OpenRice 主頁      English OpenRice      TableMap      開飯遊踨
   中文 | English
雲漢居士
我是住在觀塘的雲漢居士。我是一名打雜。我最常於土瓜灣紅磡觀塘出沒,最鍾意車仔麵
食評會員 0次成為首位寫食評會員
食評數目 食評數目 28
編輯推介數目 編輯推介數目 0
食評被推次數 會員推介次數 1
人氣指數 人氣指數 3270
討論區留言 留言數目 0
上載相片 上載相片 0
上載影片 上載影片 0
我的推介食評 我推介的食評 0
我的餐廳 我的餐廳 0
關注 關注 0
粉絲 粉絲 2
雲漢居士  等級2
關注 關注  留言 留言給此食家 
排序方法:  日期 笑臉 笑臉 喊臉 喊臉  編輯推介  餐廳總分 
顯示選項: 所有香港 澳門  
 
 
 
 
 
  文章形式 文章形式   |   地圖形式 地圖形式
共 28 篇香港及鄰近地區的食評,正顯示第 1 至 5 篇的食評
2011-10-28
Share on TwitterShare on Facebook
類別 : 滬菜 (上海)中菜館酒店餐廳

用了團購,試試半自助餐,前菜甜品任食再加一碗麵。由於以前食過,看過食評都覺得,只要平日食就應該ok,今天放假咪同居士夫人去囉!點知……

shocked12:15pm去到,成個場無人,只有一班早我10秒到場的一圍人,坐下後我便表明是享用半自助餐的,員工竟然話,出面擺放的食物不可享用,他們會安排「三碟」前菜給我……嘩!我即刻問,什麽叫做“前菜甜品任食”呢?可能佢地想分開半自助餐同全自助餐,所以安排半自助餐的人,由員工上三碟前菜了事,但這個安排極有問題,就係因為佢地把前菜同甜品,連同湯、飯、熱勲等食物一齊放,做成混亂係佢地自己攪出黎……結果嘈完一輪,一位擬似領班的員工,就帶領我,話俾我知邊D食得邊D唔食得,簡單些,凍的食物為“前菜及甜品”,再加一項熱食“紅豆沙”,就是我和夫人今天可以享用的自助食物!

講翻食物,基本上係好味的,前菜今天有八款,大部份係菜,另有醉雞、五香牛肉、鹵豆腐等等,同佢宣傳單最大分別係無左海哲同雞絲粉皮,其實八個前菜都幾好味,尤其醉雞及鹵豆腐可以推介俾大家;跟住上主食,分別有排骨湯麵同雲吞擔擔麵,排骨乾身但無味道,賣相好唔肥膩,師父其實做得好好,只係調味方面要再調一調,湯麵大碗,湯清甜,麵彈牙好味,但擔擔麵就唔得,雲吞好淋味道唔好,擔擔醬味道淡,成碗麵都唔好食,我只吃了所有雲吞及半碗麵就放棄了;最後輪到甜品,基本上係六款食物,有西瓜、蜜瓜、桂花糕、芝麻酥、好豆沙及杏仁豆腐,兩款瓜正常,杏仁豆腐我跟夫人都唔食無評價,芝麻酥普通,食了一件便無再取,好豆沙淡,又係兩人分享一碗算了,只有桂花糕食了很多,桂花夠味,糕都好企身,不會一夾就散,可推薦,還有送了熱豆漿,豆漿味係古老味道,但隱隱感到唔新鮮同埋好淡。

眼見坐係度兩粒鐘,加埋唔知有無10枱客,大部份都係用團購埋單,真係唔知佢地仲可以捱幾耐,服務唔係話差,食物質素唔高但都可以接受,安排係混亂,正價係定得幾高,但真係食完一次都唔係咁有意慾想食第二次的時候,希望佢地再諗諗,除了用團購吊命外,還有什麼可以做得更好,至少唔好寫住自助任食時,竟然會同客人講唔准出去攞,俾三碟你食咋!正價78加一就真係貴左少少,若團購38加原價加一都還可接受的。

