跟大學同學有2年沒見 , 終於約到出黎見一次
揀返一個大家的中間點 - 旺角 , 都係自己工作的地方
其中一位朋友一向都係識飲識食 , 咁就由佢去揀
最後兩個女仔朋友就揀左呢間台灣野 , 其中一個仲要岩岩係台灣旅行返黎
原本我都諗住係普普通通一個台灣野咁 , 見d餐具同埋環景都唔算係特別
都無抱特別期望 , 因為遲收工關係 , 兩位小姐就先叫野食 , 一樣都係叫左花枝丸擔擔麵 , 再加叫左一客鹽酥雞3個一齊食.
去到見到佢地碗野 , 又香又濃 , 我都跟佢地咁叫左花枝丸擔擔麵 .
真係估唔到 , 個湯係十分重口味!! 完全岩哂我口味 , 本來我係好鍾意重口味的!! 又濃又"傑傑"地的湯底 , 花生 , 蒜 , 肉碎 加埋一齊好好食
佢有得俾你唔同ga辣度 , 我都係最原本的小辣 , 好好味!!麵就唔算特別 , 普普通通都OK!! 另外就係個一客鹽酥雞 (HK$58) , 其實以一般人咁諗
基本上呢D小食都係又貴又小分量又普通
估唔到, 呢個可能伙我食過最大分量的鹽酥雞小食
朋友仲笑住話, 呢個分量直頭係一個小菜咁, 差個白飯就夠食~
唔會太油,雞肉軟軟地, 有咬口 ,推介!!
可能佢地2個女仔食得唔多,我遲到但都仲有好多舊可以食!! 整體其實都唔錯 , 飲品我就叫左香芋奶茶 , 對我黎講算幾好飲 , 因為都好重口味 , 好濃香芋!!!
成間野其實都唔錯 , 唯獨真係太熱了 , 好似又無開冷氣 , 又唔會開門 , 真係好熱 , 我呢個時間都食到出哂汗!!

呢個係爸爸朋友開的小店
好細個個陣已經去食過 , 不過裝修過後我都無再去食過
荃灣真係愈來愈多人 , 間間餐廳都要等超過10張枱 , 咁岩又唔知食咩好
就叫埋老豆呀妹食返佢朋友小店 , 我都真係可以試下佢地平時所講ga幾好食
我地3個人 , 叫左5樣野食 , 因為自己趕住返屋企睇波 (雙紅會ma無計la) , 所以一心想快快手食完就走
首先一定要講 , 出菜真心慢 , 好聽講係佢即叫即整掛我估 , 但真係好慢 , 太慢  最後係一樣野食一樣野食咁黎 , 真係無咩Feel..所以我D相基本上都係每樣野食影 , 因為根本等唔到一次過黎哂 先講巴東牛肉飯同埋個馬拉盏通菜
老實說 , 雖然是爸爸朋友 , 但係份量真係太少laa , 個巴東牛肉得3塊ja , 個飯又唔算多..
個菜份量還可以 , 味道我覺得呢兩樣都正正常常, 唔算好特別.
之後就係加多加多沙律 , 老老質實我俾好期望佢的
好彩都無問題 , 凍凍地好好食好開胃 , 當然份量又係唔算多 , 要比起新加坡食又比唔到
但真心算唔錯 , 溝埋沙律都唔錯 之後就先講呢個全餐重點!!!都係老豆最愛 , 都係老豆一入店就叫老細整既野食...
醬菜蛋豆腐!!!!!!!!!!!!!!!!!!!!!!!!!!!!!! ($82)
成餐我覺得最抵最好多食最夠份量就係佢!!真係好好食!!!好好食!!好好食!!
好重要講三次!!!
份量夠哂好大碟 , 蛋餅同埋炸豆腐都係十分出色 , 唔太油膩 ，脆卜卜!!
而重點係個汁 , 甜甜地(好似又有D蒜)溝埋落D蛋到食 , 真係好好食!!我為左呢碟野叫多左飯去送...
最後幾飽都好 都堅持食哂佢!! 最後比較失望既就係....串燒($82) 所以要我個人做個比較..一樣價錢..但份量同味道都差得遠
個串燒十分普通 , D肉唔係特別好食 , 十分普通的雞同埋豬 , 但$82 / 6串, 以我黎講唔算抵~
但當然要讚返個沙嗲汁 , 係幾好食 , 唔太辣 , 有少少花生粒~
其實只係個醬菜蛋豆腐,我都已經十分推介大家去試
本來荃灣食印尼野選擇唔多(或者係我唔識la) , 但呢到不妨係一個好地方去食下
最後3個人食左$380.

