今日同朋友打邊爐揀左哩間，我就第一次黎 見個場都唔爆，但坐低巡例一問之下係限時兩個鐘，散叫都有限時 食物正正常常，唔係難食既 湯底叫左牛乳鍋但冇牛乳味，反而好勁藥材味，唔知係咪比錯 邊爐料方面，特別d 既有鹹蛋黃撈飯，鹹蛋黃蝦滑，麻辣丸 個鹹蛋黃撈飯係炒飯黎既，都唔係撈飯黎，都過都幾好食 鹹蛋黃蝦滑食唔到有鹹蛋 蜆都新鮮既 牛頸脊正常，比較厚切 饗羚普通貨色 炸支竹烚極中間都有一忽係硬 服務其實幾好，d 職員係咁加水，明明岩岩先加完另一個又走黎加 又會幫我地撇油，又係一個撇完第二個又黎 臨尾個職員係咁走黎倒數我地仲有幾多分鐘要交枱，心理壓力真係好大，搞到我朋友急得滯辣親條脷 我地個火都熄仲係差個碗咁少少未食完都有眼睇，但又係咁催叫我地走，隔離有空枱又話有booking 要我地走，咁嚴厲既話去食牛站冇咁嬲，任食既話你夠鐘叫我走我都冇野講，但散叫我真金白銀買你碟野你又唔比我食埋先走真係谷氣 開頭仲sell 我地做會員，好彩冇join, 冇下次

見到哩間餐廳唔係好多分店就試下，雖然係tasteasia 都係大集團 叫左個藥膳雞米線，加$28 有個小食，叫左炸芫茜牛肉球 個牛肉球好鹹，冇乜芫茜味，牛肉味係ok, 但真係鞏以唔洗咁鹹 藥膳湯幾香，湯唔係難飲既，但飲多幾啖覺得幾勁味精 米線係幼同彈牙嗰隻，仲幾彈添，但我覺得用淋既米線就可以入味d 雞都滑既 埋單過$100，全程自助，自己落單自己拎單出counter 埋，唔明點解加一，食意樂都唔洗啦 唯一係覺得個環境係坐得舒服

其實d 野食係ok，少少創新，多士烘得唔錯，沙嗲湯都好味，雞翼即炸 所有野都熱辣辣既 但就係一入到門口聞到有朕唔似野食既酸味，搞到我食得好唔自在 老闆娘講野冇尾音，態度係一般架啦，不過佢對個個都係咁，同熟客都係咁 衛生係麻麻，我見到有紙巾喺地下都冇人掃 枱面有紙巾提供抹餐具都ok

今日同朋友黎試哩間 香港既泰國菜黎講普遍都有d 水準唔難食，但原來都有例外 炒金邊粉 勁碎，好濕，一pat pat, 得兩隻蝦 肉碎豆腐湯 嘩！湯渣黎架？一條芫茜或者蔥伴下碟都冇 冬蔭公 我飲最底嗰兩啖，成口粉，唔知係咪用粉沖 生菜包 d 豬肉有朕雪味，而且食落一d 都唔惹味，咗夠酸辣，生菜都係比人頭份量，一人得一塊，真係好慷慨 比較正常係炒通菜同薄餅 選擇好少，飯麵得3 款，咖哩得1款 野飲選擇仲多過d 菜式餐牌 咁都食左$190 仲要唔飽，要落樓下食燒賣

平時食開潮成園，不過今日想試哩間坐得舒服d 乾淨d, 上fb 見到佢d meme 圖整得幾好似係後生仔舖 一入到去坐低就聽到首政府同心宣傳歌，開頭諗住可能係電台播，所以冇理，叫碗扎肉河先 點知播完政府歌之後就係一連串譚詠麟之夜，真心冇諗過竟然有間舖會將政府首宣傳歌放入自己個song list 成晚真係食到背脊骨落，唔係好舒服，本身亦唔係好鍾意聽哩個歌手既歌 講返碗粉，其實粉同湯都ok, 但個扎肉都係潮成園好味，哩間唔夠彈牙仲要食到d 骨碎，好彩我唔係大力咬如果唔係真係牙都崩

喺附近行完山諗住搵間打邊爐，但又唔想任食，就揀左火鍋撚，因為聽聞質素都ok 我地3 個人叫左 手切牛 大 羊肉 水餃 蛋牛墨丸 響鈴 黑柏葉 珊瑚蚌 娃娃菜 烏冬 手切牛 $377 碟，牛下面全部都係菜毯高，份量好少，一淥嗰下縮埋水勁細片，哩隻肉冇乜脂肪，所以食落唔夠滑，每人食10 片都冇就$400 真係好q 貴又唔係好食哩下先慘 蛋牛墨丸個墨丸係幾好味，但同蛋牛唔多夾$72 得6 粒 黑柏葉叫左大份都係得7 片而且唔係一疏疏咁7 舊，係真係一片片咁7 片，一陣風就冇左 響鈴雖然佢話係即炸，但個質素似街市買嗰d, 只係大碌d 咁，但口感其實差唔多，我食過既即炸響鈴都係比較厚實，哩隻唔係 比較好既係羊同埋水餃，但都係偏貴 埋單$468 真係有d 貴，特別係個牛好唔值 早知去食任食台式邊爐都係$300

