖紅豆綠茶冰淇淋層層疊。 豬軟骨麵賣相不錯, 豬軟骨幾好味而且不太肥膩, 麵的量不太多, 只是剛剛好, 可以留肚食層層疊。 蚵嗲肉碎泡飯望落去好似只有湯冇乜料, 但其實只係飯未發脹, 食落原來配料幾豐富下, 而且蚵仔都幾多幾大隻下, 講真的確有點驚喜。 最後就係招牌菜層層疊, 我們選擇紅豆綠茶係因為希望冇咁甜, 層層疊其實係厚多士, 把烘得脆脆的多士配雪糕和紅豆一起吃, 十分滋味! 可惜這個甜品是我們吃完麵和泡飯才吃, 飽肚的感覺多少影響了食慾。 整體來說是滿意的, 已很多年沒有台式餐廳在馬鞍山營業了, 希望茶木可為這裡的居民提供一個好味的選擇吧！

今日又跟荃灣朋友午餐, 朋友介紹呢間olive cafe, 在福來邨附近一商業大廈的地下, 講真, 又係一些唔係地膽唔會行到的位置。 我們大約1:30到, 餐廳不太多人, 所以立即有位。 看看lunch menu, 唔太貴喎, 70-100一個餐, 以西餐廳來說很合理。 我們叫了香煎紐西蘭肉眼扒和水牛芝士蕃茄焗雞胸。 肉眼扒賣相不錯, 我們要7成熟, 切開見紅不見血, ok啦！但食落去就發覺塊扒比較乾, 不夠腍而且仲冇乜牛的香味, 可能係來貨唔夠靚啩！不過另一個水牛芝士蕃茄焗雞胸就真係整得好, 芝士和蕃茄味道配得啱啱好, 雞胸是連翼的半邊全胸, 雖然全熟但好軟滑好入味, 唔睇menu仲以為係雞脾, 非常好味。 兩個餐連茶每人約100, 傾下講下就過了一個開心的中午。

已經有一段時間沒有到駿景園晚飯了, 這天來到我們依然幫襯我在這裡的至愛: Balencia bakery & cafe。 Balencia的前身是A1 cafe, 以供應高級麵包和簡約西餐為主, 在這裡你大概不會找到重量級牛扒和燒春雞之類, 但她的意粉沙律和咖啡是絕對有級數的。 這天我們二人點了一個豬扒意粉和一個海鮮沙律, 意粉會跟一set三件的自家製麵包, 湯和飲品就要另外再點。 意粉的份量不大, 而且豬扒並不是一般的厚切, 而是薄薄的三片, 對於男生來說, 真的要加上麵包才夠飽, 但味道卻十分好, 意粉不太淋, 仲每一條都掛上了醬汁, 食時很有滿足的感覺。 海鮮沙律賣相亦不錯, 海鮮份量很足, 食落去似食刺身多過似食沙律, 我們還加配了牛油果令整件事更完美。 埋單大約200元, 算合理, 臨走我們也幫襯了兩個麵包作為明天的早餐。

今日下午有空, 隨友人介紹到荃灣享受relax午餐。 餐廳位置有些隱蔽, 在一個頗殘舊的商場內, 餐廳裝修簡單, 望落較似快餐店, 我們到達時是中午一點半, 但餐廳內客人不多, 可以立即有位, 地方來說都算整潔。 友人推介all day breakfast, 另再叫一個 spaghetti carbonara和兩杯milkshake, 意粉較多油, 但味道不錯, 感覺上用較多蛋黃做carbonara。
奶昔好好味, 我飲了花生奶昔, 好特別, 不過由於我很喜歡花生醬的味道, 所以不能作客觀標準, 但奶味很濃, 很好飲。
最好味的是breakfast, 做得好用心, 蛋好香滑, 磨菇都好好味, 又有兩條不同味道的香腸和法包多士, 令我十分滿足。
兩個人吃一百六十多元, 不算太貴。 友人說這裡出名漢堡, 下次來一定要試。 眼見負責餐廳的是幾個年輕人, 可以做得這樣用心, 值得讚賞和鼓勵。

那天行過新港城1期，見到好似有間新開糖水舖，就這樣試了一次。

舖頭很小，我數過只有18座位，但工作人員就有7人，有些少被人「監視」的感覺！可能是星期日，老闆家庭總動員掛！因此執野真係好快，我眼見兩個客人起身埋單，唔駛十秒，就有兩個工作人員埋來，再過5秒，成張枱執乾淨仲抺埋，真有效率。

講番食物，我地食左兩樣野：
酒釀丸子：酒糟味好濃，十分香，有些少酸味，丸子幾多下，整體配合得幾好。
朱古力梳乎里：要等約10分鐘，但真係值得，因為梳乎里焗得好好味，又唔太甜，蛋白味同朱古力味都濃，我覺得十分滿分佢起碼有8分。

唔錯！由於食之前冇睇過食評，下次去可以試下其他食家推介的食物。

昨晚本來想去海皇漁港食晚飯的，怎知人山人海，於是落去是但揾間茶餐廳食下就算，因此食之前完全沒有期望，叫左兩個菜，其中一個係套餐黎。
1) 西蘭花牛肉：西蘭花炒得唔錯，夠熟但仍然爽口，牛肉就麻麻，比較韌，而且好明顯落得太多粉，炒完有些一舊舊的感覺。
2) 薑蔥霸王雞：呢個幾好！最初見佢只係間茶餐廳，整雞應該不及酒樓好，但這隻雞卻比想像的好得多！首先，雞肉幾滑，雖然雞是全熟，但也沒有鞋口。此外，個雞汁都不錯，不太咸，加埋薑蔥，竟覺出奇的好食。
3) 奶茶：我一向飲奶茶唔加糖，有時會覺得幾難飲，但呢處D奶茶冇糖仍然好滑，茶味和奶味都啱啱好，好野！
總括來說，在茶餐廳來說，算係幾好了！兩個人食100元樓下，物有所值！

昨天中午揾野食時，突然想起這間牛腩粉麵店，就這樣子試了一次：

咖哩筋腩河：牛筋真係好有水準，又腍又滑，咖哩味都好入，其實牛腩都唔差，夠腍。可惜咖哩始終同河粉有些格格不入，下次改配飯可能好D。
清湯筋腩河：一樣有水準，我個人而言比較喜歡清湯。
蠔油芥蘭：OK咁啦，始終食粉麵都要配番碟菜好D！
唯一缺點就係佢D河粉唔夠滑，唔知係咪入貨唔靚？

我住了馬鞍山十多年，這間永利清湯腩的舖頭門口也經過了無數次，今日才第一次幫襯，頗有滄海遺珠的感覺。以後午晚飯如果唔想太 heavy，又可以多個好選擇了。