I-O-N (黃竹坑)

屋企人要食自助餐，五六百元一位實在太貴，剛好這裏做減價，三百幾一位就已經可以食到晚餐。有正常嘅魚生蟹腳燒牛肉。東南亞主題的食物，例如喇沙肉骨茶味道不錯，甜品有榴槤主題的食物例如榴槤，芝士撻榴槤炸彈也不錯。喇沙最好食。又有Häagen-Dazs雪糕同埋咖啡汽水。
比較差的是綠咖喱，像膠水。還有魚生的鯛魚冇味。還有配湯食的餐包有點乾，不太好吃。
其他整體也很好，性價比10分高。服務也可以，雖然覺得他們人手不夠，但可能人人北上，反而這裡不太迫，環境很舒服。

樂園魚旦專家 (杏花邨)

剛剛去買咗一碗魚皮餃魚蛋粉雙拼，魚蛋粉係$36魚皮餃係$39，外賣加一蚊。雙拼加$10。佢用貴啲嘅價錢再加$10雙拼，所以碗粉係$50。嗰碗粉大約1分鐘已經攞到出嚟。，非常神速，我見到個碗咁細，心裏面已經覺得真係蠢咗睇都知唔慌食得飽。輕飄飄嘅碗粉。
我俾錢嗰一刻都有啲猶豫，但係因為我想兩餸都食，亦都認為加咗$10之後餸嘅份量係會合服比例地增多咗。結果就是如圖，三粒魚蛋三粒魚皮餃，就已經$50。佢原本$36一碗魚蛋粉應該係有三粒魚蛋兩塊魚片。即係話我而家比多$10只係換取多一件配料。我5分鐘返到屋企嗰碗啲湯已經差不多吸晒。成碗粉的味道非常淡，魚蛋味道就是像街市買到的一餅魚蛋，比較硬身。魚皮餃比較鬆散肉比較少，全部都是如圖畫一樣，你們看到的就是剛買返嚟的樣子。這樣收$50大家覺得抵唔抵，見仁見智。我就一定唔會再幫襯佢所有嘅連鎖分店。

LS Caffe LE SHALOM (北角)

雙層pizza 真的好特別，中間有豬肉牛肉秘製肉醬，看得出廚司非常用心。面頭的配料有2種辣肉腸全部都唔係隨便可以喺出邊食到，基本上我未試過喺其他意大利餐廳食到這種辣肉腸。
另外仲有黑松露忌廉丸子粉，丸子粉給咗好美味嘅醬汁，勁正。同埋嗰啲雞翼覺得好香好脆口真係冇油，又有肉汁。丸子粉意粉嘅醬汁軟硬適中。意粉嘅醬汁係黑松露味再加忌廉味，兩種味道突出，又唔會覺得好漏。
價錢非常實惠。
環境十分好，感覺好像鬧市中的綠洲
的咖啡也是非常清新可口。

AL SUR (天后)

南美菜，價錢味道也不是我們一般的口味， 普通，當見識過就算

我哋睇完OPENRICE 其他食評先去
叫咗其他人推薦的前菜
CHORIPAN係兩小件腸仔飽$80。味道唔差， 就是法蘭克福腸加麵包味道，冇咩特別，配香草醬和番茄
CEVICHHE 係類似沙律醬撈帶子刺身， 又係味道唔差， 冇咩特別，不過140 元唔係幾抵
PORKAREPAS， 也是CORN BREAD 夾住一堆醬肉， 又係差唔多味道，但係就係超市買到嗰啲墨西哥薄餅然後夾住一啲馬莎百貨買到嘅醬
CHICHA 呢個飲品， 我見到食評話好好， 我哋叫咗， 係一杯提子汁的樣子。有點酸。。就是這樣了。。真心一點印象也說不出，就是超市買到的大盒飲品都出來的很普通味道（真係飲凍檸茶層次仲高）， 50 元一杯唔值得
COSTILLA ，RIBS 係好淋， 又係果句，就係RIBS 有啲普通SAUCE，唔覺得特別好食
炸餃子係最好味， 皮脆，配合入邊嘅雞肉，洋蔥等等。最有特色，90元兩小件
每人食咗230 元。 我覺得唔係太值。只能夠普通去形容。
我建議大家可以午餐108 元先去食，不過兩件炸餃子做午餐，其實應該不飽。都勉強叫做見識吓南美菜。
仲有一點好重要，但係佢啲枱好細同埋啲座椅好細。好唔舒服。
坐咗成晚得我哋一台客，臨走多咗一枱四位。所以如果你哋想搵個有詩人冇乜人嘅地方，呢度就會係一個好嘅選擇😅

蒙麵 (紅磡)

我叫咗喇沙湯底，再加花甲再加蠔仔餅同埋腐皮角，冇乜味精配料都係自己製作。但一齊其實都係比較普通，湯底味道比較普通，冇乜南洋特色口味，花甲確實係肥美乾淨，不過就係普通平時可以食到嘅味道，湯底也不算特別配，魚角好味，𤐶仔煎蛋主要係食雞蛋。
我估蕃茄湯底會較佳，反正對我來說真係幾普通。但服務態度是非常好嘅，又有個碗俾你裝啲骨，而且見到其他人食辣味魷魚好似好欣賞。或許我叫嘅配搭又唔係自己特別鍾意食，簡單來說就係喺街市買幾樣比較新鮮的配料，普通喇沙湯底都差唔多味道，但講到誠意和用心製作，其實佢哋都真係做得好好。