另外就係師父幾健康,好多食物味道偏淡,淡到變得無咁好味。

推介美食: 醉雞、桂花糕
堂食等位時間: 0 分鐘
用餐日期: 2011-10-28        
是次消費: 每人約$46 (午餐)

評分: 味道 2   環境 4   服務 3   衛生 4   抵食 3

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果

2011-07-16
Share on TwitterShare on Facebook
類別 : 港式茶餐廳/冰室

居士太太休息唔煮飯,帶她去一下居士單身時代久不久幫襯的舊舖(老舖)。

八九十年代的裝潢,小小舖放了數張圓枱,2個人去,撘枱係必然的,前面煮粉麵同煲仔飯,後面就水吧同炒粉麵,老闆同師父們都好有經驗(上晒年紀啦!哈)。

這個時代舖頭食物尚算經濟,晚間快餐(一飯一飲)都係31蚊,煲仔飯大部份35蚊,粉麵都係21蚊啫,算抵食,而且份量幾多,我見旁邊猛男先生要左個快餐(豬手飯),飯同餸分開上,碟飯該有2碗以上的份量,而餸亦多,唔會搵大量菜墊底,至於對手一對小情侶,叫了一碗粉加一個煲仔飯,煲仔飯的餸好多,味道雖然不詳,但至少俾人感覺到誠意同貨真價實先!

講翻居士啦,由於不太餓(七點半左右),我和太太點了傳統牛雜河同埋魚旦粉,兩碗麵份量都好足,牛雜乾淨少脂肪,且河粉都好得,唔會淋晒,魚旦魚片就一般,但奇怪的發現一粒墨丸在其中?多謝師父加餸!墨丸好味有咬口,可惜個湯底就淡了點,下次都要加腩汁先得。

是次食完,太太話雖然古舊且地方不太舒適,她希望下次可以再試其他食物。

這家舖在時代變遷中亦迄立觀塘多年,希望老闆繼續經營,且保留這種風味!mad

推介美食: 牛雜河
堂食等位時間: 0 分鐘
是次消費: 每人約$21

評分: 味道 4   環境 3   服務 3   衛生 3   抵食 4

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果

2011-06-08
Share on TwitterShare on Facebook
類別 : 西餐廳

其實做得團購,都係想SELL下自己間舖,等多d人認識同幫襯,點解又攪到咁呢?

居士買了團購,一向不去港島開飯,見又話攞什麼奬,又話幾咁好味,咪上當囉!

首先來個電話奇談,原本諗住訂中午,佢話full,咁不如2點,又話無位,咁5點啦,又話驚7點交枱怕我地食唔切,咁都就夠期又唔會點過海,5點咪5點囉,佢地真係好多生意做唔切咁,點知4點半上到去,嘩!有兩枱客喎,一枱室內一枱室外,又幾full喎!

一坐底二話不說同廚房講“兩個粉”,咁我當然問團購話可以二選一喎!佢話宜家無雞得意粉,跟住免你多問雞咁腳走左,佢連水都仲未俾我地架!!!等15分鐘,沙律登場,少之又少,味道尚可接受,又等15分鐘,意粉上,嘩!白汁意粉,都無其他評家的餸?火腿絲倒有幾條,磨菇?妄想!而且份量奇少,連居士夫人個bb胃都食得晒,好明顯廚房佬唔係好想開爐煮的感覺,味道十分之一般,居士免免強強吞下後,侍應先生火速收晒餐具碗碟,跟住上飲品,好似無左d野喎!佢無預備送甜品俾我地,咁當然要出聲問下啦,佢話做緊,跟住攞返兩隻叉出黎,又等10分鐘,諗住係之前評家的泡芙,點知……登登登登,來了四塊4cm長x3.5cm濶x0.5cm厚的「莎莉蛋糕」,上面仲有廚房野性加點浪漫的劃上幾條朱古力醬汁,30秒都唔洗就KO左佢地啦,成果餐飯除左等45分鐘,食左10分鐘囉……真係攪鬼!