當係生日飯再重新寫返食評
因為朋友請食生日飯關係,加上我地之間ga食飯價錢不斷上升
今次終於要衝上$600 / 一位 價錢黎講 , 我地3個人 , 加埋我即刻做左會員 , 有75折 , 好似埋單係1200 - 1300 內左右.
雖然佢兩個好多怨言 , 但無阻我吃貨心情   先提返 , 呢個係放題套餐 , 佢會送一個刺身拼盤同埋一個海鮮拼盤
刺身拼盤就一般la , 正正常常都好鮮甜
但重點係個海膽..唔太腥,,以送ga質數黎講算唔錯,加上朋友唔太好,所以我成功推哂 之後就係個海鮮拼盤 (燒用)
我係重點推介個條魚(紅色個條,一時醒唔起叫咩名)
真係好好食, 燒肉有鮮甜加埋有點鹹鹹地咁,真係好好食,一燒起已經好快唔見左條魚
之後就返返去我地呢3個食肉獸真正對決的地方
眼明手快絕對係一個由小培養的作戰技巧
如果唔係永遠都唔會食得到一塊牛肉 基本上就係呢一盤野 , 我地重複叫左一樣既野大約 5 - 6 次啦
因為真係好好食
見到d牛既花紋 / 脂肪分佈已經知道唔係一般野
可能我地3個平時食GA都係好普通GA放題
所以見到呢d都更加比較易接受HAHAHA
我真係好推介牛舌..厚度岩岩好 , 咬落去好有質感  另外澳洲和牛個3款牛 , 其中我會推介牛胸腹 , 咬落去岩岩好 , 有易入口
其實可以揀GA野唔多, 但賣數的確唔錯 好快介紹埋其他野~
飲品正常野
但啤酒同清酒係任飲,仲要有好多款俾你揀,呢個岩哂d酒控同千杯不醉
我只係試左其中一款,都唔錯~ 重點第二!!!! MOVENPICK任食!!呢個係其中一個吸引我BOOK呢間GA原因!!
本身我好鍾意MOVENPICK GA 朱古力味!! 最好我食左 3杯 正式結束呢餐飯~ 個情況大致上係咁, 我都推介左俾同事去食
可能我地去個日係星期一,比較少人
但少人其實仲好, 個到D職員基本上有7成時間都係幫我地燒緊 , 特別係D海鮮
岩哂我地呢D又要食又唔想做GA人哈哈哈
服務態度又好 , 係一個唔錯的食飯地方
+$20可以即做會員 , 可以即刻有折
建議BOOK TABLE之前問多次好D!!

今日一行四人，難得有機會食個好Lunch 就揀左呢間所謂林線專門店食午餐。 一個字：劣 我地每人叫一碗紅薯粉 D紅薯粉又硬又唔好食 都唔好再講佢彈唔彈牙 其中一個叫左碗有湯既，都係咁唔好食 講配菜： 雞絲四個都叫左，超難食，痴埋哂一大舊咁 豬瞤直頭又臭又干，想反胃 我宜家就坐左係間野到即刻打食評出黎 我地四個食完都係灰哂，好難食，每人都叫左成50幾蚊碗，超差。 我仲追叫左個口水雞，但應左我機話收到之後，就完全無人再理我，我都唔敢再叫，因為都預左難食。早知食個燒味飯好過！！

次次係荃灣食糖水
都係路德圍個幾間
又多人又迫又悶..
成日行開經過..都無入去食..
今次終於有機會了!!!

入到去好clean好舒服!!!
d台同chair都係傳統式的木台哈哈

當然叫左招牌燉鮮奶~~
一個字..滑!!!
就算一直雪住拎返出黎都仲好好水準.
入口凍凍的就溶了..
好食有一陣陣的奶味..
又香又滑!!!!
而且都叫做比原定的大碗~~

得閒試下呢間..
遠離一下路德圍個邊..
其實會發現仲有一間好好的糖水店呢~

牛涮鍋都食過好幾次...
每次去都係有進步的!!!