今日突然想食件鮮油多就睇下附近有邊間茶記，search 到哩間 $26 一個set 都抵食，其他雙拼多士餐就$24 正正常常油多都冇乜好彈，係個奶茶怪怪地，有d 中藥味，定個茶膽煲燶左

好耐冇食放題，諗住開返晚市過黎試下 唔試由自可，一試真係好大鑊 先黎係送既野，限量一件 我地揀左甲羅燒同海膽 海膽係臭既，未放落口都聞到朕壓味 甲羅燒我喺第二度未食過，所以唔知係點，但哩度既甲羅燒我放入口就一係蛋黃醬味，一d 都食唔到蟹味 刺身唔太新鮮，蝦係幾好，其他一般 甜蛋唔知點解入面包左d 奇怪既魚松 壽司亦都麻麻地，油甘魚食落去完全唔似油甘魚，條邊個係赤紅色，亦都冇光澤，食落唔爽口 個呑拿魚蓉杯簡直係詭異，點解個顏色會係熟既顏色，但個質感係生既吞拿魚蓉，真心唔敢擺入口 比較好食既有： 炸鮮奶炸芝士薯餅炸榴槤係正常 燒牛舌夠淋 燒菠蘿有層焦糖，好味 出面有甜品櫃，但每人只限一支，而牌子唔係movenpick / haagan daz 之類，只係apollo 同一d 韓國牌子，所以直頭冇興趣試 飲品唔多選擇，都係汽水同紙包飲品，仲有d 啤酒咁，但就冇無糖既茶揀，唯有斟熱茶 環境方太就太窄，張枱太細，仲想放個爐上鍋同埋拎個爐黎淨係燒一個甲羅燒，可想而知係幾咁狼貝 服務正常，唔會黑面，上菜永遠唔齊 中間有兩次等左10 分鐘張枱都係空既 假期繁忙時間$309 +10%，哩個價錢食哩個質素既野真係唔係好接受到，又唔算好多野揀，真係當同路人係羊牯，唔怪得咁多人寧願食大喜屋

終於第一次試時代 叫左炸脾$26 + 薯條$5 +凍奶茶$3, 好抵食 不過質素就麻麻 王牌生炸雞脾，唔知係咪生炸，但一定唔係即炸，但亦都冇翻炸，好快上到枱，唔熱既，成個碟都係油，食起上黎都成口油，雞肉唔滑，但慶幸雞皮仲係脆，朕雞油味仲幾香，有d 炸子雞feel 薯條可以唔洗嗌，又係一早炸好，有d 脆有d 已經淋晒，隻叉吉落去就見到d 油咇出黎嗰隻，個底左有勁大粒鑊燶，開頭以為係昆蟲 凍奶茶係樽仔奶茶，冇冰，茶同奶比例剛好，只係甜左d 我諗飯類會比較出色，下午茶就不了

今日同同事3人黎試下哩間泰國野, 價錢公道, $58 有埋泰式奶茶飲, 仲想點
似係家族生意, 女人主理樓面, 男人同一個再老d 既奶奶o係廚房, 佢地私下溝通係講泰文, 所以都唔係港式扮泰式, 之於有冇再調過做港式口味就係後話

我叫左個香葉燒肉飯, 同香葉肉碎飯既分別係少左隻蛋
都幾濃味, 同泰國口味都似, d 燒肉都ok, 但係就好有朕豬羶味, 即係豬屎味
泰式奶茶既茶味幾香, 但就唔太夠甜, 事頭婆落單水吧一腳踢, 都明佢忙, 所以沖出黎可能有d 參差

食到中間有3個人入黎, 事頭婆叫我地3個坐埋一邊
首先佢張枱雖然有6張凳, 但其實係張4人枱黎, 坐埋一邊真係手貼手
其次係我同事係肥仔, 我地根本真係冇可能坐埋一邊
最後o個3個人坐左另外一張枱
但隨後有個單獨男人過黎同我地搭枱

依家正值武漢肺炎高峰期, 我知道你有生意冇理由唔做, 但咁樣做生意法真係好冇公德
為左賺錢可以唔理人交叉感染, 我有理由相信間野係藍