很久沒有食fat angelo's了~
好掛住佢的包~同埋海鮮飯

入到去~有任食呀~
250蚊~任食任飲~好吸引~
但其實好奇怪...
人少的話~你叫任食~都係會食唔晒個份量嫁~咁咪食得少左款式law~
人多的話~其實散叫都唔會好貴~咁250蚊的任食~係乜嘢人啱食呢？

一向最期待的~都是橄欖油+黑醋+熱熱的包
今次多了新款~有蒜包~麵包棒~同平時個法包
蒜包令我極之失望~軟的~油的~好似浸左好耐油咁~冇生氣的~
麵包棒很脆~但同黑醋唔夾
法包ok~但得一個!!2個人得一個!!

pizza先來~
這個是牛柳屋pizza~
主要材料是牛柳~甜椒~芝士
芝士味濃而不膩~甜椒剛好用作中和~牛柳亦不差~算很不錯~

海鮮燴飯~
一向的至愛~今次比較"粉"一d~唔夠creamy~汁唔夠~
蝦很鮮~合格~但冇左一食上癮的魅力~

與大約2年前比較~好像欠缺了滿足感~還是太久沒有食過~記憶出錯?

屋企人生日~負責買蛋糕的我~搞搞新意~
過往生日時~食飽飯先食蛋糕~又飽~又麻煩~
今次嶄新買了紅豆黑芝麻卷充當蛋糕~
(都一百蚊一條嫁~絶無慳皮之嫌~)

圓圓的卷~切開一人一件~唔洗用碟同叉~環保呀~
咬落去很不錯~唔似一般蛋卷咁一陣風~
紅豆加cream加黑芝麻~感覺居然唔算好甜~而是很香~

一百蚊抵唔抵見仁見智~但算是很好味的呀~

同場加映口痕叫了低脂意大利限定雪糕...曲奇香蕉味
香蕉係用2片香蕉乾放面...冇誠意
奶味少之餘~很淡...一點都不討好~
要筒仲要加4蚊...
絶對不用試~

為免俾個咁差的雪糕~拉低了評分~~
以下的評分只計芝麻卷~

有到過藍地的朋友~都知道~藍地大街~是街市來的~餐廳都是很街坊的~
突然開了一間西餐廳~客似雲來

除了新鮮感~應該是又就腳~味道又不差吧~

去探屋企人時~晚飯4個人在全藍地最高級的食府解決~
7點20分入座~ribs已賣完~最後一隻春雞都俾我地叫左~
生意好得過份~

熱辣辣外脆內軟的小豬仔包~加埋橄欖油~黑醋~真的很好呀~
用橄欖油同黑橄欖調味的沙律~清新~健康~開胃
菜湯合格而沒有什麼印象

缺點是人太多~主菜很久才上場

香草豬手!!!
肉很多~很厚~皮有點厚~膠質很多~絶對比百佳d好味好多~但又唔係話一定會想再食~一試無妨~
牛柳大蝦~
牛柳有少少失手~外層差d燶~內裡ok~蝦又大又甜~good~襯底的薯蓉好有誠意~薯蓉內有薯粒蘿蔔粒~唔漏又好味~
燒春雞拼大蝦~
春雞唔係話細得好過份~香草味濃~雞內釀左配好味的雜菜~令雞如此入味~
帶子意粉
最後上菜的一碟~我們揀了橄欖油炒~香~意粉又適中~很不錯

最唔合格的居然係...
木槺布甸~
甜!!!!!!!!!!!!!!虛!!!!!!!!!!!! 不行!

俾個甜品破壞左全餐的觀感~
埋單$512~很合理的價錢~饒你一命吧~

同事大力推介~因此慕名而來~
放棄我在廟街食開的威記~
諗住俾人淋左鏹水後~冇咁多人排隊

點知...

都等左半個鐘...

入到去~叫了2個煲仔飯~一個鴨蛋蠔餅~一個八珍豆腐湯

最先來的鴨蛋蠔餅~感覺很好呀~
炸得脆~香~但蠔少~
而個醬香得嚟~咸左少少~

第二個來的~係八珍豆腐湯
用一個煲上~個煲唔係好大~但感覺食極都食唔完
菜很多~仲有排骨~雞~豬肚~
湯清~有好多菜~令人好容易食多左菜~
main point係~佢只要
$18~~~~十八大元!!!!

then煲仔飯嚟時~已半飽了
因為真係等左好耐

男友的滑雞臘腸飯很香~
我的排骨牛肉飯...唔夠香~

食食下發現~一點飯焦都冇
煲仔飯最緊要的係脆脆的飯焦!!!!

男友那一煲..有飯焦了~但...全都黑晒~真係焦了~食唔入口...

八珍豆腐湯為我帶來驚喜~
煲仔飯卻令我失望......