先講湯底!!!
十分欣賞的泡菜湯!!!一D都唔辣但就有好香好濃的韓味哈哈
鍾意韓菜的我當然唔放過!!!
次次去多數都係食最平的價錢..
因為其實最平已經唔算差..肥唔係太肥..已經好好了..
比起酒樓個d成塊8成都係脂肪..
呢個價錢已經達到要求..
打邊爐除左配料..
我覺得最重要係個醬!!!!!!!!!!!!
十分十分十分鍾意佢地的芝麻醬!!
配肥牛真係好夾..個醬又香又係無限加
唔會太肥..好好食的芝麻醬..
又有豉油加蔥花~~
另外要講既係個烏冬..
無記住好似係稻庭..總之係出名的烏冬牌子..
好彈牙加埋個芝麻醬.又係一絕~~
上菜快野食好..而且宜家唔止汽水咁簡單..
又教埋你沖soda飲..
最正係仲要自肋雪糕..
可可片同朱古力任加..
真係一次比一次好~~

太多朋友都講呢間野,,
所以搞到我都忍唔住去試下!!!
一個字..窄..哈哈
去到竟然見到TVB以前個小朋友節目主持..X貫中

望到個餐牌個陣..
老實講..俾我感覺係幾貴..
始終做起左個名..價錢都隨名氣而增加..
當然叫左必食狗仔粉..呢個好LIKE
熱辣辣味道好好..
唔會太(傑)..D粉條好好咬口又彈牙..好好食..
加埋無限菜莆咸咸地好好食!!!!又大碗又好食!!!跟手第二出名係個火鴨脾
UM...先講個翅..係幾好食
好香好濃味..好熱..咸咸的幾好..
而個脾就...
可能我食唔慣吧..
覺得D肉好硬..感覺上食落似雞脾..
分別不大..個翅比隻脾好食..
但隻脾勝左夠大隻..
唔知係米翻熱又翻熱..所以D肉開始唔太好食...其他的燒賣..豬皮..魚蛋..等等..
料唔算特別..
但個醬一流..
有DD辣好香口!!香噴噴!!
特別推介個醬係好食!!基本上個醬配咩都好食哈哈!!

那天放假跟著朋友出去兜風.
3個男生在荃灣兜兜下突然發現呢間韓國菜..
我地真係驚奇估唔到呢個位都有韓國菜食.
始終附近的都係公屋..真係想像不了.
正想食下午茶的我們就儘管入去試試了.

入到去 其實都算幾大間..
但計埋我地得2台人..
可能係午市已經過左吧..加埋呢個地理位置.
明白係比較難做生意的..

一定要讚既係個海鮮餅!!!
好香好脆..係估唔到咁好食的..
熱辣辣拎左出黎..雖然唔算大塊..
但係質數一流!!第二要讚既係紫菜卷..
雖然同係韓國食既真係差好遠..
不過比想像的好食..份量剛剛好
唔算太凍..D飯都好咬口
其他配料的味道岩岩好.
唔會一夾就散..可惜我最鍾意的炸醬麵就比較失望了..
首先..賣相真係一D都唔吸引..
突然又有隻蛋..總是怪怪的.
個醬的確太咸..而且成個麵都幾凍..
而且個醬超級(傑)..當然韓國的都會有D(傑).
不過佢個醬傑)得黎好怪..令個成個感覺差哂.
真係唔太滿意..
麵條我都唔清楚係咩麵條..
不過應該唔係韓國的炸醬麵條
當然本身入去已經預左唔算太好
所以都沒有太大期望..
希望佢愈做愈好吧.
始終在荃灣的韓菜不多~~

深井首選!!!
簡單黎講..平靚正!!!
對我地呢D又要平又要飽的人真係好滿足!!!
基本上次次去都係食..
餐肉雞扒飯!!!
2大塊餐肉加1塊雞扒
最重要的係雞扒炸完都唔覺濃左
皮脆岩岩好..又好咬口!!
加埋支大可樂都係$32
係出邊根本食唔到呢個價~~
個人口味加埋蜜糖落雞扒到..
真係好好食..
甜甜的蜜糖加埋佢本身的甜豉油!!
真係好正!!
妹妹叫左杯華田脆脆飲..
其實個人就覺得唔太特別..
不過妹妹就好鍾意哈哈..!!
住深井的無可能唔知呢間野..已經係比較少有同平價的深井快餐~~

食過一次普通打邊爐
見到上一次的食評仲係自己哈哈哈
今次唯獨唔同
係食左個雞煲

4個人去 送半隻雞煲
又唔洗加錢 即刻去試試啦
點知真係好surprise 
隻雞真係好好食 特別個醬
少少辣岩岩好 d雞一d都唔'鞋'
又滑又好食 用埋d醬落湯打邊爐真係好好食
比上一次第一次食的仲抵仲正

不過肥牛真你超級肥
但係都叫好多