$38?真係搶錢,又無雞又無泡芙又無服務又話無位,同間舖名好襯,真係“共搶黨”食堂!仲要居士兩人各浪費來回二十幾蚊車費………

有興趣不妨試試!
推介美食:
堂食等位時間: 0 分鐘
用餐日期: 2011-05-28        
是次消費: 每人約$38 (下午茶)

評分: 味道 2   環境 2   服務 1   衛生 2   抵食 1

推介此食評

0
 
 
你覺得這篇食評:
鼓勵
期待
有趣
感動
羨慕
靚相

共有1 人投票
查看結果

2011-05-20
Share on TwitterShare on Facebook
類別 : 西式西餐廳酒店餐廳自助餐

唉!朋友推介,加上之前食評,又加上開飯有優惠券,咪去試試囉,點知………中計!

加了價,用埋優惠券都要$151一個人,可能居士遇人不熟,朋友又話好味好多野食,我入到去一眼望落去,真係好難想像,“好多野食”點都無可能用在這間餐廳huffy

算,有魚生,得兩款,任你幾鐘意食魚生,你都無可能食成粒鐘掛;有翡翠螺,但係質素很差,半數以上有沙;有沙律,全部係平價菜,無桃和菠蘿;熱食有8盤,無樣好食,旁邊一枱有位阿姐,佢笑笑口同佢朋友講,話佢煮仲好食;雪糕係大家推介的MOVEPICK,但我覺得味道好淡,不過這個是個人口味問題,雪糕係無問題的,仲有4種味道;甜品不提也罷,無樣好食,連簡單的啫喱都可以做得唔好食,而有評家話的曲奇,好奇怪,同坊間話好味的曲奇完全唱反調,鬆散!難以形容的甜味!若要我講有咩野食多過一轉………我諗會係咖喱角吧!

埋單每位151……有點肉痛,居士覺得100都唔值!唯一係服務唔錯囉。
推介美食:
堂食等位時間: 1 分鐘
是次消費: 每人約$151
是次使用的OpenRice優惠券: 

評分: 味道 2   環境 3   服務 4   衛生 4   抵食 2

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果

2011-05-19
Share on TwitterShare on Facebook
類別 : 多國菜自助餐

lol太太有團購優惠,60元一位就有個任食午餐,基本上係無左日本菜啫,可接受!

由於已訂位,一去到就可以就坐,但第一輪點選的菜等了超過15分鐘,可能廚房師父未上力,或者個鍋未燒熱掛,不過第一輪過後就好好多,接著入的ORDER紙,10分鐘內都可以到,而且無漏單,反而成日俾多我添,可能食左其他枱的點菜,大家記得寫枱號寫得清楚些吧!服務OK,換碟換得好密,但係傳菜的人就麻麻,成日飛碟,或者將碟菜放在枱邊就走左去!

講完服務,都要講下食物質素,基本味道可接受,炸物多了點,煮物油了點,由於全枱不吃辣,辣物不詳,可推介的會係蔗蝦、雞絲粉皮、湯河同埋咸檸水,似乎東南亞菜式比中式菜做得好,以60元來說,絕對叫超值,好多中價菜館都未必有佢咁好食。

最後都想表揚當日換碟那位小姐,佢好勤力,而且主動同客人講下野,問下客人夠唔夠食,抵讚。另外,希望店舖改善一下佢個甜品櫃,放正係大門,但攞甜品的櫃門卻在客戶坐位後面,攞甜品極不方便,而且有時仲撞到其他客人,好唔好意思嘛。

推介美食: 蔗蝦、雞絲粉皮、咸檸水
堂食等位時間: 0 分鐘
用餐日期: 2011-04-30        
是次消費: 每人約$60

評分: 味道 3   環境 3   服務 4   衛生 3   抵食 5

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果