Big Jo’s 裝修簡單有型，食物選擇貴精不貴多。雖然單點份Mushroom Steak Sandwich 要成$100，連set仲要$120(薯條+罐裝汽水)，但食完之後你就會覺得好甘心俾呢$100。Sandwich包身幾有咬口，份steak好入味，最重要係有大量溶溶地既cheese，同埋炒得好香但又有少少軟身既onion，夾埋一齊食簡直快樂過神仙。反而薯條就普通貨，建議大家都係單叫份sandwich enjoy下!

金鐘三寶(JW Marriott, Conrad, Shangri-la)既buffet一向有水準，論最扺食一定係Conrad lunch buffet。但如果計埋環境，JW Marriott就略勝一籌。The Lounge既大玻璃最啱我地呢D想同陽光玩遊戲但又唔願熱既人。而且，The Lounge既梳化色彩繽紛，每張枱又放得開，客人可以食得開心，坐得舒服!對上一次黎食tea buffet已經係一年前，當時有羊架同Haagen-Dasz。今年再黎，The Lounge已經轉左唔少特色食物:乳鴿 – 第一次見到乳鴿出現係酒店buffet，咁surprise當然要拎件試下。乳鴿既肉質都算幾滑，但個皮就唔係幾脆，味道一般。乳鴿隔離份燒汁雞翼比佢更加惹味!碗仔翅 – 酒店有呢D香港民間小食都幾得意，裏面仲要有好多雞絲，食得出個湯底用鮮雞煲出，即使唔落胡椒粉同醋，都可以當係飲左碗靚湯。龍蝦意粉 – 呢款食物全場最受歡迎，每次一出就好快比人拎晒。個sauce除左好creamy，仲有好多大件龍蝦肉，簡直連剝殼時間都慳番。而且廚師好醒目，用幼麵去配呢個咁creamy既sauce，大家encore多兩次，都唔驚晒左quota去食其他野。Tomato sauce – 如果你係bread-lover就唔好錯過呢個sauce，佢唔至有好多蕃茄蓉，仲有好香olive oil，配上法包食絕對一流。平時Tomato sauce係超級市場都賣幾十蚊樽，自己又唔知爭唔爭氣食得完成樽，例不如趁tea buffet淺賞下!鱸魚 – 一咬D魚油已經溜出黎，d魚肉仲好滑。之前係Jimmy’s Kitchen食份鱸魚main course都要$350，大家食多兩件加埋份龍蝦意粉可算係回本之作!甜品既「英式杏仁茶蛋糕」同Lemon Cake就最得我歡心，因為係buffet好少見到呢d英式loaf cake。兩款餅身比較lim，同埋個種甜係淡淡的，帶有輕輕的茶香/果香。紅桑子mousse – 味道酸咪咪，個mousse好似酒泡咁，好過穩!DIY甜品 – 由於自己唔太好酒，所以係酒焰pancake個corner淨係要左份plain pancake，再配上movenpick雪糕，放埋棉花糖做點綴，oh>>>>>>好食呢!大家如果想繼續回本，可以食埋係Marriott個cake shop (Dolce 88)賣超過$20塊既cookies。今次tea buffet，冇左以前任飲既smoothie，不過仍然有其他果汁選擇，加上酒店提供多款花茶/水果荼比客人，餐後坐係梳化上傾下計，呢個weekend過得好寫意呢!

MIDTOWN唔只位置方便，食店有水準，最重要有銅鑼灣難得一見既靚view。PENTHOUSE位於MIDTOWN 30樓，係多間食店最高樓層既一間。裝修除左型外，座位亦FIT晒所有顧客欣賞無敵維景，設計師絕對無浪費呢個靚景。食物方面，PENTHOUSE無論味道、份量、價錢，都比DAN RYAN / GRAPPA’S 優勝。蔬菜清新、厚切salami令人回味、沒有pizza hut 的死咸。當晚因為朋友不習慣食太生既steak，所以我地叫了medium-well。驚喜在於呢個熟度仍然令人食到個種raw味，肉質依然細嫩。雖然單吃件steak已經好好味，但個sauce實在太creamy，after-taste又有牛油味，大家都忍唔住要點多兩淡。至於伴菜方面，冇sauteed vegetable、mash potato呢類大路野，而是焗原個蒜蓉。軟林林既蒜蓉加係份steak上，多左份微微攻鼻的味道。Mac Cheeses一如以往高水準，面頭芝士焗到趣卜卜，cheese-lover首選。龍蝦Risotto夠晒足料，淡淡龍蝦肉，飯又夠晒入味。唯一要彈係餐前麵包，又硬又唔夠熱，浪費晒個香草醬。

介紹Jim's cafe一定要由它的甜品開始-macaroon toastbox:這甜品集合了近年的大熱：多士盒+macaroon，不但創意滿分，更是吸晴之選。在這個「相機食先」的年代，來到Jim's cafe實在要叫一個呀！另外，此店的意大利粉也相當不錯。個人認為忌廉汁比番茄汁出色，忌廉汁香滑，意大利粉煮得爽口。不過，此店要改善它的朱古力飲品，因為味道如「茶餐廳貨」：淡如水，不值$38杯。建議大家去到此店，都是叫杯Oreo milkshake ，至少嚐到真正朱古力味，又有chocolate chips 。最後要讚的是: 三位80s 老闆的服務，以及他們的熱誠。我與朋友待餐時，其中一位站在適當距離位置，留意我們的進食速度。他們在適當時候，就立即替我們收拾餐具，再等我們小休一會才奉上多士盒，不似「茶木」般食得碗燥肉飯，多士盒個雪糕已經開始融。完餐後，跟其中兩位老闆閒聊，先知道他們在開店前，每人特地學習煮甜品同意粉，難怪他們可以創造出這麼精緻的甜品！