之前已同媽媽去過.有驚喜.
因為衫時感覺酒店很細.都應該食物一般吧.
平平地吃一次嘗試下都不壞.
初光顧感覺,食物選擇小了一點.但水準都很好呀.
比9龍某部份酒店.食物多.但每樣都不好吃.那就無意思啦.

每位客人送鵝肝多士&半隻焗龍蝦酒店的擺設食物都好吃.但真的吃都得很飽.有好多都吃不下去了^^甜品很多都好.比出面的酒店只有1-2種可入口的.
這間都叫好好了.又多選擇.但可惜吃不到太多.

落完單就無人再招待.要大聲叫入去先有人得昺出黎.
又唔換碟.食黎食去都係果隻.好多油.又唔知倒去邊
落太多醬油去炒.真係太濃.要求佢落小D先入到口.
仲有好多...不過唔會再去.本身都想講.不過算啦.唔俾POST

重要提示係食之前記得BOOK左位先.
因為我地打左電話但無BOOK
去到老板都俾位我地.之後攪到開多一張台.
真係勁唔好意思...不過佢真係好好禮貌
睇過食評都好似幾好.就點左之前食家既推介.
可惜係食唔到香橙鴨胸.因為老板話果次係是日推介.
未必一定有既.


磨茹湯.OK.同意大利餐整既一樣.
我指係有水準既意大利餐廳

海鮮酥.入面係田螺.同埋唔知咩野.
味道同湯果個一樣.有D可惜.
而且都幾濃得制.淡D會好D囉.
有時唔洗太濃既.如果唔係會MATCH唔番個菜

芝士雞扒--雞有D鞋.唔夠滑.

反轉蘋果批---同一般批有分別.因為佢係用酥皮做.
而且入面係一舊舊蘋果.好甜.感覺係食緊焦糖醬蘋果咁.
味道係幾好食既~不過又係甜左小小.小番D糖就岩岩好~

白朗鋒-係蛋白加雲呢拿汁.
不過有D失望.
因為我自己都整過.其實好易整.不過佢就味道同感覺唔好.
味道係雲呢拿汁唔掂.無左香味.得個甜.
蛋白好似波咁LOOK 黎LOOK去.

我好鐘意食西餐.由其係好禮貌.
同埋裝修簡單
我覺得呢間店好好禮貌.
不過食物就做唔好有水準

而且真係好難食.希望老板真係自己食下做呢種餐既鋪頭
同佢自己個廚師整既有咩分別.
而且無沙拉就唔好同人講有得食.
每次到7-8點.已經得番1-2條(葉)
如果真係唔夠俾客去食既.
一係就唔好做呢個沙拉
咁好唔尊重D客人.

呢間又係好禮貌既店.
我發現係元朗區.唔係間間都會(識)招待客人.
有D求其啦.有D仲過份到你一舉手想叫.佢地立即個個彈開.

所以係元朗好食又禮貌好既.我多數都會成日食.

講番呢間.初初.真係睇到價.係元朗區.都貴架啵.
唔通真係可以比得起9龍.(事實9龍區食店多有好水準)
但第一次食.嘩!!!落好多鹽咁啵.食都食唔到.
個口拿到咩咁.

第2次已經係2個月開始.又試啦.俾多次機會.
完全唔同啵.由湯到沙拉.到主菜.又食埋我愛食既心太軟.
真係有水準啵.
而且加水呀.招待呀.好快.直頭你一叫佢.佢就飛埋黎招待你咁.

所以我好鐘意佢呢間店.而且黎多幾次.出多左D菜式.都幾好食.
不過我去親就點都要食心太軟先走

真係幾好食.我覺得個燒雞幾特別
因為D汁係用海南雞果D汁
而且個火熽雪山一出場.
真係成場客人都嘩嘩聲

睇相就知道
而且味道同埋口感.我俾10分.正正正~
不過3個人份量到啦.
因為2個人都未必食得哂.
叫果陣要留意啦~

係我出街會去食既飯堂呀...
講食物...其實我應為間間分店都差唔多.
可能係同一公司
但禮貌...真係好好...
差唔多收野
成日會問你d野岩唔岩食.
有咩意見咁...
有時唔岩.唔好食.佢會換過俾你.
仲要係重新整過果隻.
所以見到有日話唔係好有禮貌呢.我真係覺得有d怪囉
相反我成日去都因為佢地好好.
有次我話飲仙人掌汁好多渣叫佢幫我整走佢
佢另外重新換過新一杯俾我.但我之前係飲左一半架囉
仲要係咁話唔好意思.一d黑面都無
講質數.我覺得佢係走中價囉
大碟???我覺得ok呀..中價餐廳黎講係咁
大碟不如去茶記啦
我叫我朋友食呢間.個個都話高質數食物
而佢d朱古力特飲仲幾好tim..
我就鐘意佢新出既抹茶紅豆

而且佢d稻庭烏冬真係好好食.
好爽加滑...所以呢
未食過好野就嘗試下啦

唔記得左佢有邊幾樣好食囉
但係算是糖水店啦
糖水黎黎去去都係差唔多
不過呢間我覺得幾好．
有ｄ創意唔會悶
而且唔似許留山果ｄ咁
我命佢名為出水甜品．意思係好希好似水一樣咁

但佢呢間好夠料．．．算係抵架
想食下糖水涼快下
去呢間都好

次次黎到食完都開心開心咁既
我最鐘意食甜品.但好衰一樣野
唔好食我會吐出黎

但呢間真係好好食.
食完好WARM...好多樣都好正
榴槤MOUSSES　ＣＡＫＥ
芒果腸粉
拿破崙等等
要嘗試下呀

不過唔好一樣野．係Ｄ客人問題
有時好多一大班人黎食
又唔理其他人既
講野好大聲．．又笑又大
好吵耳．．好多次都係咁
有時拎番屋企食都無咁辛苦
但有次拎屋企食．．等佢地整好耐差唔多半個小時先有
激死我．．．人地堂食仲快
佢地呢樣野改下啦要

之前見到有人話呢間好.
上次黎嘗試下
因為我好怕出街食魚生.
因為好易腸胃炎.
但點都去食下啦

真係估唔到咁好食.
D魚生好鬼長又大舊.
而且新鮮到卑

我本身去食迴轉都唔多大食
但上次我都食多平時一陪呀
值得試呀
不過有樣野最唔好係
我最憎洗手間係出面.
條街附近又多垃圾臭臭地.討厭