見到好多網上推介，又有YouTuber 介紹 ，膽粗粗黎元朗試下，一入門口餐廳好大間，只有兩檯已經心知不妙，但都黎到門口都試下啦。 呢度乜都有，又有燒牛，壽喜燒，刺身，壽司乜都有.... 我地都唔敢叫太多... 只是散叫左幾樣野... 真係差到一個點... 芝士燒蠔 - 好似路邊小食貨色 甲羅燒 - 又乾又無味 深海池魚 好腥 真係勁恐怖，食完呢度唔飽去左第度食 完全感覺到呢度嘅老細應該係純粹玩下開餐廳 啲嘢睇得出好唔用心去做 又中伏啦今次

同兩位朋友黎呢度食野唸住慶生，見到裝修同feel都幾好所以book 左。 一坐低見到好多廣告影d 相好靚，都叫左唔少野食。頭幾樣 法包，薯條同單骨雞翼都還好。但其他真係伏到爆！！！ 檸汁清酒煮蜆，我地食到佢落左咸酸菜甘既味？勁腥..... 灸燒吞拿魚腩.... 又乾又無味 我一見到以為係豬頸肉 紅蝦... 肉質超級梅😑到底點整架？ 西班牙海鮮飯算最正常，但上面d 海鮮，個蜆都係腥到癲，青口超乾... 好恐怖，本身仲打電話話叫甜品加個名，嚇到甜品都無叫 以後blacklist

平時食串燒多數揀老字號既店舖，打開open rice 見到好多好評我就睇下 d 相都可以呀，一於試下啦！ 當日大約下午四點幾打電話去book位， 侍應接電話都話當日夜晚8：00有位置可以去食 我哋訂咗八點嘅枱八點去到， 門口嗰待應先同我講我哋今日淨係得刺身同埋串燒 所有熟食嗰啲 例如炒飯炒麵呀嗰啲冇喎你ok吖嘛？ 然後我就問佢 下？ 咁我訂位嗰陣時你唔講嘅？ 但係佢都冇正面回答， 我哋又諗住已經上到去門口又訂咗人哋個位 咁就試一試啦 八點拎咗位 8點05分已經叫嘢食 等到8點40分枱面仍然只係得兩杯茶 後過我哋嘅枱已經都有前菜食緊 亦都已經上埋碟刺身 終於忍唔住問一問個侍應點解我哋枱面乜嘢食都冇，係咪已經整緊？ 嗰待應漫不經心地答亦都冇望過我哋嘅眼神 當時佢個身仲喺度扭嚟扭去咁樣答我哋師傅去咗廁所呀 所以未整到住， 聽到真係火都嚟 ，等都等咗三十五分鐘，人哋隔離枱都食緊前菜，佢俾個咁嘅答案我 我哋就同佢講唔使整啦我哋走 最尾都係行返去第度食，最尾係九點十五分先開始食飯 真係唔洗旨意再黎

久仰大名屏山有間糖水舖 啲嘢好好食，今日特登揸車入嚟品嚐一下， 朋友叫咗 紫薯 薑汁湯圓 ，因為見到佢貼曬大字報話喺沖繩直送應該冇死啦， 而我叫咗非常大路嘅 桃膠 燉椰皇 ，結論係 唔會再嚟 我試過朋友 嗰碗所謂沖繩直送嘅紫薯薑汁湯圓，果啲紫薯硬到好似樹皮咁 ，以我嘅桃膠燉椰皇 只係一般貨色 但係 埋單 係酒店嘅價錢 真係唔多明白點解呢間嘢會有咁多好評 咁嘅貨色埋單都要120蚊 如果住喺附近嘅可以嚟試下 但係如果山長水遠揸車就千祈唔好嚟。

之前見朋友係呢度食過亦都發咗相出嚟係ig 而今日又好想食蒸海鮮， 所以就膽粗粗試下佢 ，佢有分幾個唔同嘅套餐 有四個套餐 一個係188 一個298 一個398一個598 ，全部都係每一位去計算， 今日我係叫咗每位398嗰個套餐 其實大致上套餐入面嘅嘢都正常，不過服務態度真係好差 我哋兩個人去食兩個都係揀粥底， 加個粥畀我但係又唔加個粥畀我朋友 跟住我哋嗌398嗰套餐入面明明有蟶子王，但係啲嘢食嚟到見唔到有，我哋主動問佢，佢先話原來今晚冇聖子皇用咗第啲嘢代替。 呢d 野唔係應該主動講？ 最出人意表係個粥底好似水甘，完全無鮮味。第一次呢隻味既粥底。真係唔會再去

同家人年初一選擇食飯既地方, 中菜肯定會多人同埋煮得比較求其。聽講呢間野唔錯, 一直都係WISH LIST裡所以下午打黎訂檯帶家人試下....


湯底叫左麻辣小辣+莞茜皮蛋 $168 不算貴, 正常價錢
招牌劉毛肚 $148 - 好鞋, 好硬, 得幾片
牛舌 $88 - 上檯時仲未解凍, 我知係冰鮮但可唔可以俾少少HEART, 解左凍先上檯呀? 硬, 難食, 無味
羊肉片 $108 - 上檯時仲未解凍, 連雪一齊上檯! 硬, 難食, 無味
鴨舌 $78 - 正常
薑汁皮蛋頁貢丸 $68 - 推介
爽滑魚蛋 $48 - OK
粟米 $38 - 得5舊, 幾甜
皇帝菜 $48 - 數過, 得13條 , overpriced 嚴重
生煎包 $58 - 難食


連埋加一 埋單$957/3位 , 未飽返到屋企要再食野, 因為食物質素太差, 唔想再叫


唔會再去, 近排已經好少寫食評,為左佢都要寫

上去兩三個網站都見到有推介呢一間餐廳嘅嘢食，去到只係一個字伏，同一般茶餐廳冇咩分別，西多士太新奇！新奇但唔好味！ 叫咗幾樣嘢食，朱古力榛子西多士，炸午餐肉丁，一口葡腸芝士，菠蘿油 全部嘢食都無咩特別

見呢間嘅宣傳得咁行所以同朋友兩個人去試吓，去到嗰陣時8:45唔使等位，間鋪其實好大裝修都OK，兩個人叫咗個鴛鴦鍋，淨係個湯底都$158，一嚟到控油嗰邊大火得滯係咁標上嚟，跟住同個侍應講，佢就加D白湯落去, 完全溝希左辣味，湯底唔夠麻唔夠辣，我哋叫咗哦腸，一碟豬一碟羊，竹生，白菜餃，魚腐，魚泡，豬腎，鴨舌，豬喉，皇帝菜，所有食材唔新鮮，湯底做得好唔正宗，亦好冇誠意，唔係俾面佢係四川嘅老牌子我都唔去試，一定唔會再去，買單仲要$550一位， 實在係好過分，喺香港地用呢個價錢去食飯大把好嘢食啦，不過最後加一句，服務態度唔錯

因為呢間餐廳就係公司樓下，開張幾日我已經食咗第二次，兩次嘅質素都好唔錯，雞夠滑，尤其是係個面豉醬汁非常好食，我諗係我食過全香港最好味嘅海南雞飯 每次我都飲龍眼蜜，好足料！

有一次經過開呢度食午飯，價錢合理，個咖喱好好味辣到適中，可以再嚟，餐牌既設計睇得出好有心機，模仿舊式茶餐廳， ，有啲菜式同飲品亦係六七十年代才有的，好啱老人家你懷緬一番