而傳說中~好冇禮貌那個阿姐唔見了~
其他姐姐好好人~因為d枱好迫~佢仲會提醒你走的時候唔好整污糟d衫...
不錯呀~

小食店要排隊係近年"名店"的標準
剛巧經過~~被"旦王"二字吸引

魚蛋稱王~燒賣稱霸

呢個對聯咁勁~梗係要食下啦~

但原來要排隊的~係另有王中之王---正宗重慶酸辣粉

沒有去過重慶~我唔理你係唔係正宗~~但又香又酸的味道~加埋只需12蚊~~就豪俾你吧

以防萬一~叫小辣好了~(我食辣的程度大約以辛辣麵為上限吧)

來一碗~香味四溢~聞落覺得係以酸味為重

點知一食~~出事啦!!!!!!!!!

立即咳!!!嗰一種麻+辣係令人咳的~上鼻的~唇在震的

一食嗰d紅薯粉~就咳~食榨菜同埋花生就冇事

但好香~~又再努力食多半碗(一路咳一路食)

企位只有2張小圓枱~~咳聲~鼻水聲此起彼落~~大家都拎住紙巾~~

十二蚊的小辣認真到呢個地步!!!!

各位!!!請自備可樂~該店唔知做乜~只得唔解辣的維他檸檬茶...
但對面有7-11~~~

同場加映的旦王魚蛋~~入味但太油~~反而稱霸的燒賣好勁

成個龍蝦丸咁大粒!!! 6蚊4粒~但嗰4粒的份量~係一定多過一串的份量了~
加埋蒸魚豉油~~good!!!

下次要帶鍾意食辣的朋友來~看看中辣大辣的厲害!!!

cup cake~外型美~入口甜~係甜蜜幸福的感覺

可惜配以店員的黑口黑面~加上嚴禁拍照~呢10蚊~真係唔想俾

上次來的時候~一對中年男女的招呼~真的很好~多人排隊都唔會有不快的感覺

今次人不多~但多得黑口黑面的後生店員"熱情"招待

令到cup cake自此與甜蜜絶緣

就連酒店都未禁止人拍照~你是何許人也??呢度旺角咋~
你怕人抄款嗎???咁唔好俾雜誌報紙訪問啦~訪問完d相仲要post出嚟俾好多人看嫁
係唔係要我拎個記者證出嚟呀??我有wo~
真係怕人抄款~不如人地買完~你整爛佢先俾人拎走呀~~人地拎回家都可以抄款呀

若果你不怕進食氣氛被嚴重影響~
食過3個口味的我~
只會推介爆炸糖朱古力~~~

其他的牛油朱古力同開心果都得個甜字~毫無層次~只有爆炸糖朱古力比較合心水

若果我見到係呢個店員的話~我一定唔會再入去~

你唔俾人影相ma~~你嚟追究呢度所有寫食評的人吧~
好~我尊重你~唔post 相~~滿意了吧~~

第二次來食了~

看完電影後~與又高又大件的男友來吃吃看~
因為朗豪坊真的不是我杯茶~(貴了一點~唔抵食)

這個農夫包~真的不可再大了~
佢比我男友的拳頭大出很多~
比筷子的3分之2 仲要長
比我的面仲要大

店家生怕你的咖哩汁不夠吃完一個農夫包
貼心地加多一碗咖哩汁給客人

內裡是咖哩xx 都不重要~因為濃汁加上大大個包~又香又脆
已來不及理會肉質的味道如何~

一輪大戰~戰勝了農夫包與咖哩~
但味道真的濃了一點~一罐可樂都不夠喉

若果是要顧儀態~顧身材的少女~
別來挑戰了~

食日本放題的人~應該主打食刺身~食過夠本吧~
這個放題~先放一碟刺身拼盤給你~
再慢慢點東西~

鍋物不差~串燒不油~天婦羅大大件~
實在沒有挑剔之處

亦有飲品任飲~雪糕任食~加埋小蛋糕小布甸
實在是極之齊備

可惜~小女子對刺身偏好不大~沒有食返個夠的感覺~

基本上每件東西都合格~但就是沒有令人驚喜之處
平凡得可以~
但收費在荃灣來說又不便宜~
這個放題價~
我可以在真之味食個痛快~而且碟碟對胃口~

這就是雖無過錯~莫須有之罪吧...
對不起...難以再食一次呢~

一碗不花巧的山楂露~但不是周街都得有食

愛好山楂餅的人~必定要一試
山楂露是山楂餅的進化~而且是很好的進化~

冰冰的~但不是凍入心的~
沙沙的~是山楂微粒的見証~
甜甜的~但沒有漏的感覺
酸酸的~令你一吃忘懷

簡單的一碗山楂露~入口的感覺卻絶不簡單
感覺是"升呢" 的山楂餅~而且仲係不痴牙~高貴了的甜品~

甜品店要討好愛甜品的人~一d都唔難
這間由阿蘇極力推薦的~就一d都討好唔到我lu~

平常最愛的桑寄生茶~遠在西環正街的源記~好難先去一次~但它才算是老字號~好味~必食
荃灣那間蘭苑饎館~是次選~但味道都ok~不及源記順滑~但味道不錯

一品齋的桑寄生茶~俾人讚到天上有地下無
入口...未夠順~茶味足~甜味欠奉

絶對不是一飲傾情的桑寄生茶

男友點的凍紫米更是錯誤之選
紫米很硬......同好味差好遠

下次還是去西環來一碗桑寄生茶~一件清蛋糕吧~